ខេត្តស្វាយរៀងៈ បុរសចំណាស់ម្នាក់បានស្លាប់ចំណែកបុរស២នាក់ផ្សេងទៀត បានរងរបួសស្រាល ដោយសារករណីគ្រោះថ្នាក់ចរាចរ ដ៏គួរឱ្យរន្ធត់មួយរវាងរថយន្តពាក់ផ្លាកលេខរដ្ឋមួយគ្រឿង បើកបុកម៉ូតូចំនួន៣គ្រឿង នៅខាងមុខខ្លោងទ្វារសកលវិទ្យាល័យស្វាយរៀង កាលពីវេលាម៉ោង ៧និង១៥ នាទី ព្រឹកថ្ងៃទី ១៨ ខែ កញ្ញា ឆ្នាំ ២០១៩ នៅលើផ្លូវជាតិលេខ ១ ចន្លោះKmលេខ ១២០/១២១ ស្ថិតក្នុងភូមិ ស្វាយ សង្កាត់ ចេក ក្រុង ស្វាយរៀង ។
ប្រភពដដែលបានឱ្យដឹងទៀតថា រថយន្តបង្កហេតុម៉ាកFord Ranger ពណ៌ ស ពាក់ផ្លាកលេខ រដ្ឋ.១៧.២.០៤៧១ បើកបរដោយឈ្មោះ សួន លាស់ ភេទ ប្រុស អាយុ ២២ ឆ្នាំ មុខរបរ បើកបរ រស់នៅភូមិ ត្រពាំងពោធិ៍ សង្កាត់ គោករការ ខណ្ឌព្រែកព្នៅ រាជធានីភ្នំពេញ បើកបរពីលិចទៅកើត អ្នកបើកបរគ្មានរបួស រថយន្ដខូចខាតធ្ងន់ ( បែកកង់រថយន្ដមុខខាងឆ្វេង) ។ ចំណែកម៉ូតូរងគ្រោះ ទី១/ម៉ូតូម៉ាក Nex ពណ៌ ស ពាក់ផ្លាកលេខ ស្វាយរៀង ១M ៩១១៣ បើកបរដោយឈ្មោះ យ៉ែម សុវណ្ណ ភេទ ប្រុស អាយុ ១៨ ឆ្នាំ មុខរបរ កម្មកររោងចក្រ រស់នៅភូមិ ប្រាសាទ ឃុំ ពោធិ៍រាជ ស្រុក ស្វាយជ្រំ ខេត្ត ស្វាយរៀង បើកបរពីលិចទៅកើត ពាក់មួកសុវត្ថិភាព រងរបួសស្រាល ម៉ូតូខូចខាតស្រាល។ ទី២/ ម៉ូតូមួយគ្រឿងម៉ាក ហុងដា សេ១២៥ ពណ៌ ខ្មៅ ពាក់ផ្លាកលេខ ONG ១២៣.១.០៥៤ បើកបរដោយ រស់ វ៉ា ភេទប្រុស អាយុ ៣០ មុខរបរ អង្គការហ្វាន់ រស់នៅភូមិ ស្វាយ សង្កាត់ ចេក ក្រុង ស្វាយរៀង ខេត្ត ស្វាយរៀង បើកបរពីកើតទៅលិច ពាក់មួកសុវត្ថិភាព រងរបួសស្រាល ម៉ូតូខូចខាតស្រាល ។ ទី៣/ ម៉ូតូម៉ាកហុងដាសេ ១២៥ ពណ៌ ខ្មៅ ពាក់ផ្លាកលេខ ស្វាយរៀង ១H ៥៥២៣ បើកបរដោយឈ្មោះ សេក សាម៉េត ភេទ ប្រុស អាយុ ៥៤ ឆ្នាំ មុខរបរ កសិករ រស់នៅភូមិ ចំបក់ សង្កាត់ ចេក ក្រុង ស្វាយរៀង ខេត្ត ស្វាយរៀង បើកបរពីកើតទៅលិច មិនពាក់មួកសុវត្ថិភាព ( ស្លាប់នៅកន្លែងកើតហេតុ ) ម៉ូតូខូចខាតធ្ងន់។
សមត្ថកិច្ចបានបន្ថែមទៀតថាៈ ចំពោះមធ្យោបាយរក្សាទុក នៅការិយាល័យចរាចរណ៍ខេត្តស្វាយរៀង។ ចំណែក អ្នករបួសសម្រាកព្យាបាល នៅមន្ទីរពេទ្យខេត្តស្វាយរៀង ដោយឡែកសាកសពជនរងគ្រោះ ត្រូវបានបញ្ជូនឱ្យក្រុមគ្រួសារយកទៅធ្វើបុណ្យតាមប្រពៃណី។ គ្រោះថ្នាក់នោះដោយមូលហេតុ អ្នកបើកបររថយន្ដប្រើប្រាស់ល្បឿនលឿនបុកម៉ូតូម៉ាក Nex ពីក្រោយ រួចរេចង្កូតទៅបុកម៉ូតូពីរគ្រឿងទៀត៕ដោយ៖ វ៉ៃកូ
