ខេត្តកោះកុង៖ រដ្ឋបាលខេត្តកោះកុង ប្រកាសផ្អាកការធ្វើចរាចរណ៍ ចំពោះរថយន្តដឹកទំនិញធុនធំ មិនឲ្យបើកឆ្លងកាត់ផ្លូវជាតិលេខ៤៨ រយៈពេលពីរថ្ងៃ ដើម្បីរក្សាគ្រឹះបាតផ្លូវដែលទើបស្ថាបនាថ្មី។
សេចក្តីជូនដំណឹង របស់រដ្ឋបាលខេត្តកោះកុង ចុះថ្ងៃទី១៨ ខែកញ្ញា ឆ្នាំ២០១៩នេះ បានចេញបម្រាមហាមមិនឲ្យរថយន្តដឹកទំនិញធ្ងន់ៗ បើកឆ្លងកាត់ផ្លូវជាតិលេខ៤៨ទេ គឺនៅថ្ងៃទី១៨-១៩ ខែកញ្ញា ដើម្បីរក្សាគ្រឹះបាតផ្លូវ ដែលទើបជួសជុលរួច ក្រោយផ្លូវជាតិខាងលើនេះ រងការខូចខាត ដោយជំនន់ទឹកភ្លៀងនារដូវវស្សាឆ្នាំនេះ៕ ដោយ៖ ដែន សីមា
