ភ្នំពេញ ៖ លោកសុខសុវណ្ណ វឌ្ឍនាសាប៊ុង ប្រធានគណបក្សខ្មែរក្រោក និងជាសមាជិកឧត្តមក្រុមប្រឹក្សាពិគ្រោះ និងផ្ដល់យោបល់ បានថ្លែងថា អ៊ំប្រុសវ័យចំណាស់បានពុះពារទាំងមេឃភ្លៀងរលឹម ដើម្បីដាក់ពាក្យបណ្ដឹង ដើម្បីស្វែងរកយុត្តិធម៌ ក្រោយមានអ្នកមានអំណាចធ្វើបាប កាលពីថ្ងៃទី ១៨ ខែកញ្ញា នៅវិមានសន្តិភាព។
លោកបានបញ្ជាក់ថា ក្នុងឱកាសនោះដែរ អ្វីដែលលោកភ្ញាក់ផ្អើលនោះ គឺមានអ៊ំប្រុសវ័យចំណាស់បានពុះពារទាំងមេឃភ្លៀងរលឹម ដើម្បីដាក់ពាក្យបណ្ដឹងតាមរយៈលោក ដើម្បីស្វែងរកយុត្តិធម៌ ក្រោយមានអ្នកមានអំណាចធ្វើបាប។
នេះបើតាមលោកបានលើកឡើងយ៉ាងដូច្នេះថា៖ លោកអ៊ំ គាត់ឈរចាំដាក់ពាក្យប្ដឹងមកខ្ញុំទាំងភ្លៀង ព្រោះគាត់ត្រូវបានអ្នកមានអំណាចធ្វើបាប ហើយ មិនដឹងទាក់ទងខ្ញុំតាមណា ក៏មករង់ចាំខ្ញុំនៅទីស្ដី ការនាយករដ្ឋមន្ត្រី រហូតបានជួបខ្ញុំពេលខ្ញុំទៅប្រជុំ ព្រឹកមិញនេះ។
លោកថា ខ្ញុំរីករាយនឹងផ្ដល់សេវាឲ្យអស់ពីលទ្ធភាព តែអ្វីដែលខ្ញុំផ្ដោតសំខាន់ គឺខ្ញុំកោតសរសើរ ដែលគាត់មានវ័យចំណាស់ហើយ តែគាត់ពុះពារប្រយុទ្ធរកយុត្តិធម៌ ៕ដោយ៖បញ្ញាស័ក្តិ