ខេត្តត្បូងឃ្មុំ: ស្នងការដ្ឋាននគរបាលខេត្តត្បូងឃ្មុំ បានឲ្យដឹងថា នៅថ្ងៃទី១៩ ខែកញ្ញា ឆ្នាំ២០១៩ វេលាម៉ោងប្រមាណ២រំលងអធ្រាត្រ នៅភូមិដារផ្សារ ឃុំដារ ស្រុកមេមត់ មានករណី ភ្លើងឆេះផ្ទះរបស់ប្រជាពលរដ្ឋនៅភូមិដារផ្សារ ឃុំដារ ស្រុកមេមត់ អស់ជាច្រើនខ្នង។
ផ្ទះរបស់ប្រជាពលរដ្ឋដែលមានឈ្មោះ ដូចខាងក្រោម៖ ១-ឈ្មោះ ជា ចន្ធូ ភេទប្រុស សង់ពីថ្ម (ឆេះខ្លេះ) ២-ឈ្មោះ ហ៊ួត អេង ភេទប្រុស សង់ពីឈើ (ឆេះអស់) ៣-ឈ្មោះ តុល ស៊ាងហ៊ួត ភេទប្រុស សង់ពីឈើ(ឆេះអស់) ៤-ឈ្មោះ ឆាយ ស៊ីវហួយ ភេទស្រី សង់ពីឈើ(ឆេះអស់) ៥-ឈ្មោះអ៊ឹង ឆាយ ភេទប្រុស សង់ពីឈើ(ឆេះអស់) ៦-ឈ្មោះ លាង សុង ភេទប្រុស សង់ពីឈើ(ឆេះអស់) ៧-ឈ្មោះ ម៉ូវ ស៊ីណា ភេទស្រី សង់ពីឈើ(ឆេះអស់) ៨-ឈ្មោះ ម៉ូវ ស៊ីថា ភេទស្រី សង់ពីឈើ(ឆេះអស់) ៩-ឈ្មោះ គ្រួច សំកេន ភេទប្រុស សង់ពីថ្ម (ឆេះខាងមុខ) ១០-ឈ្មោះ ឈិន ឈឿង ភេទប្រុស សង់ពីថ្ម(ឆេះខាងមុខ) ១១-ឈ្មោះ ហ៊ូ វ៉េ ភេទ ប្រុស សង់ពីឈើខាងមុខថ្មខាក្រោយ(ឆេះខ្លះ)។
នគរបាលមូលដ្ឋាន បានឲ្យដឹងថា ក្នុងហេតុការណ៍នេះ នគរបាលបានប្រើប្រាស់ឡានអគ្គីភ័យ នៃអធិការដ្ឋាននគរបាលតាមបណ្តាស្រុក ៦ និងខេត្ត២ ព្រមទាំងក្រុមហុ៑នចំការកៅស៊ូមេមត់ បានជួយពន្លត់ ដោយ ប្រើប្រាសទឹកសរុបអស់ ៣៥ឡាន។
មកដល់ពេលម៉ោង៤:៣០នាទីជិតភ្លឺទើប យើងគ្រប់គ្រងបានស្ទើ១០០%។ លោកឧត្តមសេនីយ៍ទោ បែន រ័ត្ន បានដឹងនាំបញ្ជាឲ្យទុកឡានទឹក ៣គ្រឿង ឲ្យប្រចាំការមួយរយៈទៀតដើម្បីត្រៀមពិនិត្យក្រែងមានបញ្ហាសេសសល់៕ដោយ៖កូឡាប
