សៀមរាប ៖ ស្រះស្រង់ជាផ្នែកមួយដ៏សំខាន់នៃរមណីយដ្ឋានអង្គរ និងមានសំណង់ប្រាសាទនៅកណ្ដាល ជាតំណាងឱ្យភ្នំព្រះសុមេរុ។ បច្ចុប្បន្នប្រាសាទនេះបានរងការបាក់បែកដោយសារកត្តាធម្មជាតិ។ ដើម្បីលើកតម្លៃប្រវត្តិសាស្រ និងទេសភាពវប្បធម៌ នៃស្រះស្រង់ឡើងវិញ អាជ្ញាធរជាតិអប្សរា គ្រោងនឹងជួសជុលប្រាសាទកណ្ដាលស្រះស្រង់ នាពេលឆាប់ៗខាងមុខនេះ។
តាមរយៈស្មារតីរួមចំណែកនាពេលនេះ គេសង្កេតឃើញថាវិស័យឯកជន បាននិងកំពុងតែចូលរួមយ៉ាងសកម្ម លើផ្នែកបេតិកភណ្ឌវប្បធម៌ជាតិ។
គួរបញ្ជាក់ថា ប្រាសាទកណ្ដាលស្រះស្រង់ដែលស្ថិតនៅមុខខាងកើតប្រាសាទបន្ទាយក្ដី កសាងឡើងក្នុងរាជ្យព្រះបាទជ័យវរ្ម័នទី៧ នាស.វទី១២៕ ដោយ៖កូឡាប
