ភ្នំពេញ៖ ក្រសួងកិច្ចកានារី នៅថ្ងៃទី១៩ ខែកញ្ញា ឆ្នាំ២០១៩ បានចេញសេចក្តីប្រកាសព័ត៌មាន ស្តីពីការប្រជុំបណ្តាញអ្នកសិល្បៈ ស្ដីលើកកម្ពស់ការយល់ដឹង និងរួមគ្នាទប់ស្កាត់អំពើហិង្សាលើស្រ្តី និងអំពើហិង្សាទាក់ទងនឹងយេនឌ័រ។
បើតាមសេចក្តីប្រកាសព័ត៌មាន ក្រសួងកិច្ចការនារី សហការជាមួយក្រសួងវប្បធម៌និងវិចិត្រសិល្បៈ នឹងរៀបចំកិច្ច
ប្រជុំបណ្តាញជាមួយសិល្បករ និងអ្នកពាក់ព័ន្ធក្នុងវិស័យសិល្បៈ ក្នុងប្រទេសកម្ពុជា ដើម្បីពិភាក្សាផ្លាស់ប្តូរយោបល់ ទាក់ទង
នឹងការសម្តែង ការនិពន្ធ និងការផ្សព្វផ្សាយ នានា ដើម្បីលើកកម្ពស់ការយល់ដឹងនិងរួមគ្នាទប់ស្កាត់អំពើហិង្សាលើស្រ្តីនិងអំពើ
ហិង្សាទាក់ទងនឹងយេនឌ័រ។
កិច្ចប្រជុំនេះ នឹងរៀបចំឡើងនៅ ចាប់ពីម៉ោង ៥.០០ ល្ងាច នៅថ្ងៃទី១៩ ខែកញ្ញា ឆ្នាំ២០១៩ នៅសណ្ឋាគារឡឺរ៉ូយ៉ាល់។
វិស័យសិល្បៈសម្តែង ចម្រៀង តន្រ្តី កំប្លែង និងភាពយន្ត ជាវិស័យដែលមានប្រជាប្រិយភាពខ្លាំងមួយ សម្រាប់មនុស្ស
គ្រប់វ័យ នៅក្នុងសង្គមនាពេលបច្ចុប្បន្ន។ ការរីកចម្រើនក្នុងវិស័យប្រាស្រ័យទាក់ទង និងការកើនឡើងនៃបច្ចេកវិទ្យា និងបណ្តាញ
ទំនាក់ទំនងសង្គម បានធ្វើឲ្យការផលិត ការចែកចាយ ការផ្សព្វផ្សាយ កាន់តែមានភាពងាយស្រួល។
ប្រជាប្រិយភាពក្នុងវិស័យសិល្បៈនាំមកនូវការកម្សាន្ត ក៏ដូចជាបានបង្កប់នូវខ្លឹមសារអប់រំ ដែលមានឥទ្ធិពលទៅលើអ្នក
អាន អ្នកស្តាប់ និងអ្នកទស្សនាទាំងឡាយ។
ដោយសារតែឥទ្ធិពលខ្លាំង នៃវិស័យសិល្បៈ និងដោយសារក្តីកង្វល់មួយចំនួន ដែលបានកើតឡើងតាមរយៈឥទ្ធិពលនៃ
វិស័យសិល្បៈនេះ ក្រសួងកិច្ចការនារី មានគោលបំណងលើកកម្ពស់ការយល់ដឹងក្នុងវិស័យនេះ ទាក់ទងនឹងរួមចំណែករបស់វិ
ស័យសិល្បៈ ក្នុងការទប់ស្កាត់អំពើហិង្សាលើស្រ្តីនិងអំពើហិង្សាទាក់ទងនឹងយេនឌ័រ ដែលស្តែងចេញតាមរយៈសម្តែង ចម្រៀង
តន្ត្រី កំប្លែង និងភាពយន្ត ព្រមទាំងសំនួនវោហារផ្សេងៗទៀត។
ក្នុងន័យនេះ សិល្បករ និងអ្នកពាក់ព័ន្ធក្នុងវិស័យសិល្បៈ ក្នុងប្រទេសកម្ពុជា មានតួនាទីសំខាន់ ក្នុងការលើកស្ទួយនិង
រួមចំណែកធ្វើឲ្យមានសមភាពយេនឌ័រ នៅក្នុងប្រទេសកម្ពុជា។
ក្រសួងកិច្ចការនារី ជាយន្តការថ្នាក់ជាតិក្នុងការសម្របសម្រួល លើការលើកកម្ពស់សមភាពយេនឌ័រ និងបង្កើនភាព
អង់អាចដល់ស្តីនៅកម្ពុជា។ កិច្ចការ និងបេសកកម្មសំខាន់មួយក្នុងការលើកកម្ពស់សមភាពយេនឌ័រ និងបង្កើនភាពអង់អាច
ដល់ស្ត្រី គឺការធ្វើឡើងតាមរយៈការផ្លាស់ប្តូរឥរិយាបថ និងផ្នត់គំនិតសង្គមដោយពង្រឹង និងពង្រីកយន្តការនៃការប្រាស្រ័យ
ទាក់ទងការផ្សព្វផ្សាយ និងបណ្តាញទំនាក់ទំនងផ្សេងៗ ទាំងនៅក្នុងនិងក្រៅស្ថាប័ន៕ដោយ៖កូឡាប
