ឆ្នាំជូត
រាសីខ្ពស់ត្រដែត។ នៅក្នុងថ្ងៃនេះដំណើរជីវិតរបស់លោកអ្នកល្អប្រសើរហើយធ្វើអ្វីក៏តែងផ្តល់ផលល្អៗមកវិញគ្រាន់ជាទីពេញចិត្តផង។ការប្រកបការងារលោកអ្នកតោងចេះទំនាក់ទំនងជាមួយអ្នកដទៃឱ្យបានល្អនោះផ្លែផ្កានឹងទទួលបានល្អនៅគ្រាក្រោយជាក់ជាពុំខាន។សម្រាប់អ្នកប្រកបរបររកស៊ីជួញដូរទោះលោកអ្នកជួញទីជិតឆ្ងាយមិនថាផ្លូវគោកផ្លូវទឹកក្តីតែងហុចផ្លែផ្កាមកវិញគ្រាន់ជាទីកក់ក្តៅផងដែរ។
បញ្ហាមនោសញ្ចេតនាសេចក្តីស្នេហាកំលោះក្រមុំមានភាពជឿនលឿនទៅមុខនិងកំពុងបើកទំព័រថ្មីសម្រាប់អ្នកហើយ៕
ឆ្នាំឆ្លូវ
រាសីស្រុតចុះ។ នៅថ្ងៃនេះកិច្ចការងារមានបញ្ហារាំងស្ទះនិងពិសេសលោកអ្នកងាយផ្ទុះកំហឹងបង្កាត់ជារឿងរាវជាមួយអ្នកដទៃថែមទៀត។ អ្នកប្រកបរបររកស៊ីជួញដូរការចេញធ្វើជំនួញមិនថាផ្លូវគោកផ្លូវទឹកផ្លូវអាកាសក្តីតែងមានភាពសុខដុមហើយផលកម្រៃទៀតសោតបានគ្រាន់បំពេញបំពង់អញ្ចឹងដែរ។ការធ្វើដំណើរទីជិតឆ្ងាយជួបភាពសុខដុមដូចសព្វមួយដង។
រីឯមនោសញ្ចេតនាសេចក្តីស្នហាកំលោះក្រមុំមានការឆាប់ទាំងផ្អែមល្ហែមនិងឆាប់ទាំងជម្លោះវិវាទផងដែរ៕
ឆ្នាំខាល
ល្អជាមធ្យម។ នៅថ្ងៃនេះទៅលោកអ្នកអាចសប្បាយចិត្តបានហើយពីព្រោះថាកិច្ចការងារបានធូរស្រាលពិសេសលោកអ្នកអាចជុំជួបជុំគ្រួសារសប្បាយថែទៀត។នៅថ្ងៃនេះដែរដំណើរជីវិតរបស់លោកអ្នកមានភាពល្អប្រសើរហើយធ្វើអ្វីក៏តែងហុចផលមកវិញជាងនាកន្លងមកវិញជានិច្ច។សម្រាប់អ្នកប្រកបរបររកស៊ីជួញដូរវិញផលចំណូលជួបការលំបាកបន្តិចឬអាចនិយាយបានថាលាភប្រាក់កាសច្រើនបោលហួសចាប់ពុំសូវជាប់ប៉ុន្មានទេ។
រីឯមនោសញ្ចេតនាសេចក្តីស្នេហាប្រុសស្រីមានភាពសោះកក្រោះនិងរកាំចិត្តចំពោះគ្នាច្រើនដោយសារម្នាក់ៗប្រកាន់ចិត្តចង់ឈ្នះចាញ់គ្នាមិនសូវចេះអត់ឱនឱ្យគ្នាឡើយ៕
ឆ្នាំថោះ
រាសីល្អជាមធ្យម។ ថ្ងៃនេះការប្រកបការងារឃើញថាមានការរីកលូតលាស់ទៅមុខសន្សឹមៗប៉ុន្តែយ៉ាងណាភាពរកាំចិត្តក៏តែងកើតមានច្រើនចំពោះមុខផង។ការរស់នៅជួបនូវបញ្ហារកាំចិត្តច្រើន ហើយពិសេសងាយមានទំនាស់ជាមួយអ្នកដទៃថែមទៀត។អ្នកប្រកបរបររកស៊ីជួញដូរបើលោកអ្នកចង់បើកធ្វើជំនួញនៅថ្ងៃនេះក៏ប្រសើរដែរពីព្រោះថាលាភប្រាក់កាសក៏តែងផ្តល់មកវិញគ្រាន់ជាទីទុកចិត្ត។
រីឯមនោសញ្ចេតនាបញ្ហាស្នេហាកំលោះក្រមុំឬពោះម៉ាយមេម៉ាយក្តីចូរប្រយ័ត្នភាពប្រចែប្រច័ណ្ឌកើតជម្លោះវិវាទឈានដល់ការបែកបាក់៕
ឆ្នាំរោង
រាសីខ្ពស់ត្រដែត។ នៅថ្ងៃនេះបើមានការចរចាឬទំនាក់ទំនងអ្វីមួយតែងសម្រេចជោគជ័យត្រឡប់មកវិញជានិច្ច។ថ្ងៃនេះដែរជាពេលវេលាល្អសម្រាប់លោកអ្នកបំពេញការងារសំខាន់ពីព្រោះថាផ្លែផ្កាដែលហុចមកវិញនោះតែងទទួលបានដូចជាទីពេញចិត្ត។សម្រាប់អ្នកប្រកបរបររកស៊ីជួញដូរពេលនេះជាឱកាសល្អក្នុងការផ្លាស់ប្តូរមុខរបរឬរើទីកន្លែងលក់ដូរដោយអាចជួបនូវក្តីចម្រុងចម្រើនលូតលាស់ទៅមុខជានិច្ច។
រីឯមនោសញ្ចេតនាសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីបើចង់ណែនាំឱ្យចាស់ទុំបានស្គាល់ឬចូលចែវចូវជាឱកាសល្អប្រពៃមួយដែរ៕
ឆ្នាំម្សាញ់
រាសីខ្ពស់ត្រដែត។ នៅថ្ងៃនេះលោកអ្នកអាចទទួលដំណឹងអ្វីមួយឱ្យសប្បាយចិត្តពិសេសអាចទទួលអំណោយអ្វីមួយថែមទៀត។ក្រៅពីនេះក៏ផ្តល់ផលល្អសម្រាប់លោកអ្នកដំណើរការងាររឿងបញ្ហាប្រាក់កាសពីព្រោះថាតែងទទួលផ្លែផ្កាឆ្លើយតបមកវិញគ្រាន់ជាទីពេញចិត្តផងដែរ។សម្រាប់អ្នកប្រកបរបររកស៊ីជួញដូរមានការរីកលូតលាស់គួរសមម្ល៉ោះហើយជាឱកាសល្អក្នុងការពង្រីកមុខរបរថ្មីឬបណ្តាក់ទុនបន្ថែមព្រោះផ្លែផ្កាដែលទទួលបានតែងហុចមកវិញដូចសមប្រកប។
រីឯមនោសញ្ចេតនាបញ្ហាសេចក្តីស្នេហាប្រុសស្រីកំពុងសុខដុមនិងមានភាពផ្អែមល្ហែមគួរសម៕
ឆ្នាំមមី
រាសីល្អជាមធ្យម។ នៅថ្ងៃនេះដោយសារដួងរាសីរបស់លោកអ្នកមានភាពគាប់ប្រសើរ ដូចនេះបើទោះបីធ្វើអ្វីក៏តែងមានការជឿនលឿនទៅមុខនិងអាចរកភាពជោគជ័យបានច្រើនផង។សម្រាប់ការរស់នៅមានភាពប្រទាំងប្រទើសច្រើនបន្តិចតែយ៉ាងណាក៏មានភាពសុខដុមល្អ។អ្នកប្រកបរបររកស៊ីជួញដូរបើធ្លាប់តែស្ងប់ស្ងាត់ពេលនេះអាចប្រែប្រួលមកល្អពិសេសបើបើករបររយះពេលខ្លីៗផងតែងសមដូចប្រកបជានិច្ច។
រីឯមនោសញ្ចេតនាបញ្ហាស្នេហាកំលោះក្រមុំឬពោះម៉ាយមេម៉ាយក្តីកើតមាន ភាពប្រទាំងប្រទើសនិងប្រឆាំងគ្នាច្រើន៕
ឆ្នាំមមែ
រាសីស្រុតចុះ។ នៅថ្ងៃនេះលោកអ្នកជួបបញ្ហាអ្វីត្រូវចេះត្រៀមទប់ទល់ឱ្យបានល្អពុំនោះបញ្ហាតូចតាចអាចរីកជាធំថែមទៀត។អ្នកដែលប្រកបរបររកស៊ីជួញដូរវិញការជួញទីជិតឆ្ងាយក្តីផលកម្រៃមានហូរចូលគ្រាន់បំពេញបំពង់អញ្ចឹងដែរតែយ៉ាងណាលោកអ្នកគួរប្រយ័ត្នប្រយែងការមានជម្លោះវិវាទដោយប្រការណាមួយ។ក្រៅពីនេះបើលោកអ្នកធ្វើដំណើរចេញក្រៅផ្ទះគប្បីមានការប្រយ័ត្នប្រយែងព្រោះថាងាយត្រូវគេបោកប្រាស់ឬភូតភរកុហក។
រីឯមនោសញ្ចេតនាបញ្ហាសម្ព័ន្ធស្នេហាកំលោះក្រមុំមានការឆាប់ទាំងប្រេះឆាហើយក៏ឆាប់ត្រូវគ្នាវិញ៕
ឆ្នាំវក
រាសីខ្ពស់ត្រដែត។ នៅថ្ងៃនេះបើមានកិច្ចការងារអ្វីត្រូវរវាសរវៃហើយត្រូវចងចាំថាធ្វើច្រើនទទួលបានផលច្រើន។ការប្រកបការងារវិញមានការចម្រើនលូតលាស់និងពិសេសបើពឹងពាក់អ្នកដទៃគេតែងមានការជួយយ៉ាងពេញដៃជើងថែមទៀត។អ្នកប្រកបរបររកស៊ីជួញដូរវិញផ្តល់ផលល្អចំពោះការចរចាការបណ្តាក់ទុនឬការចង់បញ្ចេញប្រាក់កាសក្នុងការធ្វើអ្វីមួយព្រោះមិនត្រឹមសមដូចប្រកបទេតែនៅឆាប់រីកដុះដាលឈានទៅមុខទៀតផង។
រីឯមនោសញ្ចេតនាបញ្ហាស្នេហាកំលោះក្រមុំមានការផ្អែមល្ហែមគួរសមនិងពេលនេះកំពុងផ្តល់ផលល្អបំផុតសម្រាប់ការរៀបចំផ្សំផ្គុំគ្រួសារ៕
ឆ្នាំរកា
រាសីល្អជាមធ្យម។ ក្នុងថ្ងៃនេះការប្រកបការងាររបស់លោកអ្នកមានដំណើររដិបរដុបបន្តិច ហើយទាល់តែចេះមើលគេមើលឯងខ្លះទើបគ្មានរឿងរាវចម្រូងចម្រាសទៅរួច។ក្នុងពេលនេះឬពេលកន្លងមកបើទោះបីជួបព្យុះភ្លៀងក្នុងដំណើរជីវិតក្តីលោកអ្នកត្រូវចេះឈរលើជំហរខ្លួនឯង ហើយខិតខំពុះពារបន្តទៅទៀតនោះពិតជាទទួលជោគជ័យវិញជាក់ជាពុំខាន។ចំពោះអ្នកប្រកបរបររកស៊ីជួញដូរពេលព្រឹកមានភាពរកាំរកូសច្រើនតែថ្ងៃបន្តិចពេលព្រះអាទិត្យរះពេញអាកាសវេហាឧបទ្រពចង្រៃទាំងពួងនឹងវិនាសជាអហោសិកម្មអស់។
រីឯមនោសញ្ចេតនាសម្ព័ន្ធស្នេហាកំលោះក្រមុំមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំចរ
រាសីស្រុតចុះ។ នៅថ្ងៃនេះលោកអ្នកធ្វើអ្វីតែងមិនឆ្លើយតបផលត្រឡប់មកវិញដូចជាទីពេញចិត្តនោះឡើយ។អ្នកប្រកបរបររកស៊ីជួញដូរមិនថាការជួញទីជិតឆ្ងាយទោះផ្លូវទឹកផ្លូវគោកឬផ្លូវអាកាសក្តីផលកម្រៃមានហូរចូលខ្លះៗគ្រាន់ផ្សើមបំពង់អញ្ចឹងដែរតែយ៉ាងណាការធ្វើអ្វីមួយមិនអាចលោភលន់បានទេព្រោះភាពស៊យក៏មានតាមជាប់មិនទៅណាឆ្ងាយនៅឡើយដែរ។
រីឯមនោសញ្ចេតនាបញ្ហាសេចក្តីស្នេហាកំលោះក្រមុំងាយទាំងប្រទាំងប្រទើសហើយក៏ងាយកើតរឿងរាវចម្រូងចម្រាសផង៕
ឆ្នាំកុរ
រាសីស្រុតចុះ។ ក្នុងថ្ងៃនេះដោយសារដួងរាសីស្រុតចុះ ដូចនេះបើមានទំនាក់ទំនងការងារលោកអ្នកមិនត្រូវសង្ឃឹមពេកនោះឡើយពីព្រោះថាផលមិនល្អនោះក៏មានឆ្លើយតបខ្ពស់ណាស់ផង។អ្នកប្រកបរបររកស៊ីជួញដូរក្នុងថ្ងៃនេះវិញជួបបញ្ហា លំបាកក្នុងការរកប្រាក់ចំណូលបន្តិច ឯប្រាក់កម្រៃទៀតសោតទាល់តែខិតខំខ្លាំងទើបរកប្រាក់ចំណូលចិញ្ចឹមឆ្នាំងបាយទៅរួច។ការធ្វើដំណើរឆ្ងាយជិតជួបតែភាពប្រទាំងប្រទើសនិងរឿងរាវយាយី។
រីឯមនោសញ្ចេតនាបញ្ហាសម្ព័ន្ធស្នេហាប្រុសស្រីមានដំណើរថយក្រោយព្រោះតែជម្លោះវិវាទងាយកើតមានឡើងណាស់ ៕