ឆ្នាំជូត
រាសីល្អជាមធ្យម។ នៅថ្ងៃនេះវិញលោកអ្នកមានការសុខកាយសប្បាយចិត្ត ហើយពិសេសមានការជួបជុំញាតិមិត្តយ៉ាងសប្បាយក្អាកក្អាយផង។អ្នកប្រកបរបររកស៊ីជួញដូរមានការប្រជែងគ្នាច្រើននិងពិសេសមានការប្រទាំងប្រទើសជាមួយអ្នកមានមុខរបរដូចគ្នាគួរមានការបើកចិត្តឱ្យទូលាយបន្តិចទើបគ្មានរឿងរ៉ាវចម្រូងចម្រាសកើតមានឡើង។ការធ្វើដំណើរឆ្ងាយជិតជួបភាពប្រទាំងប្រទើសបន្តិចហេតុនេះចូរប្រយ័ត្នកើតមានជម្លោះវិវាទណាមួយឡើង។
រីឯមនោសញ្ចេតនាបញ្ហាស្នេហាកម្លោះក្រមុំមានការនឿយណាយនិងបង្កជម្លោះជាមួយគ្នាច្រើន៕
ឆ្នាំឆ្លូវ
រាសីខ្ពស់ត្រដែត។ ក្នុងថ្ងៃនេះមានការចម្រើនលូតលាស់ល្អ ហើយធ្វើអ្វីក៏តែងមានភាពសុខដុមគួរសមផង។ក្នុងរង្វង់គ្រួសារកំពុងមានភាពស្រុះស្រួលនិងមានភាពស្រស់ស្រាយ។សម្រាប់អ្នកប្រកបរបររកស៊ីជួញដូរវិញមានការចម្រើនលូតលាស់ទៅមុខគួរសម ហើយភាពសុខដុមក៏កើតមានច្រើនដែរ។ការធ្វើដំណើរឆ្ងាយជិតបើចង់ពឹងពាក់នរណាម្នាក់តែងសម្រេចសមដូចប្រកប។
រីឯមនោសញ្ចេតនាបញ្ហាសម្ព័ន្ធស្នេហាកំលោះក្រមុំបើលោកអ្នកមានជម្លោះវិវាទពេលនេះជាឱកាសល្អក្នុងការដោះស្រាយបំផុត៕
ឆ្នាំខាល
រាសីស្រុតចុះ។ នៅថ្ងៃនេះការធ្វើអ្វីមួយត្រូវសន្សឹមៗនឹងប្រយ័ត្នប្រយែងនិងមិនត្រូវប្រកបកិច្ចការងារអ្វីសំខាន់ពេកឡើយពីព្រោះថាងាយជួបនូវបញ្ហាចម្រូងចម្រាសណាស់ដែរ។អ្នកប្រកបរបររកស៊ីជួញដូរពេលនេះមានការហូរចេញនិងហូរចូលមិនទៀងទាត់ដូច្នេះមិនគួរផ្សងព្រេងទៅបោះទុនរកស៊ីធំដុំនិងយកទៅលេងល្បែងស៊ីសងទ្បើយនាំជាប់ការកុនខ្លួន។ការធ្វើដំណើរឆ្ងាយជិតមិនសូវមានសុវត្តិភាពប៉ុន្មានទេគប្បីបន្ថែមការប្រុងប្រយ័ត្នបន្តិច។
រីឯមនោសញ្ចេតនាបញ្ហាសម្ព័ន្ធស្នេហាប្រុសស្រីបើចង់យកនរណាម្នាក់ជាគូគាប់ត្រូវចេះពិនិត្យពិច័យឱ្យបានច្បាស់លាស់ទើបប្រសើរ៕
ឆ្នាំថោះ
រាសីល្អជាមធ្យម។ មុននឹងជួបនូវក្តីសម្រេចអ្វីមួយនោះលោកអ្នកតែងជូបនូវឧបសគ្គរារាំងចំពោះមុខខ្លះហេតុនេះបើមានការតស៊ូអ្វីមួយមិនត្រូវរុញរាឡើយ។សម្រាប់អ្នកប្រកបរបររកស៊ីជួញដូរនៅថ្ងៃនេះវិញមានការជួបស្ថានភាពលំបាកក្នុងការរកប្រាក់ចំណូលបន្តិច ឯការចាយវាយទៀតសោតគ្រប់សារពើធ្វើឱ្យមិនសូវសុខស្រួលខ្លួនប៉ុន្មានទេ។ការធ្វើដំណើរទៅទិសខាងឧត្តរមិនសូវមានសុវត្តិភាពទេគប្បីមានការប្រយ័ត្នប្រយែងបន្តិចទើបប្រសើរ។
រីឯមនោសញ្ចេតនាបញ្ហាស្នេហាកំលោះក្រមុំមានការរីកលូតលាស់ទៅមុខយឺតតែងាយថយក្រោយណាស់៕
ឆ្នាំរោង
រាសីស្រុតចុះ។ ក្នុងថ្ងៃនេះដំណើរជីវិតរបស់លោកអ្នកមិនល្អប្រសើរទេ ម្ល៉ោះហើយតែងកើតមានរឿងតប់ប្រម៉ល់និងរឿងរាវមិនល្អយាយីច្រើន។ការប្រកបការងារអ្វីតែងមានភាពរាំងស្ទះនិងមានរឿងរាវអាក្រក់ឈានចូលខ្លះៗនាំមិនសុខស្រួលចិត្តនោះឡើយ។អ្នកអាជីវករក្នុងថ្ងៃនេះជួបលើបញ្ហាប្រទាំងប្រទើសច្រើនហើយផលកម្រៃទៀតសោតក៏ហូរចូលដោយតឹងណាស់ដែរ។
រីឯមនោសញ្ចេតនាបញ្ហាស្នេហាប្រុសស្រីមានការចាប់កំហុសព្រោះតែភាពប្រចែប្រច័ណ្ឌកំពុងដឹកមុខ៕
ឆ្នាំម្សាញ់
រាសីខ្ពស់ត្រដែត។ នៅថ្ងៃនេះដួងរាសីរះខ្ពស់ពីទិសខាងកើតភ្លឺយ៉ាងចិញ្ចាចចិញ្ចែង ម្ល៉ោះហើយដំណើរជីវិតមានជោគជ័យគ្រាន់កក់ក្តៅ។ការរស់នៅទោះលោកអ្នកទៅកាន់ទីណាមានតែក្រុមមនុស្សស្វាគមន៍រាក់ទាក់និងអាណិតស្រឡាញ់ជានិច្ច។អ្នកប្រកបរបររកស៊ីជួញដូរមានការទិញចូលលក់ចេញគ្រាន់រស់រវើកបន្តិចវិញ ហើយបើលោកអ្នកចង់បើករបរអ្វីមួយតែងសមដូចប្រកបជានិច្ច។ការធ្វើដំណើរទីជិតឆ្ងាយមិនថាផ្លូវគោកផ្លូវទឹកឬផ្លូវអាកាសក្តីតែងជួបសេចក្តីសុខក្សេមក្សាន្តដូចសព្វមួយដង ។
រីឯមនោសញ្ចេតនាបញ្ហាគូស្នេហ៍មិនថាកំលោះក្រមុំឬពោះម៉ាយមេម៉ាយក្តីមានភាពផ្អែមល្ហែមនិងស្រស់ស្រាយប្រពៃ៕
ឆ្នាំមមី
រាសីល្អជាមធ្យម។ នៅថ្ងៃនេះអ្នកប្រកបការងាររាជការឬក្រុមហ៊ុនឯកជនទោះលោកអ្នកធ្វើអ្វីក៏ដោយគឺជារឿយៗពុំសូវដំណើរការបានស្រួលទេព្រោះតែងមានរឿងរ៉ាវមកយាយីអុកទ្បុក ដូច្នេះទាល់តែខិតខំខ្លាំងទើបទទួលជោគជ័យទៅរួច។ អ្នកប្រកបរបររកស៊ីជួញដូរមានការទិញចូលលក់ចេញគ្រាន់បើតែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។
រីឯមនោសញ្ចេតនាបញ្ហាស្នេហាកំលោះក្រមុំមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំមមែ
រាសីស្រុតចុះ។ នៅថ្ងៃនេះលោកអ្នកកើតនូវបញ្ហាតានតឹងនិងជួបរឿងទុក្ខកង្វល់ច្រើនបន្តិច ហើយពិសេសការប្រកបការងារអាចជួបរឿងធ្វើច្រើនខុសច្រើនទៀតផង។ក្នុងថ្ងៃនេះដែរបើលោកអ្នកមានដំណើរផ្លូវឆ្ងាយកុំគប្បីសេពគប់គ្រឿងស្រវឹងព្រោះងាយកើតរឿងរាវអាក្រក់ណាស់ ហើយស្រួលមិនស្រួលកើតជាជម្លោះវិវាទកាប់ចាក់គ្នាឈានដល់ការប្តឹងផ្តល់អស់ប្រាក់កាសទៀតផង។ចំពោះអ្នកប្រកបរបររកស៊ីជួញដូរក្នុងថ្ងៃនេះទោះជួញទីជិតឆ្ងាយការរកផលកម្រៃមានហូរចូលមួយៗគ្រាន់ជាទីកក់ក្តៅនិងមានភាពសុខដុមប្រពៃ ។
រីឯមនោសញ្ចេតនាបញ្ហាស្នេហាប្រុសស្រីមានដំណើរថយក្រោយហើយងាយមានជម្លោះវិវាទដូចនេះគួរកាត់បន្ថយភាពប្រចែប្រច័ណ្ឌឬរឹងមានះទើបប្រសើរ៕
ឆ្នាំវក
រាសីស្រុតចុះ។ នៅថ្ងៃនេះដំណើរជីវិតរបស់លោកអ្នកមិនគាប់ប្រសើរទេ ម្ល៉ោះហើយលោកអ្នកគប្បីយកពេលនេះធ្វើបុណ្យដាក់ទានឬរំដោះគ្រោះចេញក៏ប្រសើរផងដែរ។សម្រាប់អ្នកប្រកបរបររកស៊ីជួញដូរបើចង់បើកហាងថ្មីឬប្តូរទីកន្លែងលក់ដូរគួរមានការប្រយ័ត្នប្រយែងបន្តិចព្រោះផ្លែផ្កាហុចមកវិញមិនសូវសមដូចប្រកបប៉ុន្មានឡើយ។ការធ្វើដំណើរទីជិតឆ្ងាយមិនសូវមានសុវត្តិភាពប៉ុន្មានទេគួរបន្ថែមការប្រុងប្រយ័ត្ន។
រីឯមនោសញ្ចេតនាបញ្ហាគូគ្រងប្តីប្រពន្ធឬគូស្នេហាប្រុសស្រីមានការរឹងមានះនិងប្រឆាំងគ្នាច្រើន៕
ឆ្នាំរកា
រាសីស្រុតចុះ។ នៅថ្ងៃនេះដំណើរជីវិតរបស់លោកអ្នកមិនគាប់ប្រសើរទេ ពិសេសបុរសឱ្យប្រយ័ត្នបញ្ហាសុខភាព ប៉ុន្តែយ៉ាងណាសម្រាប់ស្ត្រីវិញកិច្ចការងារអាចសម្រុកពេញទីបានហើយ ពីព្រោះផ្លែផ្កាមួយចំនួនតែងហុចមកវិញជានិច្ច។អ្នកប្រកបរបររកស៊ីជួញដូរមានការរីកលូតលាស់ទៅមុខជាសន្សឹមៗដូចនេះលោកអ្នកមិនអាចធ្វើអ្វីធំដុំឬតក់ក្រហល់ដោយក្តីលោភលន់បានទេបើពុំនោះនឹងនាំខាតបង់ទៅវិញ។
រីឯមនោសញ្ចេតនាបញ្ហាសេចក្តីស្នេហាកំលោះក្រមុំមានការខ្វាយខ្វល់ព្រោះតែម្នាក់ៗមិនសូវជឿទុកចិត្តគ្នា៕
ឆ្នាំចរ
រាសីខ្ពស់ត្រដែត។ នៅថ្ងៃនេះលោកអ្នកគប្បីសម្រុកការងារឱ្យបានពេញទីពីព្រោះថាតែងសម្រេចជោគជ័យដូចគាប់បំណងជានិច្ច។សម្រាប់អ្នកប្រកបរបររកស៊ីជួញដូរមិនថាទីជិតឆ្ងាយចូរប្រយ័ត្នក្រុមមនុស្សឆបោកយកទ្រព្យសម្បត្តិនិងប្រើល្បិចបោកប្រាស់ដោយប្រការណាមួយ។ការរស់នៅចូរប្រយ័ត្នកើតជម្លោះវិវាទដោយសារសម្តីប៉ប៉ាច់ប៉ប៉ោចឥតបានការដោយប្រការណាមួយ។
រីឯមនោសញ្ចេតនាសេចក្តីស្នេហាប្រុសស្រីមានដំណើរថយក្រោយឥតមានការរីកលូតលាស់ទៅមុខនោះឡើយ៕
ឆ្នាំកុរ
រាសីល្អជាមធ្យម។ នៅថ្ងៃនេះទោះប្រកបកិច្ចការអ្វីលោកអ្នកគប្បីមានការប្រយ័ត្នប្រយែងពីព្រោះថានាពេលនេះដំណើរជីវិតមិនសូវល្អប្រសើរឡើយ ដូចនេះទោះអ្វីដែលធ្លាប់ល្អអាចប្រែទៅជាមិនល្អវិញផង។សម្រាប់អ្នកប្រកបរបររកស៊ីជួញដូរមិនមានការរីកលូតលាស់ទៅមុខទេហើយមានការថយក្រោយច្រើនជាងដូចនេះលោកអ្នកតោងមានការប្រឹងប្រែងតស៊ូអត់ធ្មត់ក្នុងមុខរបរបន្តិចទើបប្រសើរហោង។
រីឯមនោសញ្ចេតនាស្នេហាកំលោះក្រមុំឬពោះម៉ាយមេម៉ាយក្តីមានការប្រែប្រួលប្តូរផ្លាស់ព្រោះជួនត្រូវរ៉ូវជួនទាស់ទែងគ្នា៕