សហរដ្ឋអាមេរិកបានប្រកាសផែនការបញ្ជូនកងកម្លាំងទៅកាន់ប្រទេសអារ៉ាប៊ីសាអូឌីត បន្ទាប់ពីមានការវាយប្រហារលើហេដ្ឋារចនាសម្ព័ន្ធផលិតប្រេងរបស់ប្រទេសម្ព័ន្ធមិត្តមួយនេះ។
រដ្ឋមន្រ្តីក្រសួងការពារជាតិអាមេរិចលោក Mark Esper បានប្រាប់អ្នកយកព័ត៌មានថា ការដាក់ពង្រាយកងទ័ពនឹងមានលក្ខណៈការពារ ហើយចំនួនកងទ័ពមិនទាន់ត្រូវបានគេសម្រេចចិត្តនៅឡើយទេ។
ក្រុមឧទ្ទាម Houthi ដែលគាំទ្រដោយអ៊ីរ៉ង់ក្នុងប្រទេសយេមែន អះអាងថាពួកគេជាអ្នកវាយប្រហារទៅលើទីតាំងប្រេងចំនួនពីរកាលពីសប្តាហ៍មុន។
ប៉ុន្តែទាំងអាមេរិច និងអារ៉ាប៊ីសៅអូឌីត បានចោទប្រទេសអ៊ីរ៉ង់ថា ជាអ្នកនៅពីក្រោយការវាយប្រហារនោះ។
ទណ្ឌកម្មនឹងធ្វើការផ្តោតទៅលើធនាគារកណ្តាលរបស់អ៊ីរ៉ង់ និងមូលនិធិទ្រព្យរបស់ប្រទេសនេះ។
នៅថ្ងៃសុក្រម្សិលមិញ ប្រធានាធិបតីដូណាល់ ត្រាំ បានប្រកាសពីទណ្ឌកម្មកម្រិតធ្ងន់ប្រឆាំងនឹងអ៊ីរ៉ង់ខណៈដែលលោកបង្ហាញសញ្ញាថាលោកចង់ជៀសវាងជម្លោះយោធា។
សូមបញ្ជាក់ថា ការវាយប្រហារដោយដ្រូន និងមីស៊ីលទៅលើកន្លែងផលិតប្រេងរបស់អ៊ីរ៉ង់កាលពីសប្តាហ៍មុន បានបណ្តាលឲ្យប៉ះពាល់ដល់ការផ្គត់ផ្គង់ប្រេងអន្តរជាតិ ហើយតម្លៃប្រេងបានហក់ឡើងជិត ២០ភាគរយ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC