ខេត្តស្វាយរៀង៖ យុវជន៥នាក់ ត្រូវបានសមត្ថកិច្ចឃាត់ខ្លួន ខណៈនាំគ្នាសម្ងំពួនប្រើប្រាស់គ្រឿនញៀន។
យោងតាមសមត្ថកិច្ច បានឲ្យដឹងថា៖ ដោយមានប្រជាពលរដ្ឋបានរាយការណ៍ថា មានករណីប្រើប្រាស់គ្រឿង នៅចំណុចកែងភូមិក្រូច ស្ថិតនៅ ភូមិក្រូច ឃុំជ្រុងពពេល ស្រុករំដួលនោះ និងក្រោយទទួលបានព័ត៌មានភ្លាម អធិការនគរបាលស្រុក បានចាត់តាំងកម្លាំងជំនាញ សហការ និងកម្លាំងប៉ុស្តិ៍ជ្រុងពពេល ធ្វើការឃាត់ខ្លួនបានចំនួនមនុស្ស3នាក់ 1- ឈ្មោះ មុំ ចាន់មករា ភេទ ប្រុស អាយុ 17ឆ្នាំ រស់នៅ ភូមិដូង ឃុំ ដូង ស្រុក រមាសហែក 2- ឈ្មោះ រិន រតនៈ ភេទ ប្រុស អាយុ 18 ឆ្នាំ រស់នៅភូមិ ចន្រ្តី ឃុំ ចន្រ្តី ស្រុក រមាសហែក 3- ឈ្មោះ សែ សម្បត្តិ ភេទ ប្រុស អាយុ 18 ឆ្នាំ រស់នៅភូមិក្រូច ឃុំ ជ្រុងពពេល ស្រុក រំដួល។
ក្រោយពីធ្វើតេសទឹកម៉ូតជាលទ្ធផលវិជ្ជមាន(+) ទាំងបីនាក់ ហើយជនសង្ស័យទាំងបីនាក់ក៏ សារភាពថា ពិតជាបានប្រើប្រាស់គ្រឿងញៀនពិតប្រាកដមែន និង មានបក្ខពួកខ្លួនពីរនាក់ទៀត។
ប្រភពបានបន្តទៀតថា៖ លុះដល់ព្រឹកថ្ងៃទី 20 កញ្ញា 2019 កម្លាំងជំនាញបានស្រាវជ្រាវបានចំនួនពីរនាក់ទៀត មកសួរនាំ 1- ឈ្មោះ ប៉ែន ស៊ីណា ភេទ ប្រុស អាយុ 16ឆ្នាំ រស់នៅភូមិក្រូច ឃុំ ជ្រុងពពេល ស្រុក រំដួល 2- ឈ្មោះ ទឹម រិទ្ធីហៅបុណ្យ ភេទ ប្រុស អាយុ 19 ឆ្នាំ រស់នៅភូមិ ព្រះអង្គកែវ ឃុំជ្រុងពពេល ស្រុករំដួល។
សមត្ថកិច្ចធ្វើតេស្តទឹកម៉ូតអ្នកទាំងពីរ ជាលទ្ធផលវិជ្ជមាន(+)។ តាមចម្លើយសារភាព ឈ្មោះទឹម រិទ្ធីហៅបុណ្យសារភាពថា ខ្លួនបានទៅទិញថ្នាំពីមនុស្សម្នាក់ មិនស្គាល់ឈ្មោះ នៅក្រុងបាវិត ចំនួនមួយកញ្ចប់តំលៃ30ដុល្លារ យកមករំលែកលក់ឲ្យអ្នកជក់ នៅព្រំប្រទល់ស្រុករមាសហែក និស្រុរំដួល។ រីឯឈ្មោះ សែ សម្បត្តិ ហៅឌឹម បានសារភាពខ្លួនបានទៅទិញថ្នាំ និងប្រើប្រាស់ថ្នាំជាមួយឈ្មោះទឹម រិទ្ធី ហៅបុណ្យ 2ដង និងឡើងទៅទិញថ្នាំពីគេនៅក្រុងបាវិត។
ក្នុងការឃាត់ខ្លួននេះ សមត្ថកិច្ចដកហូតបានរួមមាន៖ ម៉ូតូ2គ្រឿង 1.ម៉ាក dream សេរីឆ្នាំ 2019 ពណ៌ខ្មៅ ផ្លាកលេខ ស្វាយរៀង1M 3625 និង2. ម៉ាក់ Nex ពណ៌ស ពាក់ផ្លាកលេខ ស្វាយរៀង 1K 7048 ទូរស័ព្ទ4 គ្រឿង ម្សៅក្រាមពណ៌ស សង្ស័យសារធាតុញៀន។ បច្ចុប្បន្ន ជនសង្ស័យឃាត់ខ្លួននៅអធិការដ្ឋាននគរបាលស្រុករំដួល បង្កសំណុំរឿង តាមនីតិវិធី និងបញ្ជូនទៅស្នងការដ្ឋានរួចហើយ៕ដោយ៖វ៉ៃកូ