ភ្នំពេញ៖ ស្ថានទូតចិនប្រចាំកម្ពុជា Chinese Embassy in Cambodia បានផ្សាយព័ត៌មាន នៅថ្ងៃទី២៣កញ្ញានេះថា សម្តេចព្រះរាម នរោត្តម បុប្ផាទេវី ព្រះរាជបុត្រីច្បង នៃព្រះបរមរតនកោដ្ឋ អញ្ជើញទទួលបទសម្ភាសន៍ ជាមួយក្រុមសារព័ត៌មានចិន នាពេលថ្មីៗនេះ ព្រះអង្គ ទ្រង់សព្វព្រះរាជហឫទ័យ ដែលបានភ្ជាប់ខ្សែមេត្រីភាព ជាមួយប្រទេសចិន តាំងពីទ្រង់នៅកុមារភាព។
ព្រះអង្គមានព្រះបន្ទូលថា មិត្តភាពកម្ពុជាចិន មានអាយុកាលយូរអង្វែង និងអភិវឌ្ឍន៍ជាបន្តបន្ទាប់ ថែមទាំងជាកម្លាំងជំរុញថ្មីៗ ក្នុងការរុញច្រានទំនាក់ទំនងមួយនេះ។ ជឿជាក់ថា ស្ថិតនៅក្រោមការដឹកនាំពីប្រធានាធិបតីលោកXi Jinping ប្រទេសចិន នឹងទទួលបានការអភិវឌ្ឍយូរអង្វែង។ ព្រះអង្គបានប្រើប្រាស់ភាសាចិនព្រះបន្ទូលថា រីករាយថ្ងៃកំណើត ជូនពរប្រទេសចិន។
សម្តេចព្រះរាម នរោត្តម បុប្ឆាទេវី បានមានព្រះបន្ទូលថា មិត្តភាពរវាងកម្ពុជានិងចិនមានប្រវត្តិសាស្ត្រដ៏យូរលង់មកហើយ ប្រទេសទាំងពីរបានជួយគ្នាទៅវិញទៅមកដោយស្មោះអស់ពីដួងចិត្ត ដើម្បីទទួលបានការអភិវឌ្ឍរួមគ្នា ។
សម្តេចព្រះរាម នរោត្តម បុប្ឆាទេវី បានមានព្រះបន្ទូលថា “ ពេលប្រទេសកម្ពុជានិងបិតារបស់ខ្ញុំ គឺព្រះករុណាព្រះបាទសម្ដេចព្រះនរោត្ដមសីហនុ ព្រះបរមរតនកោដ្ឋ អតីតព្រះមហាក្សត្រនៃព្រះរាជាណាចក្រកម្ពុជា ជួបការលំបាក ប្រទេសចិនមិនដែលបោះបង់ពួកយើងខ្ញុំនោះទេ ។ ដូច្នេះ ព្រះបរមរតនកោដ្ឋតែងតែងមានព្រះរាជបន្ទូលថា “ មានតែប្រទេសចិនតែមួយគត់ គ្មានប្រទេសណាមួយដែលស្រឡាញ់ និងគាំទ្រពួកយើង ដោយស្មោះអស់ពីដួងចិត្តបែបនេះឡើយ ។ “
ក្នុងឱកាសខួបគម្រប់ ៧០ ឆ្នាំនៃ ការបង្កើតសាធារណរដ្ឋប្រជាមានិតចិន ព្រះរាមបានប្រសិទ្ធពរជ័យ ដ៏ល្អបវរអស់ពីដួងចិត្តជូនប្រទេសចិន សម្រាប់ការអភិវឌ្ឍនាពេលអនាគត ។ ព្រះរាមជឿជាក់ថា ប្រទេសចិនច្បាស់ជានឹងទទួលបាននូវការអភិវឌ្ឍកាន់តែយូរអង្វែង នៅក្រោមការដឹកនាំរបស់លោកស៊ីជីនភីង ប្រធានរដ្ឋចិន ៕ដោយ: កូឡាប