ភ្នំពេញ៖ មន្ដ្រីនគរបាលម្នាក់ មានតួនាទីជានាយរងការិយាល័យ នៅនាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ បានធ្វើអត្តឃាតដោយប្រើប្រាស់ កាំភ្លើងខ្លីបាញ់សម្លាប់ខ្លួនឯង នៅក្នុងរថយន្ដកងអន្តរាគមន៍។ ហេតុការណ៍នេះកើតឡើង នៅល្ងាចថ្ងៃទី២៣ ខែកញ្ញា ឆ្នាំ២០១៩នេះ ស្ថិតនៅម្ដុំផ្ទះរបស់ជនរងគ្រោះខ្លួនឯង ស្ថិតក្នុងខណ្ឌច្បារអំពៅ រាជធានីភ្នំពេញ។
សមត្ថកិច្ចមូលដ្ឋានបានឲ្យដឹងថា មន្ដ្រីនគរបាលដែលបាញ់សម្លាប់ខ្លួនឯងនេះឈ្មោះ សេង សុវណ្ណ ឋានន្ដរស័ក្ដិថ្នាក់ វរសេនីយ៍ទោ មានតួនាទីជានាយរងការិយាល័យ គ្រប់គ្រងមុខសញ្ញា និងតាមចាប់ នៃនាយកដ្ឋាននគរបាលព្រហ្មទណ្ឌ។
យោងតាមការសាកសួរជំហ៊ានដំបូង ការធ្វើអត្តឃាតដោយខ្លួនឯងនេះ អាចបណ្ដាលមកពីជនរងគ្រោះមានវិបត្តិផ្លូវចិត្ត និងមានជំងឺប្រចាំកាយ ៕ ដោយ៖បញ្ញាស័ក្តិ
