ភ្នំពេញ ៖ លោកទេសរដ្ឋមន្ត្រី ឱម យិនទៀង បានមានប្រសាសន៍ថា ការប្រយុទ្ធប្រឆាំងអំពើពុករលួយមានភាពស្មុគស្មាញ និងប្រឈមហានិភ័យខ្ពស់យ៉ាងណាក៏ដោយ ក៏អង្គភាពប្រឆាំងអំពើពុករលួយ បានបំពេញការងារ និងដោះស្រាយលើបញ្ហានានាបានយ៉ាងល្អប្រសើរ។
ក្រុមប្រឹក្សាជាតិប្រឆាំងអំពើពុករលួយ បានចេញសេចក្តីជូនដំណឹងស្តីពីកិច្ចប្រជុំលើកទី៥០ អាណត្តិទី២ នៃក្រុមប្រឹក្សាជាតិប្រឆាំងអំពើពុករលួយ (ក.ជ.ប.ព.)នៅថ្ងៃទី២៣ ខែកញ្ញា ឆ្នាំ២០១៩។
ក្រុមប្រឹក្សាជាតិប្រឆាំងអំពើពុករលួយ បានបើកកិច្ចប្រជុំលើកទី ៥០ អាណត្តិទី២ ដោយមានវត្តមានសរុបចំនួន ៨រូប លើ ១០រូប ហើយបានដំណើរការក្រោមអធិបតីភាព លោកតុប សំ ប្រធានក្រុមប្រឹក្សាជាតិប្រឆាំងអំពើពុករលួយ ដោយបានសម្រេចលទ្ធផលដូចតទៅ ៖ 1- បានពិនិត្យ និងអនុម័តកំណត់ហេតុកិច្ចប្រជុំក្រុមប្រឹក្សាជាតិប្រឆាំងអំពើពុករលួយលើកទី ៤៩ អាណត្តិទី២ ។ 2- បានស្តាប់របាយការណ៍របស់លោកទេសរដ្ឋមន្ត្រី ឱម យិនទៀង ប្រធានអង្គភាពប្រឆាំងអំពើពុករលួយ អំពីសកម្មភាពការងាររបស់អង្គភាពប្រឆាំងអំពើពុករលួយ ក្នុងអំឡុងខែកញ្ញា ឆ្នាំ២០១៩ ។
លោកទេសរដ្ឋមន្ត្រី ឱម យិនទៀង បានថ្លែងថា សកម្មភាពការងាររបស់អង្គភាពប្រឆាំងអំពើពុករលួយ ក្នុងអំឡុងខែកញ្ញា ឆ្នាំ២០១៩ ដែលមានជាអាទ៍ ការប្រកាសទ្រព្យសម្បត្តិ និងបំណុល មានចំនួន ២៧០នាក់ ដែលក្នុងនោះ មន្ត្រីដែលទទួលបានការតែងតាំងថ្មីចំនួន ១០៦រូប បានមកប្រកាសទ្រព្យសម្បត្តិ និងបំណុល មន្ត្រីចំនួន ១៣រូប បានមកប្រកាសទ្រព្យសម្បត្តិ និងបំណុលតាមរបប២ឆ្នាំ មន្ត្រីដែលត្រូវបានបញ្ឈប់ពីមុខតំណែង-ចប់អាណត្តិ។ ចូលនិវត្តន៍ចំនួន ១៥១រូប បានមកប្រកាសទ្រព្យសម្បត្តិ និងបំណុល ជាចុងក្រោយរបស់ខ្លួន ។ ពាក្យប្តឹងក្នុងខែ មានពាក្យប្តឹង (អនាមិក ២៥ពាក្យ ស្មើនឹង ៤១% នៃពាក្យប្តឹងសរុប) បានចេញលិខិតកោះហៅបុគ្គលដែលរងបណ្តឹងចំនួន ១៥រូប មកស្តាប់ចម្លើយ ឬបំភ្លឺ។ បានបើកបន្ទប់ស្តាប់ចម្លើយ ២៤លើកពាក្យប្តឹង ២៨ករណី ត្រូវបានវិភាគ និងស្រាវជ្រាវបឋម គឺមិនពាក់ព័ន្ធនឹងអំពើពុករលួយ ឬមិនមានតម្លៃនៃអំពើពុករលួយទេបានជូនស្ថាប័ន និងបុគ្គលពាក់ព័ន្ធធ្វើការបំភ្លឺចំនួន ២៥ករណី ដែលពាក់ព័ន្ធពាក្យប្តឹងស្ថាប័ន បុគ្គលពាក់ព័ន្ធពាក្យប្តឹងចំនួន ២៩ បានបំភ្លឺបកស្រាយការចោទប្រកាន់របស់ម្ចាស់បងមកលើខ្លួន។
ចំពោះការងារបង្ការ ទប់ស្កាត់ គបានចុះសង្កេតការណ៍ការដេញថ្លៃចំនួន ៧០គម្រោង។ បានចុះសង្កេតការណ៍ការពិគ្រោះថ្លៃចំនួន ពីគម្រោង ។បានចុះសង្កេតការណ៍ការចរចាថ្ងៃចំនួន ៧គម្រោង។ បានចុះសិក្សាប្រមូលព័ត៌មាន និងវាយតម្លៃក្រុមហ៊ុនបាន ១៧ក្រុមហ៊ុន និងស្រាវជ្រាវអត្តសញ្ញាណក្រុមហ៊ុនបាន ៥៦ក្រុមហ៊ុន ។
លោកទេសរដ្ឋមន្ត្រី ក៏បានលើកឡើងអំពីការតវ៉ារបស់បេក្ខជនប្រឡងសញ្ញាបត្រមធ្យមសិក្សាទុតិយភូមិ ផងដែរ។
ទោះបីជាការប្រយុទ្ធប្រឆាំងអំពើពុករលួយមានភាពស្មុគស្មាញ និងប្រឈមហានិភ័យខ្ពស់យ៉ាងណាក៏ដោយ ក៏អង្គភាពប្រឆាំងអំពើពុករលួយ បានបំពេញការងារ និងដោះស្រាយលើបញ្ហានានាបានយ៉ាងល្អប្រសើរ។
ក្នុងកិច្ចប្រជុំនេះ លោក តុប សំ បានថ្លែងថា ក្រុមប្រឹក្សាជាតិប្រឆាំងអំពើពុករលួយ បានកោតសរសើរ និងលើកទឹកចិត្តឱ្យអង្គភាពប្រឆាំងអំពើពុករលួយ បន្តជំនះនូវរាល់ឧបសគ្គដើម្បីបន្តការកសាងសង្គមមួយដោយភាពស្អាតស្អំ និងមានការជឿជាក់ពីមហាជន ដើម្បីបន្តការគាំទ្ររាជរដ្ឋាភិបាលដែលដឹកនាំដោយសម្តេចតេជោនាយករដ្ឋមន្ត្រី ៕ ដោយ ៖ កូឡាប