ភ្នំពេញ ៖ នៅថ្ងៃទី២៣ ខែកញ្ញា ឆ្នាំ២០១៩ អង្គភាពអ្នកនាំពាក្យរាជរដ្ឋាភិបាល ទទួលបានការអនុញ្ញាតពីលោកទេសរដ្ឋមន្ត្រី ឱម យិនទៀង ប្រធានអង្គភាពប្រឆាំងអំពើពុករលួយ ចូលជួបពិភាក្សាការងារ ស្តីពីបច្ចុប្បន្នភាពនៃអំពើពុករលួយ និងផលសម្រេចបាន ពីការប្រឆាំង និងអំពើពុករលួយ។ នេះបើតាមការលើកឡើងរបស់ លោកផៃ ស៊ីផាន អ្នកនាំពាក្យរាជរដ្ឋាភិបាលថ្ងៃទី 23 ខែកញ្ញាឆ្នាំ 2019 ។
បើតាមលោកផៃ ស៊ីផាន បានបញ្ជាក់បន្ថែមថា អង្គភាពអ្នកនាំពាក្យ មានការវាយតម្លៃខ្ពស់ ចំពោះនិន្នាការ និងផលជាផ្លៃផ្កានៃការប្រយុទ្ធប្រឆាំង និងអំពើពុករលួយនេះ។ ការវិនិយោគលើស្មារតី និងផ្នត់គំនិតមិនចូលរួម តាមរយៈការអប់រំ កិច្ចបង្កា តាមរយៈយន្តការ និងវិធីសាស្ត្រ និងចំណាត់វិធានការ បានធ្វើឱ្យមានការផ្លាស់ប្តូរជាបណ្តើរ ដែលជាប្រវត្តិសាស្ត្ររបស់កម្ពុជាក្នុងកិច្ចប្រឆាំង និងអំពើពុករលួយ។
អង្គភាពអ្នកនាំពាក្យ សូមសម្តែងអំណរគុណយ៉ាងជ្រោលជ្រៅ ចំពោះការចែករំលែកនូវបទពិសោធន៍នេះ៕ ដោយ ៖ កូឡាប