ខេត្តស្វាយរៀង៖ មានការភ្ញាក់ផ្អើលរត់ជាន់ជើងគ្នា ខណៈដែលកំពុងតែបូជាសព ដោយបាញ់កាំជ្រួច ហើយកាណុងបាញ់បណ្តាលឲ្យដួលត្រូវមនុស្សរងរបួសធ្ងន់ស្រាល៦នាក់។ ករណីនេះបានកើតឡើងកាលពីវេលាម៉ោង១៨និង៤០នាទីយប់ថ្ងៃទី២៣ ខែកញ្ញា ឆ្នាំ២០១៩ នៅចំណុចផ្ទះរបស់ឈ្មោះទេព សុង ភេទស្រី ស្ថិតក្នុងភូមិត្បែង ឃុំគគីសោម ស្រុកស្វាយទាប ខេត្តស្វាយរៀង។
យោងតាមសមត្ថកិច្ចបានឲ្យដឹងថា៖ នៅមុនពេលកើតហេតុ មានបូជាសពដោយដាក់ម៉េន និងដុតកាំជ្រួចដើម្បីបូជាសព។
ខណៈដែលកំពុងតែបូជាសពនោះ ក៏ដួលកាណុងជ័របាញ់កាំជ្រួច បណ្តាលឲ្យផ្ទុះកាំជ្រួចរងរបួសធ្ងន់ដល់ម្ចាស់ឈ្មោះសារុន សំណាង ភេទប្រុស អាយុ២៨ឆ្នាំ មានទីលំនៅភូមិឬស្សីអម ឃុំខ្សែត្រ ស្រុកកំពង់រោទិ៍ ខេត្តស្វាយរៀង និងរងរបួសស្រាលចំនួន៦នាក់ទៀត ១/ឈ្មោះឆាយ សូវ៉ាត ភេទប្រុស អាយុ៤២ឆ្នាំ ២/ឈ្នាន់ សុរ៉ាវី ភេទប្រុស ៣/ឈ្មងមិន សាវ៉ាន់ ភេទប្រុស អាយុ៤៨ឆ្នាំ ៤/ឈ្មោះគង់ សាខឿន ភេទប្រុស អាយុ៥១ឆ្នាំ ៥/ប៉ែង គួ ភេទប្រុស អ្នកទាំង៥នាក់រស់នៅភូមិ ត្បែង ឃុំគគីសោម ស្រុកស្វាយទាប ខេត្តស្វាយរៀង។
បច្ចុប្បន្នជនរងគ្រោះទាំងអស់ ត្រូវបានក្រុមគ្រួសារបញ្ជូន ទៅព្យាបាលនៅមន្ទីរពេទ្យបង្អែកខេត្តស្វាយរៀង។ មូលហេតុ មកពីម្ចាស់ដុតកាំជ្រួច ជីកដីដាក់បង្គោលរាក់ បណ្តាលឲ្យដួល និងបែកកាណុងជ័រផ្ទុះតែម្តង៕ដោយ៖ វ៉ៃកូ