ប្រទេសអ៊ីរ៉ង់បានច្រានចោលការចេញសេចក្តីថ្លែងការណ៍រួម របស់មេដឹកនាំបារាំង អាឡឺម៉ង់ និងអង់គ្លេស ដែលបានចោទខ្លួនថាជាអ្នកវាយប្រហារលើកន្លែងផលិតប្រេងរបស់ប្រទេសអារ៉ាប៊ីសៅអូឌីត កាលពីដើមខែនេះ។
រដ្ឋមន្រ្តីការបរទេសអ៊ីរ៉ង់បានចោទប្រកាន់មេដឹកនាំទាំងនោះវិញថា “ជាសេកចាំតែថាតាមអាមេរិច”។
មេដឹកនាំអឺរ៉ុបទាំងនោះបាននិយាយថា គ្មានការពន្យល់ដែលអាចជឿទុកចិត្ត បានផ្សេងទៀតឡើយ ចំពោះការវាយប្រហារដែលបានកកស្ទះ ដល់ផលិតកម្មប្រេងរបស់អារ៉ាប៊ីសាអូឌីត ពាក់កណ្តាល។
ប៉ុន្តែពួកគេនិយាយថា ពួកគេនៅតែមានការប្តេជ្ញាចិត្តចំពោះកិច្ចព្រមព្រៀងអន្តរជាតិ លើកម្មវិធីនុយក្លេអ៊ែរអ៊ីរ៉ង់ឆ្នាំ ២០១៥។
សូមបញ្ជាក់ថា ក្រុមប៉ះបោរដែលគាំទ្រដោយអ៊ីរ៉ង់នៅក្នុងប្រទេសយេមែន បានធ្វើការអះអាងថា ពួកគេជាអ្នកវាយប្រហារលើកន្លែងផលិតប្រេងរបស់ប្រទេសអារ៉ាប៊ីសៅអូឌីត កាលពីថ្ងៃទី ១៤ ខែកញ្ញាកន្លងទៅ ខណៈពេលដែលអ៊ីរ៉ង់បដិសេធថា ខ្លួនមិនបានពាក់ព័ន្ធឡើយ។
ដ្រូនចំនួន ១៨ និងមីស៊ីលចំនួន ៧ បានវាយប្រហារកន្លែងចំរាញ់ប្រេងរបស់អ៊ីរ៉ង់។ ការវាយប្រហារនោះបណ្តាលឲ្យតម្លៃប្រេងហក់ឡើងជិត ២០ភាគរយ។
អារ៉ាប៊ីសៅអូឌីត បានចោទអ៊ីរ៉ង់ថាជាអ្នកពីក្រោយការវាយប្រហារនោះ ខណៈដែលអាមេរិចបានបញ្ជូនទ័ពទៅកាន់អារ៉ាប៊ីសៅអូឌីត ដើម្បីការពារសម្ព័ន្ធមិត្តរបស់ខ្លួន៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC