រាជធានីភ្នំពេញ ៖ ធនាគារអភិវឌ្ឍន៍អាស៊ីបាន ចេញ សេចក្តីប្រកាសព័ត៌មាននៅថ្ងៃទី ២៥ កញ្ញា ២០១៩នេះថា ADB មើលឃើញកំណើនដ៏រឹងមាំសម្រាប់ប្រទេសកម្ពុជា ក្នុងឆ្នាំ២០១៩ ដោយគូសបញ្ជាក់អំពី តម្រូវការនៃការធ្វើពិពិធកម្មសេដ្ឋកិច្ច។
របាយការណ៍ថ្មីមួយដែលចេញដោយធនាគារអភិវឌ្ឍន៍អាស៊ី (ADB) ក្នុងថ្ងៃនេះ បានឱ្យដឹងថា សេដ្ឋកិច្ចរបស់កម្ពុជានឹងនៅតែបន្តសម្រេចបានកំណើនរឹងមាំក្នុងឆ្នាំនេះ បើទោះបីជាផលិតកម្មកសិកម្មមានការកើនឡើងយឺតជាងការរំពឹងទុកក៏ដោយ។ នៅក្នុងការធ្វើបច្ចុប្បន្នភាពរបាយការណ៍ប្រចាំឆ្នាំរបស់ខ្លួនអំពីសេដ្ឋកិច្ច ដែលមានឈ្មោះថា ទស្សនៈវិស័យអភិវឌ្ឍន៍អាស៊ី (ADO) ឆ្នាំ២០១៩ ADB រក្សាការព្យាករណ៍របស់ខ្លួនអំពីកំណើនផលិតផលក្នុងស្រុកសរុប (ផ.ស.ស) ពិតសម្រាប់ប្រទេសកម្ពុជា ក្នុងកម្រិត ៧,០% សម្រាប់ឆ្នាំនេះ និង ៦,៨% សម្រាប់ឆ្នាំ២០២០។
លោកស្រី Sunniya Durrani-Jamal នាយិកា ADB ប្រចាំប្រទេសកម្ពុជា បានមានប្រសាសន៍ឱ្យដឹងថា
“សេដ្ឋកិច្ចរបស់កម្ពុជាបន្តរីកចម្រើនក្នុងល្បឿនមួយដ៏ខ្លាំងក្លា ដោយសារវិស័យសេដ្ឋកិច្ចនាំមុខ ដូចជា កាត់ដេរ ទេសចរណ៍ពាណិជ្ជកម្ម និងសំណង់ នៅតែបន្តមានភាពរឹងមាំ។” “ជាមួយនឹងភាពមិនប្រាកដ្ឋប្រជានៃបរិយាកាសពាណិជ្ជកម្មសកលមានការកើនឡើង ព្រមទាំងផលប៉ះពាល់របស់វាមកលើវិស័យសេវាកម្មដូចជា
ទេសចរណ៍កម្ពុជាត្រូវការយុទ្ធសាស្ត្រពិពិធកម្មមួយជាបន្ទាន់ ដែលផ្តោតលើអ្វីដែលមានភាពសមស្របសម្រាប់
ខ្លួនឯង ព្រមទាំងផ្តោតលើផលិតផល និងសេវាកម្មដែលមានតម្លៃបន្ថែមខ្ពស់ជាងមុន។ ការធ្វើបែបនេះតម្រូវឱ្យកាត់បន្ថយហានិភ័យ ដែលកើតឡើងពីការផ្តល់ឥណទានដល់វិស័យអចលនទ្រព្យ ដែលកំពុងតែមានកំដៅកើនឡើង ការអភិវឌ្ឍកម្លាំងពលកម្មប្រកបដោយជំនាញ និងមានផលិតភាពខ្ពស់ជាងមុន ដើម្បីរក្សាតុល្យភាពនឹងប្រាក់ឈ្នួលដែលកំពុងកើនឡើង និង ទាក់ទាញការវិនិយោគមូលធនប្រកបដោយគុណភាពខ្ពស់ ដែលទាំងអស់នេះត្រូវការឱ្យមានផងដែរនូវអភិបាលកិច្ចល្អ និងស្ថាប័នដែលរឹងមាំ”។
របាយការណ៍នេះបានកត់សម្គាល់អំពីហានិភ័យចំពោះផលិតកម្មដែលអាចរងផលប៉ះពាល់ពីការប្រែប្រួលអាកាសធាតុ។ គ្រោះរាំងស្ងួតដែលបានកើតឡើងនៅអំឡុងពាក់កណ្តាលឆ្នាំដំបូង បានធ្វើឱ្យផលិតកម្មកសិ
ផល និងជលផលមានការធ្លាក់ចុះដោយបានកាត់បន្ថយកំណើនសេដ្ឋកិច្ចនៅក្នុងវិស័យកសិកម្ម មកត្រឹម
ប្រមាណ ១,១% សម្រាប់ឆ្នាំនេះ។ កំណើនវិស័យឧស្សាហកម្ម មានភាពរឹងមាំដោយសារកំណើនដ៏ឆាប់រហ័សនៃផលិតកម្មកាត់ដេរសម្លៀកបំពាក់ស្បែកជើង ជាពិសេសទំនិញសម្រាប់ការធ្វើដំណើរ ដែលបាននាំឱ្យមានការ
តម្លើងការព្យាករណ៍របស់ ADB ពី ១០,១% កាលពីខែមេសាកន្លងទៅ ទៅ១០,៦% សម្រាប់វិស័យនេះ។
កំណើននៃការនាំចូលលឿនជាងការរំពឹងទុក បើទោះបីការនាំចេញទំនិញ និងការមកដល់នៃភ្ញៀវទេសចរ មានការកើនឡើងយ៉ាងរឹងមាំក៏ដោយ។ ដូច្នេះ ឱនភាពគណនីចរន្ត (ដោយមិនរាប់បញ្ចូលជំនួយឥតសំណង
) ត្រូវបានរំពឹងថានឹងកើនឡើងនៅក្នុងរយៈពេលនៃការព្យាករណ៍នេះ។ ឱនភាពនេះទទួលបានហិរញ្ញប្បទានពីលំហូរចូលនៃការវិនិយោគផ្ទាល់ពីបរទេស ដែលនឹងបន្តគរពូនទុនបម្រុង ដុលអន្តរជាតិឱ្យឡើងដល់ប្រមាណ ១២,៣ ពាន់លានដុល្លារ ត្រឹមដំណាច់ឆ្នាំនេះ ដែលអាចរ៉ាប់រងចំណាយសម្រាប់ការនាំចូលបានរយៈពេល៦ខែ។
ដោយសារប្រេងឥន្ធនៈមានតម្លៃទាបជាងមុន និង តម្លៃស្បៀងអាហារមានការកើនឡើងតិចតួចឮអតិផរណា មានកម្រិតទាបត្រឹម ១,៤% នៅចុងខែមិថុនា បើធៀបនឹងគ្រាដូចគ្នាឆ្នាំ២០១៨ និង រំពឹងថាមានកម្រិត ២,២% ជាមធ្យម សម្រាប់ឆ្នាំ ២០១៩៕ ដោយ៖បញ្ញាស័ក្តិ
