ខេត្តព្រះវិហារ ៖ ថ្ងៃចន្ទ ទី៣០ ខែកញ្ញា ឆ្នាំ២០១៩ វេលាម៉ោង ៨ព្រឹក លោកវរសេនីយ៍ទោ រឹទ្ធ សូណា អធិការស្រុកត្បែងមានជ័យ បានឲ្យដឹងថា ៖ នៅចំណុចភូមិសាស្ត្រ ភូមិពោធិ៍ខឿន ឃុំពោធិ៍ ស្រុកត្បែងមានជ័យ ខេត្តព្រះវិហារ មានការប្រគល់អាវុធកែច្នៃ ប្រភេទ(កាប៊ីន) របស់ប្រជាពលរដ្ឋ ចំនួន ១៤ដើម ជូនដល់កម្លាំងអធិការដ្ឋាននគរបាលស្រុកត្បែងមានជ័យ ដើម្បីរក្សាទុក ។
ការប្រគល់អាវុធកែច្នៃនេះ គឺជាស្មារតីនឹករលឹករបស់ប្រជាពលរដ្ឋ ក្រោយពីមានការប្រជុំផ្សព្វផ្សាយស្តីពីគោលនយោបាយ ភូមិ ឃុំ មានសុវត្ថិភាព ជូនប្រជាពលរដ្ឋ និងផ្ដោតសំខាន់លើការប្រើប្រាស់ អាវុធកែច្នៃខុសច្បាប់។ ក្នុងនោះសមត្ថកិច្ចនគរបាលស្រុកត្បែងមានជ័យ ក៏បានធ្វើពិធី សំណេះសំណាលជាមួយប្រជាពលរដ្ឋ ដោយបានធ្វើការអប់រំណែនាំ និងធ្វើកិច្ចសន្យា ឲ្យពួកគាត់បញ្ឈប់ប្រើប្រាស់អាវុធកែច្នៃ ក៏ដូចអាវុធស្វ័យប្រវត្តិតទៅទៀត ពីព្រោះកាលណាប្រើប្រាស់របស់ទាំងនេះ គឺជាការខុសច្បាប់ផងដែរ៕ ដោយ៖កូឡាប
