មនុស្សចំនួនជាង ១០០នាក់ បានស្លាប់ក្នុងគ្រោះទឹកជំនន់បង្កឡើងដោយសារតែភ្លៀងធ្លាក់់ខ្លាំង នៅក្នុងរដ្ឋ Uttar Pradesh និងរដ្ឋ Bihar នៃប្រទេសឥណ្ឌា។ នេះបើតាមការបញ្ជាក់របស់មន្ត្រីឥណ្ឌា។
ការធ្វើដំណើរតាមរថភ្លើង តាមយានយន្ត ការផ្តល់សេវាកម្មសុខាភិបាល សាលារៀន និងការផ្គត់ផ្គងអគ្គិសនីត្រូវបានបង្អាក់ដោយសារទឹកជំនន់នៅក្នុងរដ្ឋទាំង ២ខាងលើ។
របាយការណ៍របស់រដ្ឋ Uttar Pradesh បានបញ្ជាក់ថា មនុស្សចំនួន ៩៣នាក់បានស្លាប់តាំងពីថ្ងៃព្រហស្បតិ៍ ។
ចំណែកអ្នកស្លាប់នៅក្នុងរដ្ឋ Bihar បានកើនឡើងដល់ ២៩នាកក់ហើយ បើយោងតាមការបញ្ជាក់របស់អាជ្ញាធរគ្រប់គ្រងគ្រោះមហន្តរាយ។
សូមបញ្ជាក់ថា គ្រោះទឹកជំនន់តែងកើតមានជារៀងរាល់ឆ្នាំនៅក្នុងប្រទេសដែលមានប្រជាជនច្រើនបំផុតទី ២នេះ បណ្តាលឲ្យប្រជាជនជាច្រើបានស្លាប់បាត់បង់ជីវិត៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
