ភ្នំពេញ៖ វេទិកាផ្សព្វផ្សាយ និងពិគ្រោះយោបល់ របស់ក្រុមប្រឹក្សារាជធានីភ្នំពេញ អាណត្តិទី៣ នៅខណ្ឌចំការមន ត្រូវបានធ្វើឡើងនា ព្រឹកថ្ងៃទី១ខែតុលា នៅកោះពេជ្រ។
សូមជម្រាបជូនថា វេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីនាថ្ងៃនេះ នឹងផ្តល់ជូនដល់ប្រជាពលរដ្ឋ ក្នុងការចូលរួមក្នុងដំណើរការអភិបាលកិច្ចល្អ និងជាឧបករណ៍មួយសម្រាប់លើកកម្ពស់ គណនេយ្យភាព តម្លាភាព ក្នុងដំណើរការ ពិនិត្យមើល លើការផ្តល់សេវាសាធារណៈ របស់រដ្ឋបាលរាជធានីភ្នំពេញ ក្នុងគោលបំណង ដើម្បីធានាថា រាល់បញ្ហាអាទិភាព របស់ប្រជាពលរដ្ឋក្នុងមូលដ្ឋាន ត្រូវបានពិនិត្យ ដោះស្រាយ និងឆ្លើយតប។ គ្រប់អ្នកពាក់ព័ន្ធទាំងអស់ក្នុងមូលដ្ឋាន ត្រូវបានរួមបញ្ចូលបរិយាប័ន្ននៅក្នុងដំណើរការនៃការអភិវឌ្ឍតាម បែបប្រជាធិបតេយ្យនៅថ្នាក់ក្រោមជាតិ។
ម្យ៉ាងទៀត ក្រុមប្រឹក្សារាជធានីភ្នំពេញមានគោលបំណងជំរុញ នូវប្បធម៌ នៃ ការពិភាក្សា និងលើកកម្ពស់គណនេយ្យភាពតាមបែបប្រជាធិបតេយ្យ ដោយការរៀបចំទី ភាពយនិងពិគ្រោះយោបល់ នៅរៀងរាល់ត្រីមាសទី៤ នៃឆ្នាំនីមួយៗ ហើយក្នុងឱកាសនោះ ក្រុមប្រឹក្សារាជធានីនឹងធ្វើការ ៖ ផ្តល់ព័ត៌មានជូនប្រជាពលរដ្ឋនូវ សមិទ្ធផល ដែលក្រុមប្រឹក្សាសម្រេចបានកន្លងមក និងបញ្ហាប្រឈមនានាបានថតចម្លង ចែកជូនរួចហើយ។ ផ្តល់ព័ត៌មានដល់ប្រជាពលរដ្ឋ អំពីអាទិភាពនៃការងារ អភិវឌ្ឍរបស់ក្រុមប្រឹក្សាសម្រាប់ឆ្នាំខាងមុខ(បានថតចម្លង ចែកជូនរួចហើយ) ។ ផ្តល់ឱកាសជូនប្រជាពលរដ្ឋ ដើម្បីពិភាក្សាលើរបាយការណ៍របស់ក្រុមប្រឹក្សា។ ទទួលយកអនុសាសន៍ និងសំណូមពររបស់ប្រជាពលរដ្ឋ ដើម្បីពិភាក្សា និងឆ្លើយតប។
លោកប៉ា សុជាតិវង្ស ប្រធានក្រុមប្រឹក្សារាជធានីភ្នំពេញ ថ្លែងប្រាប់ បងប្អូន ប្រជាពលរដ្ឋទាំងអស់ថា រាល់សំណើ សំណូមពរ ដែលបងប្អូនបានដាក់ជូនក្រុមប្រឹក្សារាជធានីភ្នំពេញក្នុងឆ្នាំ២០១៨កន្លងមក ក្រុមប្រឹក្សាបានចាត់ឲ្យគណៈអភិបាល ធ្វើការដោះស្រាយ
ជាបន្តបន្ទាប់ និងសំណូមពរមួយចំនួន ដែលពាក់ព័ន្ធនឹងថវិកាអភិវឌ្ឍរបស់រាជធានី ខណ្ឌនោះក្រុមប្រឹក្សារាជធានី បានចាត់ឲ្យមន្ទីរ អង្គភាពជំនាញពាក់ព័ន្ធ ដាក់បញ្ចូលទៅក្នុងគម្រោងកម្មវិធីវិនិយោគ ៣ឆ្នាំរំកិល របស់រដ្ឋបាលរាជធានី ខណ្ឌ សង្កាត់ ហើយនឹងបាន ធ្វើការដោះស្រាយជូនជាបន្តបន្ទាប់តាមគម្រោងទាំងនោះ។
លោកបន្តថា វេទិកាផ្សព្វផ្សាយ និងពិគ្រោះយោបល់នាថ្ងៃនេះ គឺជាការផ្តល់ឱកាសជូនប្រជាពលរដ្ឋ
បានប្រាស្រ័យទាក់ទងគ្នាទៅវិញទៅមក រវាងរដ្ឋបាលរាជធានីជាមួយរដ្ឋបាលខណ្ឌ រដ្ឋបាលសង្កាត់ ប្រជាពលរដ្ឋ តំណាងសង្គមស៊ីវិល និងវិស័យឯកជន ក្រុមប្រឹក្សាប្រភេទផ្សេងៗគ្នា ដើម្បីផ្លាស់ប្តូរនូវបទពិសោធន៍ និងផ្តល់ប្រឹក្សាអំពីអាទិភាពនៃការអភិវឌ្ឍរាជធានីភ្នំពេញប្រកបដោយចីរភាព តម្លាភាព និងប្រសិទ្ធភាព។ វត្តមាន របស់បងប្អូន គឺមានសារសំខាន់បំផុត ដែលអាចលើកឡើងនូវមតិយោបល់ សំណើ សំណូមពរ និងអនុសាសន៍ សម្រាប់កែលម្អដល់ ការអភិវឌ្ឍមូលដ្ឋាន នៃរាជធានីភ្នំពេញនេះឲ្យបានផុលផុស ព្រោះយើងទាំងអស់គ្នាចង់បាននូវការផ្តល់សេវាសាធារណៈ ពីរដ្ឋបាលរាជធានី រដ្ឋបាលខណ្ឌ និងរដ្ឋបាលសង្កាត់ ឲ្យបានកាន់តែល្អប្រសើរ និងឆាប់រហ័សជាងមុន។
ក្នុងឱកាសនោះ លោក ហួត ហៃ អភិបាលរងរាជធានីភ្នំពេញ បានបញ្ជាក់ថា តាមរយៈកាពិគ្រោះយោបល់ អស់រយៈពេលមួយព្រឹកនេះ យើងទាំងអស់គ្នាបានពិភាក្សា និងពិគ្រោះយោបល់បានរកឃើញ បញ្ហាសំខាន់ៗ ជាអាទិភាពសម្រាប់ឲ្យដ្ឋបាលរាជធានី យកទៅធ្វើការពិភាក្សា ក្នុងការអនុវត្តសកម្មភាពរបស់ខ្លួន ដើម្បីលើកកម្ពស់គុណភាព នៃជីវភាពរស់នៅរបស់ប្រជាពលរដ្ឋក្នុងរាជធានីភ្នំពេញ ជាពិសេស ប្រជាពលរដ្ឋក្រីក្រក្នុងមូលដ្ឋានសង្កាត់ ខណ្ឌរបស់ខ្លួន ឲ្យកាន់តែមានភាពល្អប្រសើរ។
ការចូលរួមផ្តល់មតិយោបល់ និងការលើកឡើង នូវសំណើ និងសំណូមពររបស់អស់លោក លោកស្រី នាថ្ងៃនេះ គឺបាន
នាំមកនូវសក្តានុពលដ៏ធំធេង និងធ្វើឲ្យរដ្ឋបាលរាជធានីភ្នំពេញ អាចឆ្លុះបញ្ចាំងបាននូវចំណុចខ្វះខាត ចំណុចអសកម្ម
ដែលអនុវត្តកន្លងមក និងអាចឲ្យគណៈអភិបាលរាជធានីយកទៅពិចារណាធ្វើការកែលម្អឡើងវិញឲ្យបានសមស្រប
តាមសេចក្តីត្រូវការរបស់ប្រជាពលរដ្ឋ ក្នុងមូលដ្ឋាននីមួយៗ។
ក្រុមប្រឹក្សារាជធានី ក៏ដូចជារដ្ឋបាលរាជធានីភ្នំពេញ បានយកចិត្តទុកដាក់ដល់ការអនុវត្ត នូវគោលនយោបាយ
កំណែទម្រង់រដ្ឋបាលថ្នាក់ក្រោមជាតិ របស់រាជរដ្ឋាភិបាល តាមការអភិវឌ្ឍតាមបែបប្រជាធិបតេយ្យ នៅថ្នាក់ក្រោមជាតិ
ដោយបង្កលក្ខណៈឲ្យមានការចូលរួមយ៉ាងសកម្មពីប្រជាពលរដ្ឋ សង្គមស៊ីវិល និងវិស័យឯកជន ដើម្បីធ្វើការផ្លាស់ប្តូរ
រយោបល់ បទពិសោធន៍ គ្នាទៅវិញទៅមក រកឲ្យឃើញនូវឫសគល់នៃបញ្ហា សិក្សាស្វែងយល់ពី តម្រូវការពិតប្រាកដរបស់ប្រជាពលរដ្ឋ និងរិះរកវិធានការដោះស្រាយឲ្យបាន នូវបញ្ហាទាំងនោះ ជូនប្រជាពលរដ្ឋវិញ ប្រកបដោយតម្លាភាព
និងប្រសិទ្ធភាព ក្នុងនាមជាតំណាងសាធារណៈ ដែលទទួលបានការទុកចិត្តពីប្រជាពលរដ្ឋ ត្រូវបម្រើប្រជាពលរដ្ឋវិញ។
តាមរយៈ ការពិភាក្សាពេញអង្គនៃវេទិកានាព្រឹកនេះ លោកសង្កេតឃើញថា មានការចូលរួមយ៉ាងផុលផុស ពីសំណាក់អស់លោក លោកស្រី ប្រជាពលរដ្ឋ សមាជិក សមាជិកា ក្រុមប្រឹក្សាខណ្ឌ សង្កាត់ សង្គមស៊ីវិល និងអង្គការមហាជន ដែលជាមោទនភាព នៃក្រុមប្រឹក្សារាជធានីភ្នំពេញ ក៏ដូចជារដ្ឋបាលរាជធានីទាំងមូល ដែលថ្ងៃនេះយើងទទួលបាននូវមតិយោបល់ សំណើ និងសំណូមពរផ្ទាល់មាត់ ព្រមទាំងសំណើ សំណូមពរជាលាយលក្ខណ៍អក្សរ។
លោកសូមធានាថា នឹងយកសំណើ សំណូមពរលាយលក្ខណ៍អក្សរទាំងអស់ ដែលនៅសល់ទៅដាក់ជូនគណៈអភិបាលរាជធានីភ្នំពេញ ដើម្បីពិនិត្យ និងដោះស្រាយជូន ព្រមទាំងផ្តល់នូវព័ត៌មានត្រឡប់ជូនដល់ អស់លោក លោកស្រីវិញ តាមរយៈក្រុមប្រឹក្សាខណ្ឌ ក្រុមប្រឹក្សាសង្កាត់នូវលទ្ធផលនៃការដោះស្រាយជូនទាំងលទ្ធផលជាវិជ្ជមាន ឬអវិជ្ជមានក្តី ដោយមានបញ្ជាក់ពីមូលហេតុច្បាស់លាស់ជូនជ្រាប
នៅពេលក្រោយ ឬនៅពេលវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ នៅតាមខណ្ឌ។
ទន្ទឹមនឹងនេះ ក្រុមប្រឹក្សានិងគណៈអភិបាលរាជធានីភ្នំពេញ សូមធានាថានឹងលើកយករាល់មតិយោបល់ សំណួរ សំណើ និងសំណូមពរ របស់អស់លោក លោកស្រីទៅពិនិត្យ និងពិចារណា ព្រមទាំងចាត់អាទិភាព ដាក់បញ្ចូល
ទៅក្នុងគម្រោងផែនការអភិវឌ្ឍ៣ឆ្នាំរំកិល របស់ក្រុមប្រឹក្សារាជធានី ក្រុមប្រឹក្សាខណ្ឌ ក្រុមប្រឹក្សាសង្កាត់ដើម្បីធានាដល់
ការផ្តល់សេវាសាធារណៈឲ្យបានកាន់តែប្រសើរឡើង និងលើកកម្ពស់គុណភាពជីវភាពរស់នៅរបស់បងប្អូនប្រជាពលរដ្ឋ
ក្នុងសង្កាត់ ខណ្ឌនៃរាជធានី ឲ្យកាន់តែមានតម្លាភាព និងប្រសិទ្ធភាព។
លើសពីនេះទៅទៀត រដ្ឋបាលរាជធានីភ្នំពេញ នឹងកែលម្អ ការផ្តល់សេវាសាធារណៈរបស់ខ្លួន ក្នុងកំណែ
ទម្រង់មួយដ៏ស៊ីជម្រៅ និងជាក់លាក់ ប្រកបដោយប្រសិទ្ធភាព និងតម្លាភាព ដែលអាចឆ្លើយតបបានទៅនឹងតម្រូវការ
របស់ប្រជាពលរដ្ឋ ជាក់ស្តែងនៅសាលារាជធានីភ្នំពេញ ក៏ដូចជានៅតាមសាលាខណ្ឌទាំង១៤ គឺយើងបានបង្កើតច្រក
ចេញចូលតែមួយ និងការិយាល័យរបស់ប្រជាពលរដ្ឋ ដែលអាចបម្រើសេវាជូនប្រជាពលរដ្ឋបានទាន់ចិត្ត ព្រមទាំងអាច
កាត់បន្ថយភាពក្រីក្រ នៅមូលដ្ឋានក្នុងរយៈពេលដ៏ខ្លីខាងមុខនេះ ។
ក្នុងឱកាសនៃវីធីការនេះ ប្រជាពលរដ្ឋជាច្រើននាក់ បានលើកជាសំណួរឡើងជាច្រើន ដើម្បីឲ្យអាជ្ញាធររាជធានីភ្នំពេញ ធ្វើការដោះស្រាយពាក់ព័ន្ធនឹង បញ្ហាបង្គោលភ្លើងបំភ្លឺសាធារណៈ ដែលត្រូវដាក់នៅតាមដងផ្លូវ បញ្ហាសំរាមដែលក្រុមហ៊ុនស៊ីនទ្រី មិនព្រមយករាល់ថ្ងៃ គឺទុករហូតប្រហែលជាមួយអាទិត្យទៅកន្លះខែ ទើបក្រុមហ៊ុនស៊ីនទ្រី មកយក ដែលធ្វើឲ្យសំរាមកកស្ទះ ស្អុយបង្កជាដង្កូវប៉ះពាល់ដល់សុខភាព និងក្លិនស្អុយ ។ ប្រជាពលរដ្ឋក៏បានលើកឡើងបន្ថែមទៀត ទាក់ទងនឹងការគោរពទង់ជាតិ ដោយប្រជាពលរដ្ឋបានស្នើឲ្យអាជ្ញាធរ ជួយផ្សព្វផ្សាយឲ្យ បានទូលំទូលាយឲ្យមាន ការគោរពទង់ជាតិនាពេលព្រឹក នៅតាម ទីសាធារណៈតាមផ្សារជាដើម។ ប្រជាពលរដ្ឋ បានស្នើឲ្យអាជ្ញាធរកាត់ដើមឈើដែលងាប់ នៅក្នុងមូលដ្ឋានខណ្ឌចំការមន ឲ្យអស់ចៀសវាងការដួលរលំសង្កត់លើម៉ូតូ រថយន្ត ឬក៏ប្រជាពលរដ្ឋ ហើយជាពិសេសត្រូវកាត់លះមែកឈើចេញ ដើម្បីឲ្យភ្លើងភ្លឺបានច្បាស់។ ប្រជាពលរដ្ឋបានស្នើឱ្យមានការដាក់លូបន្ថែម នៅតំបន់មួយចំនួន បានលិចទឹក ដើម្បីរំដោះទឹកជន់លិច ក្នុងមូលដ្ឋាន ពេលភ្លៀងមកម្ដងៗ ។ ពលរដ្ឋបានស្នើដល់ប៉ុស្តិ៍នគរបាលនិងអាជ្ញាធរភូមិសង្កាត់ ខណ្ឌ ចាត់វិធាការយ៉ាងតឹងរ៉ឹង ចំពោះក្មេងទំនើង ក្មេងជក់ថ្នាំញៀន និងការចែកចាយកថ្នាំញៀនក្នុងមូលដ្ឋាន ហើយជាពិសេសនោះ គឺមានក្មេងញៀនថ្នាំមួយចំនួន បានបញ្ជូនទៅមណ្ឌលបន្សាបគ្រឿងញៀនរួចហើយ ហើយពេលបន្សាបថ្នាំញៀនរួចរាល់ ត្រឡប់មករួមរស់ជាមួយគ្រួសារ បែរជាវិលត្រឡប់ទៅលួចលាក់ប្រើប្រាស់ថ្នាំដដែលវិញ ៕ ដោយ៖កូឡាប