ខេត្តព្រះសីហនុ ៖ សមត្ថកិច្ចស្ថាប័នពាក់ព័ន្ធខេត្តព្រះសីហនុ កំពុងបើកការស្រាវជ្រាវវែករកមុខជនដៃដល់ ក្នុងឃាតកម្មសម្លាប់ជនបរទេសម្នាក់ ដែលគេប្រទះឃើញស្លាប់ ក្នុងថ្នុកឈាម ដោយដាច់បាត់ដងខ្លួនមួយកំណាត់ ផ្នែកខាងក្រោម។
សមត្ថកិច្ចឲ្យដឹងថា សាកសពជនបរទេសម្នាក់ ទំនងជាជនជាតិរស់នៅទ្វីបអាស៊ី បានស្លាប់ ហើយសមត្ថកិច្ច នៅមិនទាន់ស្គាល់អត្តសញ្ញាណបុរសរងគ្រោះនៅឡើយ។ ហើយត្រូវបានគេប្រទះឃើញ ស្លាប់ក្នុងដីឡូត៍មួយកន្លែង នៅព្រឹកម៉ោង ៩ និង៣០នាទី ថ្ងែទី១ ខែតុលា ឆ្នាំ២០១៩។
ជនរងគ្រោះ ត្រូវបានគេប្រទះឃើញ នៅចំណុចភូមិអូរត្រេះ ស្ថិតក្នុងដីឡូត៍ មានទីតាំងនៅក្រុម៦ ភូមិ៦ សង្កាត់៦ ខេត្ត-ក្រុង ព្រះសីហនុ។
សមត្ថកិច្ចបញ្ជាក់ថា សាកសព ជនរងគ្រោះខាងលើនេះ បានស្លាប់ដោយសារអំពេីឃាតកម្ម។ ហើយថា បច្ចុប្បន្នសាកសពត្រូវបានរក្សាទុកនៅមន្ទីរពេទ្យបង្អែកខេត្តព្រះសីហនុ ដើម្បីរង់ចាំការស្វែងរកអត្តសញ្ញាណជនរងគ្រោះ និងទុកឲ្យសមត្ថកិច្ច ជំនាញការិយាល័យបច្ចេកទេស វិទ្យាសាស្ត្រ និងកោសល្យវិច្ច័យ មកពិនិត្យសាកសព៕ ដោយ៖ ដែន សីមា