ខេត្តស្វាយរៀងៈ បុរសចំនួន២នាក់បានរងរបួសធ្ងន់ និងស្រាល នៅក្នុងករណីគ្រោះថ្នាក់ចរាចរមួយ ដែលបានកើតឡើងនៅថ្ងៃ អង្គារ ទី១ ខែតុលា ឆ្នាំ ២០១៩ វេលាម៉ោង ១៤:២៥ នាទី រសៀលដោយករណីគ្រោះថ្នាក់ចរាចរខាងលើ បានកើតឡើងរវាង ម៉ូតូ និង ម៉ូតូ ( ក្នុងទិសដៅផ្ទុយគ្នា ) លើផ្លូវលេខ ៣១៤ ស្ថិតក្នុងភូមិ ថ្មី សង្កាត់ សង្ឃ័រ ក្រុង ស្វាយរៀង ។
សមត្ថកិច្ចបានឱ្យដឹងថាៈ ម៉ូតូទី១ម៉ាក ហុងដាសេ ១២៥ ពណ៌ ខ្មៅ ពាក់ផ្លាកលេខ ព្រៃវែង ១C ៨២០៩ បើកបរដោយឈ្មោះ កូវ សីហា ភេទ ប្រុស អាយុ ២១ មុខរបរ កម្មករសំណង់ រស់នៅភូមិ ឃោសាង សង្កាត់ ស្វាយតឿ ក្រុង ស្វាយរៀង ខេត្ត ស្វាយរៀង បើកបរពីលិចទៅកើត មិនពាក់មួកសុវត្ថិភាព រងរបួសធ្ងន់ ម៉ូតូខូចខាតស្រាល ។ ម៉ូតូទី២ ម៉ាកហុងដាសេ ១២៥ ពណ៌ ខ្មៅ ពាក់ផ្លាកលេខ ស្វាយរៀង ១H ៨២០១ បើកបរដោយឈ្មោះ មឿន រត្ននី ភេទ ប្រុស អាយុ ១៩ ឆ្នាំ មុខរបរ បុគ្គលិកកាស៊ីណូក្រោន រស់នៅភូមិ ពោធិ៍រាជ ឃុំ ពោធិ៍រាជ ស្រុក ស្វាយជ្រំ ខេត្ត ស្វាយរៀង បើកពីកើតទៅលិច មិនពាក់មួកសុវត្ថិភាព និង គ្មានកញ្ចក់មើលក្រោយ អ្នកបើកបររងរបួសធ្ងន់ ម៉ូតូខូចខាតស្រាល ។
ប្រភពដដែលបានឱ្យដឹងទៀតថាៈ ចំពោះមធ្យោបាយត្រូវបានយកទៅរក្សាទុក នៅអធិការដ្ឋាននគរបាលក្រុងស្វាយរៀង ។
ដោយឡែកអ្នករបួសសម្រាកព្យាបាល នៅមន្ទីរពេទ្យខេត្តស្វាយរៀង ។ មូលហេតុគឺអ្នកបើកបរម៉ូតូម៉ាក ហុងដាសេ១២៥ ពាក់ផ្លាកលេខ ព្រៃវែង ១C ៨២០៨ មិនប្រកាន់ស្ដាំ ៕ដោយ៖ វ៉ៃកូ
