ស្ពានប្រវែង ១៤០ម៉ែត្របានបាក់នៅតៃវ៉ាន់ បណ្តាលឲ្យរថយន្តដឹកប្រេងដែលកំពុងបើកបរធ្លាក់ចូលទៅក្នុងទឹក និងសម្លាប់មនុស្សចំនួន ២នាក់នៅលើទូកនេសាទដែលនៅក្រោមស្ពាន។
បើតាមវីដេអូ បានបង្ហាញថា ស្ពានបានបាក់ចូលទៅក្នុងទឹកនៅកំពង់ផែ Nanfangao កាលពីព្រឹកថ្ងៃអង្គារម្សិលមិញនេះ។
នៅពេលបាក់ស្ពាន រថយន្តដឹកប្រេងមួយបានធ្លាក់ចំលើទូកនេសាទជាច្រើនគ្រឿង បណ្តាលឲ្យឆេះជាភ្លើង។ នេះបើតាមការចុះផ្សាយរបស់សារព័ត៌មានរដ្ឋតៃវ៉ាន់។
ក្នុងហេតុការណ៍នោះ មានមនុស្សចំនួន ១២នាក់បានរងរបួស។ សាកសពមនុស្សចំនួន ២នាក់ត្រូវបានគេរកឃើញនៅម៉ោង ៨យប់ ម៉ោងនៅតៃវ៉ាន់។
ប្រធានាធិបតីតៃវ៉ាន់ អ្នកស្រី Tsai Ing-wen បាននិយាយថា “ពួកយើងសង្ឃឹមថា អ្នកគ្រប់គ្នានឹងត្រូវបានជួយសង្រ្គោះដោយសុវត្ថិភាពក្នុងពេលដ៏ខ្លី”។
មូលហេតុនៃការបាក់ស្ពាននោះមិនទាន់ត្រូវបានគេដឹងច្បាស់នៅឡើយទេ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC