ខេត្តស្វាយរៀង: មនុស្សប្រុសស្រី៣នាក់ បានរងរបួស ដោយសារអំពើហឹង្សាក្នុងគ្រួសារ ដែលហេតុការណ៍ខាងលើនេះ បានកើតឡើងកាលពីវេលម៉ោង២០យប់ ថ្ងៃទី២ ខែតុលា ឆ្នាំ២០១៩ នៅចំណុចភូមិរមាំងទ្រេត ឃុំសំបួរ ស្រុករមាសហែក បង្កឡើងដោយឈ្មោះមុត កេត ភេទប្រុស អាយុ២៥ឆ្នាំ រស់នៅភូមិម្រាមខាងជើង ឃុំម្រាម ស្រុករមាសហែក ខេត្តស្វាយរៀង។
សមត្ថកិច្ចបានឱ្យដឹងថា នៅវេលាកើតហេតុខាងលើ ជនសង្ស័យបានយកព្រនង់ឈើ វាយទៅលើឈ្មោះអ៊ុក ស៊ាន ភេទស្រី អាយុ៥៨ឆ្នាំ ត្រូវជាម្តាយ រស់នៅភូមិរមាំងទ្រេត ឃុំសំបួរ ដែលកំពុងដេកលើផ្ទះ។
ប្រភពដដែលបានបន្តទៀតថា ខណៈពេលនោះក៏មាន សមាជិកគ្រួសារដែលកំពុងស្នាក់នៅជុំគ្នា ទី១-ឈ្មោះយា សុឃី ភេទប្រុស អាយុ១៩ឆ្នាំ ទី២-ឈ្មោះមុត ស៊ឹប ភេទស្រី អាយុ២៩ឆ្នាំ ទី៣-ឈ្មោះមុត សំភាស់ ភេទស្រី អាយុ១៨ឆ្នាំ រស់នៅជាមួយគ្នា បានឃាត់កុំឲ្យវាយម្តាយតែត្រូវជនសង្ស័យ (ឈ្មោះមុត កេត) បានវាយបណ្តាលឲ្យរងរបួសជាទម្ងន់ ទី១- ឈ្មោះយា សុឃី របួសក្បាល និងឆ្អឹងជំនីរទាំងសងខាង ទី២ -ឈ្មោះមុត ស៊ិប របួសគុម្ពត្រចៀកស្តាំ ទី៣ -ឈ្មោះមុត សំភាស់ របួសដៃទាំងសងខាង និងជើងទាំងសងខាង។
បច្ចុប្បន្នជនរងគ្រោះទាំងបីនាក់ បញ្ជូនមកសម្រាកព្យាបាលនៅមន្ទីរពេទ្យបង្អែកស្រុករមាសហែក។ ឯជនសង្ស័យ ត្រូវបានឃាត់ខ្លួនកសាងសំណុំរឿងតាម នីតិវិធី។ មូលហេតុ គឺខឹងនិងម្តាយសុំប្រាក់មិនបាន៕ដោយ៖ វ៉ៃកូ
