ខេត្តស្ទឹងត្រែង៖ ជនសង្ស័យជនជាតិឡាវម្នាក់ ត្រូវចាប់ខ្លួនបន្ទាប់ពីនាំយកគ្រឿងញៀន ៣កញ្ចប់ធំ ពីប្រទេសឡាវចូលមកកម្ពុជា។
នគរបាលព្រំដែនអន្តរជាតិត្រពាំងគ្រៀលបានឱ្យដឹងថា ប្រតិបត្តិការបង្រ្កាបលើករណីគ្រឿងញៀន កាលពីវេលាម៉ោង៧និង៣០នាទីយប់ ថ្ងៃទី២ ខែតុលា ឆ្នាំ២០១៩ នៅចំណុចប៉ុស្តិ៍ព្រំដែនចាស់ ចំងាយ៤គីឡូម៉ែត្រនៃច្រកអន្តរ ជាតិត្រពាំងគ្រៀល កម្ពុជា ឡាវ ភូមិអូរស្វាយ ឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង ដោយមានកម្លាំងសហការរវាង តម្រួតឡាវ និងកម្លាំងនគរបាលព្រំដែន (BLO) ។
ជនសង្ស័យជនជាតិឡាវ មានឈ្មោះ សា វី ភេទប្រុស អាយុ៣៥ឆ្នាំ ជនជាតិឡាវ ជាកសិករ រស់នៅភូមិឡាក់ សៅ ស្រុក ខាំ កឺប ខេត្តបូលី ខាំសៃ ប្រទេសឡាវ។
ជនសង្ស័យរួមនិងវត្ថុតាង បានបញ្ជូនមកស្នងការនគរបាលខេត្ត ដើម្បីសាកសួរបន្ត និងកសាងសំណុំរឿងបញ្ជូនទៅតុលាការ៕ ដោយ៖កូឡាប
