ឆ្នាំជូត
រាសីខ្ពស់ត្រដែត។ នៅថ្ងៃនេះផ្តល់ផលល្អសម្រាប់លោកអ្នកប្រកបកិច្ចការងារសំខាន់ពីព្រោះថាងាយជួបសេចក្តីសម្រេចផង។ក្រៅពីនេះទាំងបញ្ហាប្រាក់កាសរឿងការងារនិងរឿងផ្ទាល់ខ្លួនក៏បានប្រែមកធូរស្បើយជាងមុនដែរ។អ្នកប្រកបរបររកស៊ីជួញដូរការជួញទីជិតឆ្ងាយជួបបញ្ហាប្រទាំងប្រទើសជាមួយក្រុមមនុស្សច្រើនបន្តិចជាពិសេសឱ្យប្រយ័ត្នអ្នកមានមុខរបរដូចគ្នាបង្កជាជម្លោះណាមួយកើតឡើង។
រីឯមនោសញ្ចេតនាបញ្ហាគូស្នេហាប្រុសស្រីមានការប្រឆាំងគ្នា ហើយឱ្យប្រយ័ត្នជម្លោះវិវាទឈានដល់ការមិនមាត់ករកគ្នាច្រើនថ្ងៃ៕
ឆ្នាំឆ្លូវ
រាសីខ្ពស់ត្រដែត។ នៅថ្ងៃនេះដោយសារដួងរាសីឡើងខ្ពស់ ហេតុនេះផ្តល់ផលល្អសម្រាប់លោកអ្នកសម្រេចចិត្តរឿងសំខាន់អ្វីមួយពីព្រោះថាផលតែងឆ្លើយតបមកវិញគ្រាន់ជាទីកក់ក្តៅ។សម្រាប់អ្នកប្រកបរបររកស៊ីជួញដូរនៅថ្ងៃនេះលោកអ្នកពុំគប្បីមានអំនួតក្អេងក្អាងឱ្យសោះព្រោះទ្រព្យដែលបម្រុងរត់ចូលបែរជាអាចរត់ចេញទៅវិញទៀតផង។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
រីឯមនោសញ្ចេតនាបញ្ហាសេចក្តីស្នេហាកំលោះក្រមុំមានការចម្រើនលូតលាស់និងផ្អែមល្ហែមប្រពៃ៕
ឆ្នាំខាល
រាសីល្អជាមធ្យម។ នៅថ្ងៃនេះដួងរាសីមិនគាប់ប្រសើរទេដោយមានគ្រោះយាយីច្រើន ដូចនេះគប្បីមានការប្រយ័ត្នប្រយែងគ្រប់រឿងទើបគ្មានបញ្ហាចូលមកលុកលុយក្នុងដំណើរជីវិតទៅរួច។ការរស់នៅ ឱ្យប្រយ័ត្នបញ្ហារឿងការងារបញ្ហាប្រាក់កាស និងបញ្ហាប្តីប្រពន្ធពីព្រោះមានរឿងមិនឱ្យសប្បាយចិត្តច្រើនលុកលុយយាយី។អ្នកប្រកបរបររកស៊ីជួញដូរពេលនេះវិញជួបបញ្ហាការរកប្រាក់ចំណូលហើយប្រាក់បង្វិលដើមទុនទៀតសោតមានការខ្វះមុខខ្វះក្រោយច្រើន។
រីឯមនោសញ្ចេតនាបញ្ហាស្នេហាប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំថោះ
រាសីស្រុតចុះ។ នៅថ្ងៃនេះឱ្យលោកអ្នកប្រយ័ត្នប្រយែងបញ្ហាឯកសារពីព្រោះថាងាយកើតការជ្រុះបាត់ឬទទួលរងការបាត់បង់ដោយប្រការណាមួយណាស់។សម្រាប់អ្នកប្រកបរបររកស៊ីជួញដូរក្នុងថ្ងៃនេះដែរទោះជួញទីជិតឆ្ងាយមិនសូវកាក់កបដូចសេចក្តីប្រាថ្នាទេឬអាចនិយាយបានថាគ្រាន់មួយទប់ទល់ ។ដំណើរចាកចេញក្រៅផ្ទះលោកអ្នកអាចជួបរឿងទាំងល្អទាំងអាក្រក់ ដូច្នេះគួរប្រយ័ត្នប្រយែងឱ្យបានខ្លាំងក្លាពុំនោះទេផលវិបាកពិតជាកើតឡើងចៀសពុំរួចឡើយ។
រីឯមនោសញ្ចេតនាបញ្ហាសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីមានដំណើរថយក្រោយនិងប្រទាំងប្រទើសគ្នាច្រើន៕
ឆ្នាំរោង
រាសីខ្ពស់ត្រដែត។ ក្នុងថ្ងៃនេះដោយសារដួងរាសីឡើងខ្ពស់ ដូចនេះបើទោះបីធ្វើអ្វីក៏ដោយតែងមានភាពងាយស្រួលនិងមានជោគជ័យដែរ។សម្រាប់លោកអ្នកដែលចង់ប្រកបជំនួញអ្វីមួយពេលនេះអាចចាប់ផ្តើមបានហើយ ពីព្រោះថានឹងឆ្លើយតបផលល្អៗនាថ្ងៃខាងមុខនេះវិញ។ក្នុងពេលនេះដែរសម្រាប់បុរសចូរប្រយ័ត្នបញ្ហាសុខភាពបន្តិចពីព្រោះថាងាយទទួលរងការឈឺថ្កាត់ណាស់ផង។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
រីឯមនោសញ្ចេតនាបញ្ហាសេចក្តីស្នេហាប្រុសស្រីមានភាពស្រស់ស្រាយនិងផ្អែមល្ហែមគួរសម៕
ឆ្នាំម្សាញ់
រាសីល្អជាមធ្យម។ នៅថ្ងៃនេះដួងរាសីមិនគាប់ប្រសើរទេដោយមានគ្រោះយាយីច្រើនដូចនេះគប្បីមានការប្រយ័ត្នប្រយែងគ្រប់រឿងទើបគ្មានបញ្ហាចូលមកលុកលុយក្នុងដំណើរជីវិតទៅរួច។ការរស់នៅ ឱ្យប្រយ័ត្នបញ្ហារឿងការងារបញ្ហាប្រាក់កាស និងបញ្ហាប្តីប្រពន្ធពីព្រោះមានរឿងមិនឱ្យសប្បាយចិត្តច្រើនលុកលុយយាយី។អ្នកប្រកបរបររកស៊ីជួញដូរពេលនេះវិញជួបបញ្ហាការរកប្រាក់ចំណូលហើយប្រាក់បង្វិលដើមទុនទៀតសោតមានការខ្វះមុខខ្វះក្រោយច្រើន។
រីឯមនោសញ្ចេតនាបញ្ហាស្នេហាប្រុសស្រីមានការប្រែប្រួលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំមមី
រាសីស្រុតចុះ។ នៅថ្ងៃនេះមានការរីកចម្រើនយឺត ហើយងាយរាំងស្ទះផងគប្បីប្រយ័ត្នប្រយែងទើបប្រសើរ។អ្នកប្រកបរបររកស៊ីជួញដូរក្នុងថ្ងៃនេះលោកអ្នកឱ្យប្រយ័ត្នជនខិលខូចតាមលួចបន្លំឬបង្ករឿងដោយប្រការណាមួយ។ការធ្វើដំណើរទីជិតឆ្ងាយជួបភាពប្រទាំងប្រទើសបន្តិចចូរប្រយ័ត្នក្រុមមនុស្សបៀតបៀនយាយីដោយប្រការណាមួយ។
រីឯមនោសញ្ចេតនាសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីជួបការខ្វាយខ្វល់ព្រោះតែភាពរកាំរកូសកើតមានច្រើន៕
ឆ្នាំមមែ
រាសីខ្ពស់ត្រដែត។ នៅថ្ងៃនេះដួងរាសីរះខ្ពស់ពីទិសខាងកើតភ្លឺយ៉ាងចិញ្ចាចចិញ្ចែង ម្ល៉ោះហើយដំណើរជីវិតមានជោគជ័យគ្រាន់កក់ក្តៅ។ការរស់នៅទោះលោកអ្នកទៅកាន់ទីណាមានតែក្រុមមនុស្សស្វាគមន៍រាក់ទាក់និងអាណិតស្រឡាញ់ជានិច្ច។អ្នកប្រកបរបររកស៊ីជួញដូរមានការទិញចូលលក់ចេញគ្រាន់រស់រវើកបន្តិចវិញ ហើយបើលោកអ្នកចង់បើករបរអ្វីមួយតែងសមដូចប្រកបជានិច្ច។ការធ្វើដំណើរទីជិតឆ្ងាយមិនថាផ្លូវគោកផ្លូវទឹកឬផ្លូវអាកាសក្តីតែងជួបសេចក្តីសុខក្សេមក្សាន្តដូចសព្វមួយដង ។
រីឯមនោសញ្ចេតនាបញ្ហាគូស្នេហ៍មិនថាកំលោះក្រមុំឬពោះម៉ាយមេម៉ាយក្តីមានភាពផ្អែមល្ហែមនិងស្រស់ស្រាយប្រពៃ៕
ឆ្នាំវក
រាសីខ្ពស់ត្រដែត។ នៅថ្ងៃនេះលោកអ្នកធ្វើអ្វីតែងភ្លឺថ្លានិងមានជោគមានជ័យត្រឡប់មកវិញផង។ចំពោះបើជាអ្នកប្រកបរបររកស៊ីជួញដូរវិញទោះជួញទីជិតឆ្ងាយតែងសមដូចប្រកបដោយអាចប្រមូលភោគផលចូលផ្ទះវិញគ្រាន់ស្រួលចិត្ត។ការធ្វើដំណើរឆ្ងាយជិតមានតែក្រុមមនុស្សអាណិតស្រឡាញ់និងជួយជ្រោមជ្រែង។
រីឯមនោសញ្ចេតនាបញ្ហាសេចក្តីស្នេហាកំលោះក្រមុំមានភាពស្រស់ស្រាយនិងកំពុងបើកទំព័រថ្មីសម្រាប់អ្នកហើយ៕
ឆ្នាំរកា
រាសីស្រុតចុះ។ នៅថ្ងៃនេះកិច្ចការងារងាយទទួលរងផលបាត់បង់ណាស់គប្បីមានការប្រយ័ត្នប្រយែងបន្តិចទើបប្រសើរ។ការរស់នៅក្នុងផ្ទះសម្បែងក៏ដូច្នេះដែរគឺងាយទទួលរងប៉ះទង្គិចផង ដូចនេះត្រូវចេះអត់ឱនឱ្យគ្នាទើបគ្មានបញ្ហាចោទឡើង។អ្នកប្រកបរបររកស៊ីជួញដូរទាំងការជួញទីជិតឆ្ងាយជួបការលំបាកក្នុងការរកផលចំណូល ហើយថែមទាំងមានការរំលោភបំពានពីអ្នកមានមុខរបរដូចគ្នាទៀតផង។ការធ្វើដំណើរទីជិតឆ្ងាយចូរប្រយ័ត្នពេលយប់ព្រលប់ក្រុមមនុស្សបៀតបៀនយាយីដោយប្រការណាមួយ។
រីឯមនោសញ្ចេតនាបញ្ហាសេចក្តីស្នេហាប្រុសស្រីងាយទាំងឆាប់ប្រកែប្រកាន់និងតានតឹងសម្តីដាក់គ្នា៕
ឆ្នាំច
រាសីល្អជាមធ្យម។ នៅថ្ងៃនេះទោះបីលោកអ្នកចង់ធ្វើអ្វីមួយក៏ដោយតែងជួបលើកំណាត់ផ្លូវតានតឹងដោយមានសភាពពិបាករុលទៅមុខព្រោះជួបតែភាពប្រទាំងប្រទើសហើយក្រុមមនុស្សនៅជុំវិញខ្លួនទៀតសោតចាំតែឈ្នានីសនិងមើលបំណាំងទៀតផង។សម្រាប់លោកអ្នកដែលប្រកបរបររកស៊ីជួញដូរការរកផលចំណេញជួបភាពតានតឹងណាស់ដែរដូច្នេះហើយកុំគប្បីរកបានដោយតឹងហើយប្រឹងចាយវាយដៃធំឱ្យសោះប្រយ័ត្នជួបវិបត្តិថវិកានៅគ្រាខាងមុខ។
រីឯមនោសញ្ចេតនាបញ្ហាសម្ព័ន្ធស្នេហាកំលោះក្រមុំមានភាពផុយស្រួយជម្លោះវិវាទហើយក៏ងាយកើតការបែកបាក់ដែរ៕
ឆ្នាំកុរ
រាសីល្អជាមធ្យម។ ក្នុងថ្ងៃនេះការបំពេញការងារលោកអ្នកមិនគប្បីជឿសម្តីអ្នកក្រៅពេកឡើយត្រូវចេះពិនិត្យសភាពការណ៍ឱ្យបានល្អពីព្រោះនាំគេបោកប្រាស់ដោយប្រការណាមួយ។សម្រាប់លោកអ្នកប្រកបរបររកស៊ីជួញដូរចូរប្រយ័ត្នក្រុមមនុស្សបាបមិត្តបង្កជម្លោះណាមួយនាំពិបាកក្នុងការដោះស្រាយ។ ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
រីឯមនោសញ្ចេតនាបញ្ហាស្នេហាប្រុសស្រីមានដំណើរថយក្រោយនិងពាក់មុខយក្សដាក់គ្នាច្រើន៕