សៀមរាប ៖ នៅឆ្នាំនេះជាមោនទភាពរបស់កម្ពុជា តាមលំដាប់តួរអក្សរ បានទទួលធ្វើជាម្ចាស់ផ្ទះ រៀបចំកិច្ចប្រជុំលើកទី១៥ រដ្ឋមន្ត្រីបរិស្ថានអាស៊ាន ចាប់ពីថ្ងៃទី៧ ដល់ថ្ងៃទី១១ ខែតុលាឆ្នាំ២០១៩ នៅខេត្តសៀមរាប។កិច្ចប្រជុំនេះ មានគោលបំណងជជែកពិភ្សាគ្នានិងផ្លាស់ប្តូរបទពិសោធន៍លើបញ្ហាបរិស្ថាន ក្នុងចំណោមបណ្ណាប្រទេសអាស៊ាន និងប្រទេសអាស៊ានបូក3 ចិន ជប៉ុននិងកូរ៉េ។
គិតមកដល់ពេលនេះអនុគណៈកម្មការទាំង៥ ចំណុះអោយគណៈកម្មការអន្តរក្រសួង ក្នុងនោះគឺអនុគណៈកម្មការខ្លឹមសារ និងឯកសារ អនុគណៈកម្មការឡូជីស្ទិក ពិធីការ និងបដិសណ្ឋារកិច្ច អនុគណៈកម្មការសន្តិសុខ សណ្តាប់ធ្នាប់ និងសង្គ្រោះបឋម អនុគណៈកម្មការព័ត៍មាននិងផ្សព្វផ្សាយ និង អនុគណៈកម្មការផ្គត់ផ្គង់ និងថវិកា រួមហ្នឹងលេខាធិការដ្ឋានសម្រាប់សម្របសម្រួលកិច្ចប្រជុំនេះ បានត្រៀមលក្ខណៈរួចជាសម្រេច ត្រៀមស្វាគមន៍កិច្ចប្រជុំលើកទី១៥ រដ្ឋមន្ត្រីបរិស្ថានអាស៊ាន ដែលនឹង ប្រារព្ធពិធីបើកជាផ្លូវការ នៅថ្ងៃទី៨ ខែតុលា ឆ្នាំ២០១៩ ក្រោមអធិបតីភាពដ៍ខ្ពង់ខ្ពស់ របស់ឯកឧត្តមបណ្ឌិតសភាចារ្យ អូន ពន្ធ័មុនីរត្ន័ ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និង ហិរញ្ញវត្ថុ តំណាងដ៍ខ្ពង់ខ្ពស់របស់សម្តេចអគ្គមហាសេនាបតី តេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា។
នៅក្នុងកិច្ចប្រជុំលើកទី១៥ រដ្ឋមន្ត្រីបរិស្ថានASEAN នៅឆ្នាំនេះនឹងពិនិត្យពិភាក្សា លើកិច្ចការសំខាន់ៗមួយចំនួនដែលពាក់ព័ន្ធនឹងការបំពុលផ្សែងអព្ទ័ឆ្លងដែន និរន្តរភាព បរិស្ថានទីក្រុង ការអភិរក្សជីវចម្រុះ ការប្រែប្រួលអាកាសធាតុ បរិស្ថានតំបន់ឆ្នេរសមុទ្រ ការគ្រប់គ្រងធនធានទឹក ការគ្រប់គ្រងសារធាតុគីមី និង សំណល់គ្រោះថ្នាក់ និង ឯកសារសំខាន់ៗមួយចំនួនទៀតដែលនិងត្រូវអនុមត័ក្នុងកិច្ចប្រជុំនេះ។គួរបញ្ជាក់ថា កិច្ចប្រជុំរដ្ឋមន្ត្រីបរិស្ថានអាស៊ាន តែងប្រារព្ធធ្វើឡើងរៀងរាល់២ឆ្នាំម្តងក្នុងគោលបំណង ជជែកពិភាក្សាអំពីកិច្ចសហប្រត្តិការបរិស្ថាននៅក្នុងតំបន់។កិច្ចប្រជុំនេះមាន គោលបំណងជជែកពិភាក្សា អំពីកិច្ចសហប្រតិបត្តិការបរិស្ថាននៅក្នុងតំបន់។ កាលពីកិច្ចប្រជុំលើកទី១៤ រដ្ឋមន្ត្រីបរិស្ថានអាស៊ាន និងកិច្ចប្រជុំពាក់ព័ន្ធ រួមទាំងកិច្ចប្រជុំជាមួយបណ្តាប្រទេសជាដៃគូរសន្ទនា ត្រូវបានប្រារព្ធធ្វើឡើងនៅប្រទេសប្រ៊ុយណេកាលពីខែកញ្ញា ឆ្នាំ២០១៧ កន្លងទៅនេះ៕ ដោយ ៖ កូឡាប
