សហរដ្ឋអាមេរិចបានបដិសេធថា កិច្ចចរចានុយក្លេអ៊ែរជាមួយនឹងកូរ៉េខាងជើង កាលពីថ្ងៃសៅរិ៍ម្សិលមិញនេះ បានបញ្ចប់ទៅដោយការបរាជ័យ។ អាមេរិចថា កិច្ចចរចាប្រព្រឹត្តទៅយ៉ាងល្អ។
កូរ៉េខាងជើងបាននិយាយកាលពីខាងដើមថា កិច្ចចរចានោះមិនដំណើរការឡើយ ពីព្រោះអាមេរិចមិនបាននាំយកអ្វីឡើយមកកាន់តុចរចា។
មន្រ្តីមកពីប្រទេសទាំងពីរ បានជួបគ្នានៅក្នុងប្រទេសស៊ុយអ៊ែត កាលពីថ្ងៃសៅរិ៍ម្សិលមិញនេះ ដោយក្តីរំពឹងថានឹងបំបែកភាពទាល់ច្រកបាន។
កិច្ចចរចរឡើងវិញ កើតឡើងតែប៉ុន្មានថ្ងៃប៉ុណ្ណោះ ក្រោយពេលកូរ៉េខាងជើងបានធ្វើការបាញ់សាកល្បងមីស៊ីលប្រភេទថ្មី។ កិច្ចចរចារនោះគឺជាកិច្ចចរចាកម្រិតការងារផ្លូវការដំបូង ចាប់តាំងពីប្រធានាធិបតី ដូណាល់ ត្រាំ និងមេដឹកនាំកូរ៉េខាងជើង គីម ជុងអ៊ុនបានជួបគ្នានៅតំបន់គ្មានកងទ័ពកន្លងទៅ។
កាលពីថ្ងៃសៅរិ៍ ពេលល្ងាច បេសកជននុយក្លេអ៊ែរជាន់ខ្ពស់របស់កូរ៉េខាងជើង លោក Kim Myong Gil បានថ្លែងទៅកាន់អ្នកសារព័ត៌មានថា កិច្ចចរចាមិនបានបំពេញក្តីរំពឹងរបស់ពួកយើងនោះទេ ហើយចុងបញ្ចប់វាបរាជ័យ។
ទោះយ៉ាងណា ខាងភាគីអាមេរិចបានបញ្ជាក់ក្នុងសេចក្តីថ្លែងការណ៍ថា “អាមេរិចបាននាំយកគំនិតដ៏ល្អ និងមានការពិភាក្សាយ៉ាងល្អជាមួយនឹងមន្រ្តីកូរ៉េខាងជើង”៕
អត្ថបទប្រែសម្រួលដោយ់៖ សុភ័ក្រ
ប្រភព៖ BBC
