ខេត្តស្វាយរៀង ៖ យុវជនម្នាក់បានរងរបួសធ្ងន់ដោយសារតែផាស់អាប់បុក(ម៉ូតូកង់បីឥណ្ឌា)បណ្តាលអោយដួលអូសនិងថ្នល់តែសំណាងល្អហើយរថយន្តមកពីក្រោយជាន់ហ្វ្រាំងគេចផុតកុំអីមិនដឹងថាទៅជាយ៉ាងណានោះទេ។
ករណីគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១៥និង១០នាទីរសៀលថ្ងៃទី៧ខែតុលាឆ្នាំ២០១៩នេះនៅលើផ្លូវជាតិលេខ១ស្ថិតក្នុងភូមិ ក្បាលថ្នល់ ឃុំ កណ្តៀងរាយ ស្រុក ស្វាយទាប ខេត្តស្វាយរៀង។
បើតាមសម្តីរបស់ជនរងរគ្រោះបានអោយដឹងថា៖ រូបគេមានឈ្មោះ ពូគ វណ្ណៈ អាយុ ១៨ឆ្នាំមានទីលំនៅភូមិ បែកចាន ឃុំ អង្គប្រស្រែ ស្រុក រមាសហែក ខេត្តស្វាយរៀងជិះម៉ូតូម៉ាកសេ១២៥ឆ្នាំ២០១៧ពណ៌ខ្មៅពាក់ស្លាកលេខ1C3658ពីផ្ទះរបស់ខ្លួនទៅការនៅក្រុងបាវិតធ្វើដំណើរពីទិសខាងលិចទៅកើត។
ជនរងគ្រោះខាងលើបានបន្តទៀតថា៖លុះមកដល់ចំណុចខាងលើស្រាប់តែមានផាស់អាប់(ម៉ូតូកង់បីឥណ្ឌា)ធ្វើដំណើរបញ្ច្រាស់ទិសគ្នាបានបុកបណ្តាលអោយដួលអូសរងរបួសធ្ងន់រលាត់ដៃជើងសន្លប់ក្រោយពីបង្កហេតុរួសហើយនោះផាស់អាប់ក៏បានបើកបន្ថែមល្បឿនរត់គេចខ្លួនបាត់ស្រម៉ោលចំណែកខ្លួនក៏ត្រូវបានអ្នកដំណើរជួយលើកដាក់អែបចិញ្ចើមថ្នល់និងហៅរថយន្តសង្គ្រោះនៅមន្ទីរពេទ្យ។
ក្រោយពីកើតហេតុគេឃើញមានសមត្ថកិច្ចចុះមកសម្រួលចរាចរណ៍មកម៉ូតូយកទៅរក្សាទុករងចាំសាច់ញាតិមកទទួលយកវិញ៕ ដោយ ៖ វ៉ៃកូ