ភ្នំពេញ៖ ជាថ្មីម្ដងទៀត លោក សុខ លីម អនុប្រធានគណបក្សខ្មែរក្រោក និងជាសមាជិកឧត្តមក្រុមប្រឹក្សា ពិគ្រោះនិងផ្ដល់យោបល់ បានផ្ញើសារជូនចំពោះ លោក បង ឬ ពូ ឈាង វុន ដែលជាមតិស្ថាបនា ឬពិចារណា គួរពុំគួរមេត្តា អធ្យាស្រ័យ។
ក្នុងភាសារចិនមានពាក្យមួយ “越描越黑” មានន័យថាកាន់តែផាត់កាន់តែខ្មៅ។
តំណាងរាស្រ្តក្នុងប្រទេសមួយដាច់ខាតត្រូវស្គាល់ពី វប្បធម៌ ប្រពៃណី ស្គាល់ពីចំណេះដឹង ជីវភាព តម្រូវការ ចំណងចំណូលចិត្ត ទំនោរ និន្នាការរបស់រាស្រ្តយ៉ាងច្បាស់ពិតប្រាកដ ទើបអាចមកធ្វើតំណាងរាស្រ្ត។
សុភាសិតចិនមួយផ្សេងទៀតនិយាយថា៖ ”得民心者 ,得天下” បានចិត្តរាស្រ្ត គឺបាននគរមួយទាំងមូល។
ក្នុងរឿងចិនសម័យបុរាណស្តេចចង់ឲ្យមន្ត្រីស្លាប់ មន្ត្រីត្រូវតែស្លាប់ បើប្រកែកមិនទទួលស្លាប់ គឺមន្រ្តីនោះមិនស្មោះ បូកថែមឈ្មោះក្បត់រាជការ ក្បត់ស្តេច។
នៅក្បែរស្តេច ត្រូវស្គាល់ចិត្តស្តេច ទើបរស់បានយូរនៅក្នុងប្រទេសលទ្ធិប្រជាធិបតេយ្យ រាស្រ្តគឺជាចៅហ្វានាយ ជាស្តេចរបស់យើង
មានមាត្រាពីរសម្រាប់តំណាងរាស្រ្តអនុវត្តន៍ជាប្រចាំ១ រាស្រ្តមិនដែលខុស ២ មុននិយាយរាស្រ្តខុស សូមមើលមាត្រា១។
មិនមែនធ្វើដូចលោកបងនោះបង្កើតបក្ស ចេញធ្វើនយោបាយ ដើរជេរបញ្ចោររាស្រ្តល្ងង់ រាស្រ្តឆ្កួត រាស្ត្រឡប់ រាល់ថ្ងៃ ហើយស្រែកក្តែងៗ មិនបោះឆ្នោតឲ្យអញអត់ទៅ អញមិនត្រូវការសន្លឹកឆ្នោះពីរាស្រ្តខ្មែរទេ នេះហៅធ្វើអត្តឃាតជីវិតនយោបាយខ្លួនឯងហើយ៕ ដោយ៖បញ្ញាស័ក្តិ