សហរដ្ឋអាមេរិចបានដាក់បញ្ចូលអង្គការរបស់ចិនចំនួន ២៨ក្នុងបញ្ជីខ្មៅ ដោយសារតែការពាក់ព័ន្ធរបស់អង្គការទាំងនោះ លើការរំលោភបំពានលើជនជាតិដើមភាគតិចអ៊ុយហហ្គ័រ នៅក្នុងខេត្ត Xinjiang ប្រទេសចិន។
ស្ថាប័នចិនដែលស្ថិតក្នុងបញ្ជីខ្មៅអាមេរិច ត្រូវបានហាមប្រាមមិនឲ្យទិញផលិតផល ពីក្រុមហ៊ុនអាមេរិច ដោយគ្មានការអនុញ្ញាត ពីទីក្រុងវ៉ាស៊ីនតោនឡើយ។
ក្នុងចំណោមស្ថាប័នដែលស្ថិតក្នុងបញ្ជីខ្មៅ មានក្រុមហ៊ុនមួយដែលជាអ្នកផលិតឧបករណ៍ស៊ើបការណ៍ធំបំផុត ក្នុងពិភពលោក។
ចិនមិនទាន់បានធ្វើអត្ថាធិប្បាយអ្វីនោះទេ ជុំវិញការសម្រេចចិត្តរបស់អាមេរិចនេះ។
ក្រសួងពាណិជ្ជកម្មអាមេរិចដែលធ្វើកិច្ចការនោះ បាននិយាយថា អង្គការចិនទាំងនោះជាប់ពាក់ព័ន្ធទៅនឹងការរំលោភសិទ្ធិមនុស្ស។
ក្រុមអង្គការសិទ្ធិមនុស្សបាននិយាយថា ទីក្រុងប៉េកាំងបានធ្វើទុក្ខបុកម្នេញខ្លាំង លើជនជាតិអ៊ុយហ្គ័រកាន់សាសនាអ៊ីស្លាម នៅក្នុងជំរុំ។
ប៉ុន្តែចិនបានហៅជំរុំឃុំខ្លួនទាំងនោះថា ជាមជ្ឈមណ្ឌលហ្វឹកហាត់វិជ្ជាជីវៈ ដើម្បីទប់ស្កាត់កុំឲ្យមានចលនាប៉ះបោរ៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
