ខេត្តស្វាយរៀង៖ មន្ត្រីសុខាភិបាលខេត្តស្វាយរៀងនៅព្រឹកថ្ងៃទី៨ខែតុលាឆ្នាំ២០១៩បានចុះពិនិត្យស្ថានភាពជាក់ស្តែងអ្នកជំង្ងឺដែលពុលអាហារនៅKTVថៅកែជាជនជាតិចិនយីហោ(ហ្វាងថាងល៊ាំងហ្វាន់ស័រ)នៅក្នុងបរិវេណកាសុីណូ lasvigas sun នៅក្រុងបាវិតនិងបន្តទៅពិនិត្យKTVដែលពុលអាហារខាងលើ តែបេសកម្មនេះបរាជ័យដោយអាជ្ញាធរក្រុងបាវិតមិនសហការនិងឆ្លើយបន្តាក់គ្នាដូចខ្យងចំណែកខាងKTVវិញថាមិនទាន់ដល់ម៉ោងចូលធ្វើការហើយក៏គ្មានអ្នកបកប្រែផងដែរ។
ប្រភពព័ត៍មានពីក្រុមគ្រូពេទ្យដែលមកពិនិត្យអំពីករណីពុលអាហារនៅKTV យីហោ ហ្វាងថាងល៊ាំងហ្វាន់ស័រនេះបានថ្លែងឲ្យដឹងថាដោយមានការណែនាំពីលោកប្រធានមន្ទីរសុខាភិបាលខេត្តស្វាយរៀងឲ្យចុះមកពិនិត្យរកមូលហេតុដែលនាំឲ្យពុលអាហារនៅKTVយីហោខាងលើនៅក្រុងបាវិតនេះ ដោយមន្ត្រីបានសហការទៅអាជ្ញាធរនិងសមត្ថកិច្ចក្រុងបាវិតតែមិនបានទទួលលទ្ធផលនោះដោយគ្មានអ្នកចូលរួម ទើបមន្ត្រីបានដកថយទៅវិញរង់ចាំបទបញ្ជាពីថ្នាក់ដឹកនាំ។
ទោះបីយ៉ាងណាពលរដ្ឋនិងមជ្ឈដ្ឋានមួយចំនួនបានលើកឡើងថាអាជ្ញាធរនិងសមត្ថកិច្ចក្រុងបាវិតមិនសូវសហការជាមួយមន្ត្រីជំនាញនោះទេ រឺមួយអភិបាលក្រុងមួយនេះមិនទាន់ប្រកាសទើបមិនដឹងខាងណាមេកើយឲ្យពិតប្រាកដ តែអភិបាលក្រុងដែលមានលោកសេង សីលាដែលមិនទាន់ប្រកាសឡើងអភិបាលរងខេត្តគួរតែចាត់អភិបាលរងក្រុងណាម្នាក់ចុះសហការជាមួយមន្ត្រីជំនាញដើម្បីកុំឲ្យរាងស្ទះការងារ។
សូមបញ្ជាក់ថាកាលពីវេលាម៉ោង១និង៣០នាទីយប់ឈានចូលថ្ងៃទី៧ខែតុលាឆ្នាំ២០១៩នៅចំណុចខារ៉ាអូខេហ្វាងថាងល៊ាំងហ្វាន់ស័រស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀងមានករណីពុលមីបណ្តាលឲ្យមនុស្សប្រុសស្រីរួមជាមួយជនជាតិចិន២៤នាក់បានរងការក្អួត ចង្អោរ រាករុសត្រូវបានបញ្ជូនទៅសង្គ្រោះនៅក្លីនិកឯកជានមួយកន្លែងនៅក្រុងបាវិត៕ ដោយ ៖ វ៉ៃកូ