ភោជនីយដ្ឋានមួយរបស់ចិនបានល្បីល្បាញ១រំពេច ក្រោយពេលដែលប្រធានរដ្ឋចិន ស៊ី ជិនពៀន បានចូលបរិភោគអាហារ ជាមួយនឹងមុខម្ហូបដែលមេដឹកនាំចិនរូបនេះ ចង់បញ្ជូនសារព្រមានដល់ពួកពុករលួយ។
ប្រធានរដ្ឋចិនចូលហាង Qingfeng ឆ្នាំ ២០១៣
ក្រោយពីឈរតម្រៀបជួរ ដូចអ្នកដទៃ លោកបានហៅអាហារ១ចំនួន៖ សម្រាប់ពេលថ្ងៃត្រង់ មានតម្លៃ ២១យាន់ (ប្រមាណ ៣,២ដុល្លារ) តែវាបានបង្កប់នូវសាព្រមាន តាមរយៈអត្ថន័យនៃមុខម្ហូបទាំងនេះ។ ឈុតអាហារនេះក៏ត្រូវបានគេនាំគ្នាហៅថា “Combo ប្រធាន” ហើយសំណូមពរ ឲ្យភោជនីយដ្ឋាននេះ ដាក់អាហារនេះជាឈុតក្នុងតារាងមុខម្ហូប។
តាមអត្ថន័យរបស់ចិននោះ មុខម្ហូបថ្លើមជ្រូកដែលលោក ស៊ី បានបរិភោគមានន័យថា មន្ត្រីពុករលួយនឹងត្រូវដកហូតតំណែង ខណៈពេលដែលបន្លែបៃតងតាមពាក្យស្លោកចិន អាចស្រដៀងទៅនឹងន័យថា “ប្រុងប្រយ័ត្នជាមួយទ្រព្យសម្បត្តិ” -ចង់ផ្តោតលើទ្យព្យសម្បត្តិទុច្ចរិក។
…២ឆ្នាំក្រោយមក ភោជនីយដ្ឋាន Qingfeng តាមរយៈឈុតអាហារ “Cambo ប្រធាន” ដែលបង្កប់អត្ថន័យប្រឆាំងអំពើពុករលួយបានរីកលូតលាស់ បង្កើតជាសាខា ចំនួន ៣១៤ អាជីវកម្មងើបឡើង ៧០% ហើយនៅខែ ៨/២០១៧ Qingfeng មានវត្តមានជាលើកទី១ នៅ Almaty, ទីក្រុងធំបំផុតរបស់ប្រទេស កាហ្សាក់ស្ថាន (Kazakhstan)៕ ចន្ទ្រា
