ខេត្តព្រះសីហនុ ៖ ដោយមានសំណូមពរពី លោកនាយក លោកគ្រូ-អ្នកគ្រូ និងសិស្សានុសិស្សសាលាឡាយ ( Life ) កាលពីរសៀល ថ្ងៃទី៨ ខែតុលា ឆ្នាំ២០១៩ លោក អុី សុខឡេង អភិបាល នៃគណៈអភិបាលក្រុងព្រះសីហនុ បានដឹកនាំមន្ត្រីចុះទៅពិនិត្យតម្រាយផ្លូវ ឆ្លងកាត់មណ្ឌលវិប្បសនា វត្តលើ ឆ្ពោះទៅសាលាឡាយ (Life)។
នាឱកាសនោះ លោកនាយក លោកគ្រូ-អ្នកគ្រូ និងសិស្សានុសិស្សសាលាឡាយ (Life) បានសំណូមពរដល់លោកអភិបាលក្រុងព្រះសីហនុ ជួយសម្របសម្រួលជាមួយព្រះចៅអធិការ និងញណៈកម្មការអាចារ្យវត្តលើ ដើម្បីអាចឲ្យសាលា ធ្វើការស្ថាបនា ជាផ្លូវបេតុង លើតម្រាយផ្លូវដី ដែលមានស្រាប់ ឆ្លងកាត់មណ្ឌលវិប្បសនាវត្តលើ ឆ្ពោះទៅសាលាឡាយ (Life) ដើម្បីផ្តល់ភាពងាយស្រួលដល់ លោកគ្រូ-លោកគ្រូ និងសិស្សានុសិស្ស អាចធ្វើដំណើរចេញចូលទៅសាលា មានភាពងាតស្រួល។
បន្ទាប់ពីបានចុះពិនិត្យស្ថានភាពផ្លូវជាក់ស្តែង លោក អុី សុខឡេង បញ្ជាក់ថា ភូមិសាស្ត្រ និងតម្រាយផ្លូវដី ដែលមានស្រាប់ខាងលើនេះ រដ្ឋបាលក្រុង នឹងស្នើសុំបិណ្ឌបាត ពី ព្រះចៅអធិកាវត្តលើ ដើម្បីឈានទៅធ្វើការស្ថាបនាតម្រាយផ្លូវដីនេះ ជាផ្លូវបេតុង នៅថ្ងៃខាងមុខ៕ ដោយ៖ ដែន សីមា
