ភ្នំពេញ៖លោកអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈកម្មាធិការគ្រប់គ្រងបំណុលសាធារណៈ បានអញ្ជើញដឹកនាំកិច្ចប្រជុំដើម្បីពិនិត្យ និងពិភាក្សាលើសេចក្តីព្រាង «យុទ្ធសាស្ត្រស្តីពីការគ្រប់គ្រងបំណុលសាធារណៈ ២០១៩-២០២៣» ដោយមានការអញ្ជើញ ចូលរួមពីថ្នាក់ដឹកនាំនៃក្រសួង-ស្ថាប័នដែលជាសមាជិកនៃគណៈកម្មាធិការគ្រប់គ្រងបំណុលសាធារណៈ ព្រមទាំងថ្នាក់ដឹកនាំ និងមន្ត្រីជំនាញពាក់ព័ន្ធ នាព្រឹកថ្ងៃទី ០៩ ខែ តុលា ឆ្នាំ ២០១៩, នៅទីស្តីការក្រសួងសេដ្ឋកិច្ច និងហិរញ្ញវត្ថុ។
សេចក្តីព្រាង «យុទ្ធសាស្ត្រស្តីពីការគ្រប់គ្រង បំណុលសាធារណៈ ២០១៩ – ២០២៣ នេះ ត្រូវបានរៀបចំឡើង
អនុលោមតាមបរិការណ៍ជាក់ស្តែងរបស់កម្ពុជា និង ឧត្តមានុវត្តជាអន្តរជាតិ ដោយ + ១. ពិនិត្យលើវឌ្ឍនភាពនៃការអនុវត្តយុទ្ធសាស្ត្រស្តីពីការគ្រប់គ្រងបំណុលសាធារណៈ ២០១៥ – ២០១៨ ព្រមទាំង ២. វិភាគលើហានិភ័យ, បញ្ហាប្រឈម , និងកាលានុវត្តភាព នៃការគ្រប់គ្រងបំណុលសាធារណៈកម្ពុជា ហើយនឹង ដាក់ចេញនូវវិធានការជាយុទ្ធសាស្ត្រមួយចំនួន ដើម្បីឆ្លើយតបទៅនឹង បរិការណ៍ថ្មីនៃសេដ្ឋកិច្ចដែលកាន់តែរីកលូតលាស់ និង មានភាពស្និតស្មាញជាងមុនសំដៅរួមចំណែកក្នុងការបង្កើនល្បឿននៃការធ្វើពិពិធកម្មសេដ្ឋកិច្ច និងពង្រឹងសមត្ថភាពប្រកួតប្រជែង ដែលជាមូលដ្ឋានគ្រឹះក្នុងការរក្សាបាននូវកំណើនសេដ្ឋកិច្ចខ្ពស់ ប្រកបដោយចីរភាព និង បរិយាប័ន្ន ឆ្ពោះទៅសម្រេចបង្គោលចរឆ្នាំ២០៣០ និងចក្ខុវិស័យកម្ពុជាឆ្នាំ ២០៥០ ។ ជាមួយគ្នានេះ ដើម្បីធានាបាននូវភាពគ្រប់ជ្រុងជ្រោយ និងប្រទាក់ក្រឡាជាមួយគោលនយោបាយ និងយុទ្ធសាស្ត្រពាក់ព័ន្ធនានា, សេចក្តីព្រាង « យុទ្ធសាស្ត្រស្តីពីការគ្រប់គ្រងបំណុលសាធារណៈ២០១៩ – ២០២៣» នេះ ត្រូវបានដាក់ឆ្គង កិច្ចពិភាក្សាកម្រិតបច្ចេកទេសផ្ទៃក្នុង ក. ស.ហ.វ, ជាច្រើនលើកច្រើនសារដែលកិច្ចប្រជុំពិគ្រោះយោបល់ចុងក្រោយ កាលពីថ្ងៃទី 09 ខែ សីហា ឆ្នាំ ២០១៥ ក្រោមការដឹកនាំរបស់ឯកឧត្តមរដ្ឋលេខាធិការប្រចាំការ វង្សី វិស្សុត អនុប្រធានប្រចាំការ នៃគណៈកម្មាធិការគ្រប់គ្រង បំណុលសាធារណៈ មុននឹងយក មក ដាក់ឆ្លងកិច្ចប្រជុំតណៈកម្មាធិការគ្រប់គ្រង បំណុលសាធារណៈ នាពេលនេះ ។
ដើម្បីបន្តធានានូវប្រសិទ្ធភាព , ស័ក្ដិសិទ្ធិភាព , តម្លាភាព, តំណនេយ្យភាព , និង ចិរភាពនៃការគ្រប់គ្រងបំណុលសាធារណៈ ក្នុងរយៈពេលមធ្យម និងវែង, សម្រាប់ឆ្នាំ ២០១៥-២០២៣, រាជរដ្ឋាភិបាលនឹងប្រកាន់ខ្ជាប់នូវគោលការណ៍គន្លឹះទាំង ៥ រួមមាន៖ ១. ក្តីឥណទានក្នុងទំហំសមស្រប ដែលស្ថានភាពថវិកា និងសេដ្ឋកិច្ចអាចទ្រាំទ្របាន ;២. តែឥណទានដែលមានកម្រិតសម្បទាន ឬលក្ខខណ្ឌអនុគ្រោះខ្ពស់; ៣. ខ្ចីសម្រាប់តែវិស័យអាទិភាពទ្រទ្រង់ ចីរភាពនៃកំណើនសេដ្ឋកិច្ច និងវិស័យបង្កើនផលិតភាពសេដ្ឋកិច្ច ឬ ផលិតភាពផលិតកម្ម ៤
. ប្រើប្រាស់ឥណទានទាំងនោះ ប្រកបដោយតម្លាភាព , គណនេយ្យភាព , ប្រសិទ្ធភាព , និង ស័ក្តិសិទ្ធិភាពខ្ពស់ ៥
. ប្រើប្រាស់ឥណទាន សម្រាប់ហិរញ្ចប្បទានគម្រោងវិនិយោគ លើហេដ្ឋារចនាសម្ព័ន្ធសាធារណៈ ដែលត្រូវមានស្តងដារ និង គុណភាពខ្ពស់ ឆ្លើយតបទៅនឹងតម្រូវការនៃការអភិវឌ្ឍជាតិនៅក្នុង ដំណាក់កាលថ្មី ពិសេស ធានា បាននូវចីរភាពសេដ្ឋកិច្ច, សង្គម , បរិស្ថាន និងភាពធន់ទៅនឹងការប្រែប្រួលអាកាសធាតុ ។
អង្គប្រជុំបានវាយតម្លៃខ្ពស់អំពីសារសំខាន់នៃយុទ្ធសាស្ត្រ ស្តីពីការគ្រប់គ្រងបំណុលសាធារណៈ ២០១៩ -២០២៣» នេះ ហើយបានពិភាក្សា ស៊ីធំម្រៅលើខ្លឹមសារតាមជំពូកនីមួយៗ នៃសេចក្តីព្រាង យុទ្ធសាស្ត្រ សំដៅធានាបាន
នូវសង្គតិភាព និងភាពប្រឡាក់ក្រឡាជាមួយគោលនយោបាយ និងយុទ្ធសាស្ត្រពាក់ព័ន្ធផ្សេងទៀត ។
លោកអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី និង ជាប្រធានអង្គប្រជុំ ក៏បានថ្លែងអំណរគុណយ៉ាងជ្រាលជ្រៅ ចំពោះមតិយោបល់ល្អៗរបស់សមាជិក សមាជិកានៃអង្គប្រជុំ ព្រមទាំងបានវាយតម្លៃខ្ពស់ចំពោះកិច្ច ខិតខំប្រឹងប្រែង របស់ក្រុមការងារបច្ចេកទេស អគ្គនាយកដ្ឋានសហប្រតិបត្តិការអន្តរជាតិ និងគ្រប់គ្រងបំណុលនៃ
ក. ស.ហ.វ ដែលបានរៀបចំសេចក្តីព្រាង យុទ្ធសាស្ត្រដ៏មានសារសំខាន់នេះ ប្រកបដោយភាពគ្រប់ជ្រុងជ្រោយ ៕ដោយ៖កូឡាប