ភ្នំពេញ៖ រដ្ឋបាលខេត្តមណ្ឌលគិរី ចេញសេចក្តីប្រកាសព័ត៌មាន ឆ្លើយតបចំពោះការចុះផ្សាយរបស់បណ្តាញសារព័ត៌មាន CEN (Cambodia Express News) ដែលបានចុះផ្សាយកាលពីថ្ងៃទី០៧ ខែតុលា ឆ្នាំ២០១៩នេះថា លោក សុខសុវណ្ណវឌ្ឍនាសាប៊ុង(វិល្លាម) សមាជិកឧត្តមក្រុមប្រឹក្សាពិគ្រោះយោបល់ និងផ្តល់យោបល់ មកពីគណបក្សខ្មែរក្រោក បានរកឃើញកំហុសរបស់ចៅហ្វាយខេត្តមណ្ឌលគិរី ថា ឯកឧត្តមអភិបាលខេត្តអសកម្ម និងបានភូតកុហក សម្តេចតេជោ នាយករដ្ឋមន្ត្រី ពាក់ព័ន្ធនឹងករណីបន្លំអង្គហេតុស្ថានភាពភ្នំដោះក្រមុំដែលមាន KTV ចំនួន០៣កន្លែង បើកនៅលើភ្នំដោះក្រមុំក្នុងបរិវេណមជ្ឈមណ្ឌលវប្បធម៌ជនជាតិភាគតិច នៅក្រុងសែនមនោរម្យ ខេត្តមណ្ឌលគិរី។
បើតាមសេចក្តីប្រកាសព័ត៌មាន នៅថ្ងៃទី៩តុលានេះ បានឲ្យដឹងថា នៅថ្ងៃទី០៧ ខែតុលា ឆ្នាំ២០១៩ សារព័ត៌មាន ដែលមានឈ្មោះថា CEN (Cambodia Express News) បានចុះផ្សាយថា លោក សុខ សុវណ្ណវឌ្ឍនាសាប៊ុង (វិល្លាម) សមាជិកឧត្តមក្រុមប្រឹក្សាពិគ្រោះ និងផ្តល់យោបល់មកពីគណបក្សខ្មែរក្រោក បានរកឃើញកំហុសរបស់ចៅហ្វាយខេមណ្ឌលគិរីៗថា ឯកឧត្តមអភិបាលខេត្តអសកម្ម និងបានភូតកុហក សម្តេចតេជោ នាយករដ្ឋមន្ត្រី ពាក់ព័ន្ធនឹងករណីបន្លំអង្គហេតុស្ថានភាពភ្នំដោះក្រមុំ ដែលមាន KTV ចំនួន ០៣កន្លែង បើកនៅលើភ្នំដោះក្រមុំក្នុងបរិវេណមជ្ឈមណ្ឌលវប្បធម៌ជនជាតិភាគតិច នៅក្រុងសែនមនោរម្យ ខេត្តមណ្ឌលគិរី។ចំពោះករណីនេះ អ្នកនាំពាក្យរដ្ឋបាលខេត្តមណ្ឌលគិរី ។ សូមបញ្ជាក់ថា ៖ អាជ្ញាធរខេត្ត បានខិតខំប្រឹងប្រែងយកចិត្តទុកដាក់ ដោយបានសហការជាមួយក្រុមការងារក្រសួងវប្បធម៌ និងវិចិត្រសិល្បៈ និងក្រសួងរៀបចំដែនដីនគរូបនីយកម្ម និងសំណង់ និងមានការចូលរួមពីអាជ្ញាធរដែនដីគ្រប់លំដាប់ថ្នាក់ មន្ទីរជំនាញពាក់ព័ន្ធក្នុងការថែរក្សា ការពារដីមជ្ឈមណ្ឌលវប្បធម៌ជនជាតិដើមភាគតិចភ្នំដោះក្រមុំនេះ ដើម្បីទុកជាទីសក្ការបូជារបស់បងប្អូនប្រជាពលរដ្ឋ។ នៅក្នុងកិច្ចប្រជុំប្រចាំឆមាសរបស់ឧត្តមក្រុមប្រឹក្សាពិគ្រោះនិងផ្តល់យោបល់ នាថ្ងៃទី២៨ ខែសីហា ឆ្នាំ២០១៩ ឯកឧត្តមអភិបាលខេត្ត ក៏បានបំភ្លឺជូនរួចហើយដែរ ។ ករណីនេះ សម្តេច បានប្រគល់ភារកិច្ចជូនឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់ដើម្បីដឹកនាំសម្របសម្រួលក្នុងការដោះស្រាយ។
ចំពោះបញ្ហា KTV ស្ថិតនៅតំបន់ផលប៉ះពាល់ជើងភ្នំនេះ ជាយូរមកហើយ មិនមែននៅលើភ្នំដូចការលើកឡើងនោះទេ និងមានចំនួន០២ មិនមែន០៣ទេ។
ម្យ៉ាងវិញទៀត សារព័ត៌មានក៏បានចុះអំពីករណីប្រជាពលរដ្ឋ ឈ្មោះ ថុល សីហា នៅភូមិពូធបឃុំដាក់ដាំ ស្រុកអូររាំង ខេត្តមណ្ឌលគិរី ដែលបានប្តឹងចំពោះឧកញ៉ា ឆាំង ទ្រី ដែលបានត្រៃបន្លំរំលោភដី និងភាពអសកម្មរបស់រដ្ឋបាលខេត្តក្នុងការដោះស្រាយ។ បញ្ហានេះគឺជាទំនាស់ពាក់ព័ន្ធរឿងទិញលក់ដីធ្លី ដោយកន្លងមក
ឈ្មោះ ថុល សីហា បានលក់ដីឲ្យឧកញ៉ា ធាង ទ្រី ប៉ុន្តែដោយសារមិនទាន់បានធ្វើការទូទាត់គ្រប់ចំនួន ធ្វើឲ្យ
លោក ថុល សីហា ប្តឹងទាមទារយកដីវិញ ទើបមានទំនាស់បែបនេះ។ ចំពោះបញ្ហានេះ អាជ្ញាធរខេត្តបាន
សម្រេចឲ្យភាគីទាំងពីរ ធ្វើការសម្របសម្រួលដោះស្រាយ ដោយឈរលើការព្រមព្រៀងគ្នារវាងភាគីទាំងពីរ៕ ដោយ៖កូឡាប
ខាងក្រោមនេះជាចេញសេចក្តីប្រកាសព័ត៌មាន៖