សំរាមច្រើនជាង ៦០២០តោន ត្រូវបានប្រមូលពីតំបន់ឆ្នេរ ដែនទឹក និងច្រាំងសមុទ្រនៃកោះតៃវ៉ាន់ ក្នុងត្រីមាសទី៣ ឆ្នាំ ២០១៩នេះ ដែលមានការកើនឡើងជាងឆ្នាំមុន។ នេះបើតាមការបញ្ជាក់របស់អាជ្ញាធរអភិរក្សតំបន់សមុទ្ររបស់តៃវ៉ាន់។
ការប្រមូលសំរាមដ៏ច្រើនបែបនោះ ធ្វើឡើងតាមរយៈការចូលសហការរវាងអាជ្ញាធរក្នុងតំបន់ អ្នកស្ម័គ្រចិត្ត និងក្រុមហ៊ុន។
សំរាមច្រើនជាង ៩៦ភាគរយត្រូវបានប្រមូលចេញពីឆ្នេរ ខណៈ ៤ភាគរយទៀតត្រូវបានប្រមូលចេញពីដែនសមុទ្រ និងច្រាំងសមុទ្រ។
អាជ្ញាធរបញ្ជាក់ថា ២ ភាគ ៣ នៃសំរាមដែលប្រមូលបានជាប្រភេទសំរាម ដែលមិនអាចកែច្នៃវិញបាន ដែលជាមូលហេតុអាជ្ញាធរ ត្រូវមានវិធានការដើម្បីទប់ស្កាត់ការបំពុលទឹក៕
អត្ថបទប្រែសម្រួលដោយ៖ សុភ័ក្រ
ប្រភព៖ Xinhua