ឆ្នាំជូត
រាសីល្អជាមធ្យម។ដំណើរជីវិតរបស់លោកអ្នកថ្ងៃនេះមិនគាប់ប្រសើរប៉ុន្មានទេពិសេសស្ត្រីបើលោកអ្នកសម្រេចចិត្តអ្វីមួយខុសហើយតែងនាំបញ្ហាមកជាន់កថែមទៀត។ដូច្នេះមុនធ្វើអ្វីលោកអ្នកត្រូវគិតឱ្យបានគ្រប់ជ្រុងជ្រោយមិនអាចធ្វេសប្រហែសបានទេ។បើជាអ្នកប្រកបរបររកស៊ីជួញដូរការជួញទីជិតឆ្ងាយក្តីជួបផលលំបាកក្នុងការរកផលចំណូលណាស់ដែរហើយក្រៅពីនេះលោកអ្នកគួរប្រយ័ត្នប្រយែងការមានជម្លោះវិវាទថែមទៀត។
រីឯមនោសញ្ចេតនាសម្ព័ន្ធស្នេហាកំលោះក្រមុំកុំគប្បីជ្រួលជ្រើមមិនមើលអាត្មាខ្លួនប្រយ័ត្នផុងខ្លួនហើយត្រូវគ្រាំគ្រាអស់មួយជីវិត៕
ឆ្នាំឆ្លូវ
រាសីខ្ពស់ត្រដែត។នៅថ្ងៃនេះទោះធ្វើអ្វីក៏ងាយឆាប់ចប់និងសម្រេចជោគជ័យផង។ចំណែកយីអ៊ុនអ្នកប្រកបរបររកស៊ីជួញដូរទាំងស្ត្រីបុរសតែងផ្តល់ផលល្អ ហើយទោះចង់បណ្តាក់ទុនរកស៊ីឬធ្វើអ្វីមួយតែងហុចផ្លែផ្កាដូចសមប្រកបជានិច្ច។ការធ្វើដំណើរឆ្ងាយជិតជួបសេចក្តីសុខក្សេមក្សាន្តទាំងពេលទៅនិងត្រឡប់មកវិញ។
រីឯមនោសញ្ចេតនាបញ្ហាសេចក្តីស្នេហាកំលោះក្រមុំមានភាពត្រជាក់ត្រជុំនិងស្រស់ស្រាយប្រពៃណាស់៕
ឆ្នាំខាល
រាសីស្រុតចុះ។នៅថ្ងៃនេះលោកអ្នកមិនត្រូវប្រកបកិច្ចការងារណាដែលសំខាន់ឬទៅតានតឹងក្នុងរឿងអ្វីមួយឡើយព្រោះថាផលអាក្រក់ងាយកើតចំពោះមុខណាស់ដែរ។លោកអ្នកមិនគប្បីលូកដៃទៅក្នុងល្បែងស៊ីសងឡើយដើម្បីចៀសវាងការលង់ខ្លួនកែមិនឡើង ហើយពិសេសជួបផលលំបាកណាមួយជាន់កបន្ថែមទៀតហើយរើខ្លួនលែងរួច។សម្រាប់អ្នកប្រកបរបររកស៊ីជួញដូរវិញភាពស៊យនៅតែតាមជាប់ជានិច្ចដូច្នេះឱ្យប្រយ័ត្នជួបគ្រោះបាត់របស់និងគ្រោះចាញ់បោកគេ។
រីឯមនោសញ្ចេតនាសម្ព័ន្ធស្នេហាកំលោះក្រមុំឬពោះម៉ាយមេម៉ាយក្តីចូរប្រយ័ត្នអ្នកទីបីចូលមកឡូកឡំនាំកើតការបែកបាក់៕
ឆ្នាំថោះ
រាសីល្អជាមធ្យម។នាពេលនេះត្រូវខិតខំតស៊ូការងារទើបអាចទម្លុះទម្លាយការងារលំបាកៗទាំងពួងចំពោះមុខទៅរួច។ការរស់នៅមិត្តអាចក្លាយជាសត្រូវហេតុនេះគប្បីប្រយ័ត្នប្រយែងទាំងការងារនិងការនិយាយស្តី។សម្រាប់អ្នកប្រកបរបររកស៊ីជួញដូរមានការរីកលូតលាស់គួរសម ម្ល៉ោះហើយជាឱកាសល្អក្នុងការពង្រីកមុខរបរថ្មីឬបណ្តាក់ទុនបន្ថែមព្រោះផ្លែផ្កាដែលទទួលបានតែងហុចមកវិញដូចសមប្រកប។
រីឯមនោសញ្ចេតនាបញ្ហាសេចក្តីស្នេហាប្រុសស្រីកំពុងសុខដុមនិងមានភាពផ្អែមល្ហែមគួរសម៕
ឆ្នាំរោង
រាសីខ្ពស់ត្រដែត។នៅថ្ងៃនេះលោកអ្នកអាចទទួលដំណឹងល្អនិងអាចទទួលជោគលាភអ្វីមួយថែមទៀត។អ្នកប្រកបរបររកស៊ីជួញដូរវិញប្រៀបដូចបានជា(ភ្លៀងធ្លាក់មួយមេមេឃស្រទ្បះ)ព្រោះអាចកម្ចាត់រាល់ឧបទ្រពចង្រៃទាំងពួងឱ្យវិនាសជាអហោសិកម្មអស់ ហើយលោកអ្នកអាចប្រកបមុខរបរពេញដៃពេញជើងទ្បើងវិញ។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
រីឯមនោសញ្ចេតនាសម្ព័ន្ធស្នេហាប្រុសស្រីមានការជឿនលឿនទៅមុខនិងកំពុងមានភាពស្រស់ស្រាយប្រពៃណាស់៕
ឆ្នាំម្សាញ់
រាសីស្រុតចុះ។នៅថ្ងៃនេះលោកអ្នកធ្វើអ្វីតែងរាំងស្ទះនិងជួបបញ្ហាស្មុគ្រស្មាញនាំពិបាកដោះស្រាយចំពោះមុខដែរ។ក្នុងថ្ងៃនេះដែរបើលោកអ្នកសម្រេចចិត្តធ្វើអ្វីក៏ដោយត្រូវមានការប្រយ័ត្នប្រយែងបន្តិចព្រោះថាផលល្អនិងផលអាក្រក់ដើរទន្ទឹមគ្នាជានិច្ច។សម្រាប់អ្នកប្រកបរបររកស៊ីជួញដូរការជួញផ្លូវឆ្ងាយពុំសូវកាក់កបប៉ុន្មានទេហើយបើរកស៊ីនាយអាយក្បែរៗផ្ទះបានគ្រាន់ចិញ្ចឹមឆ្នាំងបាយអញ្ចឹងដែរ។
រីឯមនោសញ្ចេតនាបញ្ហាសេចក្តីស្នេហាកំលោះក្រមុំមានការកើតទុក្ខឥតសូវស្បើយដែរទេដោយសាររឿងរាវប្រទាំងប្រទើសកើតឡើងបន្តបន្ទាប់នាកន្លងមក៕
ឆ្នាំមមី
រាសីខ្ពស់ត្រដែត។នៅថ្ងៃនេះលោកអ្នកធ្វើអ្វីតែងជឿនលឿនទៅមុខនិងហុចជាលទ្ធផលគ្រាន់ជាទីកក់ក្តៅ។ក្រៅពីនេះបើលោកអ្នកចង់ជួបចរចាឬទំនាក់ទំនងអ្វីមួយក៏ជួបនូវក្តីសម្រេចខ្ពស់ត្រឡប់មកវិញផង។សម្រាប់អ្នកប្រកបរបររកស៊ីជួញដូរមានការរីកលូតលាស់គួរសម ម្ល៉ោះហើយជាឱកាសល្អក្នុងការពង្រីកមុខរបរថ្មីឬបណ្តាក់ទុនបន្ថែមព្រោះផ្លែផ្កាដែលទទួលបានតែងហុចមកវិញដូចសមប្រកប។
រីឯមនោសញ្ចេតនាបញ្ហាសេចក្តីស្នេហាប្រុសស្រីកំពុងសុខដុមនិងមានភាពផ្អែមល្ហែមគួរសម៕
ឆ្នាំមមែ
រាសីល្អជាមធ្យម។នៅថ្ងៃនេះវិញបើលោកអ្នកប្រកបការងារអ្វីមួយមិនគប្បីមានភាពរឹងរូសឬយកភាពមោហៈទោសៈដាក់ខ្លួនឡើយបើពុំនោះទេនឹងជួបរឿងរាវបង់ប្រយោជន៍ណាមួយជាក់ជាពុំខាន។អ្នកប្រកបរបររកស៊ីជួញដូរក្នុងថ្ងៃនេះពុំផ្តល់ផលល្អក្នុងការបណ្តាក់ទុនធំប៉ុន្មានឡើយគួរមានការគិតឱ្យបានជ្រុយជ្រោយមុនធ្វើអ្វីមួយព្រោះបើបោះទុនទៅហើយមិនងាយដកទុនមកវិញឡើយ ហើយស្រួលមិនស្រួលកប់ដើមសូន្យឈឹងតែម្តង។
រីឯមនោសញ្ចេតនាបញ្ហាស្នេហាកំលោះក្រមុំឬពោះម៉ាយមេម៉ាយក្តី មានការហួងហែងនិងម្នាក់ៗយកភាពប្រចែប្រច័ណ្ឌដឹកមុខនាំឱ្យល្អក់កករផ្លូវចិត្តច្រើន ៕
ឆ្នាំវក
រាសីស្រុតចុះ។នៅថ្ងៃនេះផ្តល់ផលល្អសម្រាប់លោអ្នកចាត់ចែងកិច្ចការងារចាស់ឬកិច្ចការដែលសេសសល់ពីយូរមកហើយ។ក្រៅពីនេះចំពោះការរស់នៅចូរលោកអ្នករក្សាភាពស្ងប់ស្ងាត់និងធ្វើមិនដឹងមិនលឺចំពោះបញ្ហាចំពោះខ្លួនខ្លះទើបប្រសើរ។ សម្រាប់អ្នកប្រកបរបររកស៊ីជួញដូរមានការរីកលូតលាស់តិចតួចតែយ៉ាងណាការជួញទីជិតឆ្ងាយការរកផលកម្រៃនោះទោះមិនច្រើនពិតមែនក្តីតែក៏មានភាពសុខដុមគួរជាទីកក់ក្តៅផង។
រីឯមនោសញ្ចេតនាបញ្ហាសេចក្តីស្នេហាប្រុសស្រីកុំមានចិត្តរេដូចចុងស្រល់ប្រយ័ត្នកម្មពៀរវាឆ្លងម្តងម្នាក់វិញ៕
ឆ្នាំរកា
រាសីខ្ពស់ត្រដែត។នៅថ្ងៃនេះដំណើរជីវិតរបស់លោកអ្នកល្អប្រសើរ ម្ល៉ោះហើយបើចង់សម្រេចចិត្តអ្វីមួយក៏តែងហុចផ្លែផ្កាដូចជាទីពេញចិត្តមួយចំនួនមកវិញផង។ក្រៅពីនេះបើលោកអ្នកចង់បណ្តាក់ទុនរកស៊ីនៅក្នុងអំឡុងពេលនេះឃើញថាគប្បីប្រយ័ត្នប្រយែងបន្តិចពីព្រោះថាផលអាក្រក់នោះឃើញថាមានលាយឡំផងដែរ។ការរស់នៅក្នុងថ្ងៃនេះដែរឃើញថាមានការចម្រើនលូតលាស់គួរសមដូចនេះបើចង់ទំនាក់ទំនងកិច្ចការងារអ្វីមួយជាមួយអ្នកដទៃក៏តែងផ្តល់ផលល្អៗមកវិញជានិច្ច។
រីឯមនោសញ្ចេតនាបញ្ហាសេចក្តីស្នេហាកំលោះក្រមុំបើចង់សាសងស្នេហាឬទំនាក់ទំនងជាមួយមនុស្សដែលខ្លួនស្រឡាញ់ពេញចិត្តជាពេលវេលាល្អប្រពៃ៕
ឆ្នាំចរ
រាសីខ្ពស់ត្រដែត។នៅថ្ងៃនេះដោយសារដួងរាសីឡើងខ្ពស់ ហេតុនេះកិច្ចការងាររបស់លោកអ្នកតែងរលូនល្អ និង ពិសេសអាចសម្រេចដល់គោលដៅថែមទៀត។អ្នកប្រកបរបររកស៊ីជួញដូរមិនថាទីជិតឆ្ងាយតែងហុចផ្លែផ្កានិងប្រមូលផលចំណេញវិលត្រឡប់ចូលផ្ទះវិញគួរជាទីកក់ក្តៅចិត្ត។ការធ្វើដំណើរទីជិតឆ្ងាយមានតែក្រុមមនុស្សអាណិតស្រឡាញ់និងជួយជ្រោមជ្រែងជានិច្ច។
រីឯមនោសញ្ចេតនាសម្ព័ន្ធស្នេហាប្រុសស្រីបើពុំទាន់មានគូគាប់ជាឱកាសល្អក្នុងការស្វែងរក ហើយព្រោះអាចជួបគូព្រេងពិតដូចគាប់បំណងតែយ៉ាងណាស្ត្រីចូរប្រយ័ត្នប្រុសព្រានបន្តិចព្រោះលោកអ្នកក៏តែងងាយជួបណាស់ផង៕
ឆ្នាំកុរ
រាសីស្រុតចុះ។ក្នុងថ្ងៃនេះដោយសារដួងរាសីមិនល្អប្រសើរ ម្ល៉ោះហើយបើចង់សម្រេចចិត្តអ្វីមួយសំខាន់គប្បីមានការប្រយ័ត្នប្រយែងពីព្រោះថាផលមិនល្អនោះងាយកើតចំពោះមុខផង។ការប្រកបការងារបើទោះបីជួបការលំបាកម្តេចម្តាតែបើខិតខំពុះពារតែងសម្រេចមួយកម្រិតដែរ។ការធ្វើដំណើរទីជិតឆ្ងាយមានភាពសុខដុមល្អតែយ៉ាងណាមិនត្រូវមានចិត្តប្រកែប្រកាន់ច្រើននោះឡើយប្រយ័ត្នឥតការអ្វីសោះនាំរឿងរ៉ាវចូលផ្ទះ។
រីឯមនោសញ្ចេតនាសម្ព័ន្ធស្នេហាប្រុសស្រីចូរប្រយ័ត្នអ្នកក្រៅញុះញង់ចាក់ដោតនាំកើតជម្លោះវិវាទហើយឈានមិនដល់ខ្លោងទ្វារអាពាហ៍ពិពាហ៍៕
