ខេត្តស្វាយរៀងៈបុរសម្នាក់ និងស្ត្រីម្នាក់ ត្រូវបានសមត្ថកិច្ចកងរាជអាវុធហត្ថខេត្តស្វាយរៀង ធ្វើការបញ្ជូនខ្លួន ទៅកាន់សាលាដំបូងខេត្តស្វាយរៀង នារសៀលថ្ងៃទី១៤ ខែតុលា ឆ្នាំ២០១៩នេះ ពាក់ព័ន្ធទៅនិងករណីជួញដូរដោយខុសច្បាប់ នូវសារធាតុញៀន ដែលបានប្រព្រឹត្តនៅខាងមុខ កាស៊ីណូម៉ុកបាយ ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។
សមត្ថកិច្ចបានឱ្យដឹងថាៈ ជនសង្ស័យ ទី១/មានឈ្មោះ ជា វិបុល ភេទ ប្រុស អាយុ ៣០ ឆ្នាំជនជាតិខ្មែរមុខរបរបុគ្គលិកកា ស៊ីណូ មានទីលំនៅបច្ចុប្បន្នស្នាក់នៅបន្ទប់ជួលលេខ១១ ភូមិបាវិតកណ្តាល សង្កាត់បាវិត ក្រុងបាវិត ទី២/ឈ្មោះ ង្វៀន ធីមីយាន ភេទ ស្រី អាយុ ២៧ ឆ្នាំ ជនជាតិវៀតណាមមុខរបរ បុគ្គលិកលក់បាយ មានទីលំនៅបច្ចុប្បន្នស្នាក់នៅបន្ទប់ជួល ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត។
ប្រភពដដែលបានឱ្យដឹងទៀតថាៈ ដោយបានការសហការពីម្ចាស់ផ្ទះសំណាក់ចំរុងនីតា ឈ្មោះឡាយ ចន្នី ភេទប្រុសអាយុ៣៨ឆ្នាំ មានទីលំនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង បានរាយការណ៍ជូនសមត្ថកិច្ចមូលដ្ឋានថាៈ ឈ្មោះ ឡុង ភេទប្រុស ដែលបានជួលបន្ទប់ផ្ទះសំណាក់របស់ខ្លួន សង្ស័យថាមានការពាក់ព័ន្ធករណីប្រើប្រាស់ជួញដូរថ្នាំញៀន ។ ក្រោយពីទទួលបានព័ត៌មានដូច្នេះ សមត្ថកិច្ចក៏បានធ្វើការស្រាវជ្រាវ រហូតដល់ថ្ងៃទី១២ ខែតុលា ឆ្នាំ២០១៩ វេលាម៉ោង១៩យប់ កម្លាំងជំនាញបានប្រើវិធានការណ៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍៍ ដោយបានប្រើភ្នាក់ងារ ធ្វើការទំនាក់ទំនង កុម្មង់ទិញអីវ៉ាន់ (ថ្នាំញៀនអាយ) ឱ្យជនសង្ស័យយកថ្នាំញៀន មកធ្វើការដោះដូរនៅចំណុចខាងមុខកាស៊ីណូម៉ុកបាយ ពេលនោះជនសង្ស័យ បានជិះម៉ូតូមកដល់ត្រង់ចំណុចខាងលើ ក៏ត្រូវបានកម្លាំងជំនាញ ធ្វើការចាប់ខ្លួនតែត្រូវជនសង្ស័យស្រែកឆោឡោ និងប្រទាញប្រទុងជាមួយសមត្ថកិច្ច ហើយបានបោះវត្ថុតាង (ថ្នាំញៀន) និងទូរស័ព្ទចោល។ ក្រោយធ្វើការចាប់ខ្លួនជនសង្ស័យ បានសារភាពថា ខ្លួនទុកថ្នាំញៀននៅក្នុងបន្ទប់ជួល លេខ ១១ ផ្ទះសំណាក់រុងនីតា រហូតដល់ម៉ោង២១និង៥នាទីយប់ ថ្ងៃខែឆ្នាំដដែល សមត្ថកិច្ចកងរាជអាវុធហត្ថខេត្ត ដឹកនាំដោយលោកមេបញ្ជាការងវរសេនីយ៍ឯក ស្រី វុត្ថា បានចុះទៅដល់បន្ទប់ជួល ដោយធ្វើការឆែកឆេររកឃើញវត្ថុតាងរួមមាន:ម៉្សៅក្រាមពណ៌ថ្លាចំនួន២៨កញ្ចប់ ថ្នាំគ្រាប់ពណ៌ផ្ទៃមេឃចំនួន៣៣កញ្ចប់
ថ្នាំគ្រាប់ពណ៌ផ្កាឈូកចំនួន១គ្រាប់ ជញ្ជីងសម្រាប់ថ្លឹងគ្រឿងញៀនចំនួន១គ្រឿង សម្ភារៈប្រើប្រាស់គ្រឿងញៀនមួយចំនួន ទូរស័ព្ទចំនួន១គ្រឿង ប្រាក់ដុងចំនួន១.២០០.០០០ដុង។
ប្រភពខាងលើបានឱ្យដឹងទៀតថាៈ រហូតដល់ម៉ោង២៣និង១០ នាទីយប់ថ្ងៃដដែល សមត្ថកិច្ចជំនាញបានធ្វើការឆែកឆេរបន្ទប់ជួលលេខ២០ ស្ថិតនៅភូមិបាវិតកណ្តាល សង្កាត់បាវិត ដោយបានរកឃើញនិងចាប់បានវត្ថុតាងរួមមាន: ម៉្សៅក្រាមពណ៌សថ្លាចំនួន៤កញ្ចប់ សម្ភារៈប្រើប្រាស់គ្រឿងញៀនមួយចំនួន ទូរស័ព្ទចំនួន២គ្រឿង ប្រាក់ដុងចំនួន៤៥៥.០០០ដុង ប្រាក់ដុល្លារចំនួន៥ដុល្លារ។
ក្រោយពីបញ្ចប់ការឆែកឆេរ កម្លាំងជំនាញបានធ្វើការឃាត់ខ្លួនជនស្ស័យម្នាក់ ឈ្មោះង្វៀងធីមីយាង ភេទស្រីអាយុ២៧ឆ្នាំ មានទីលំនៅបច្ចុប្បន្នស្នាក់នៅបន្ទប់ជួលលេខ២០ ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ហើយក៏បាននាំជនសង្ស័យទាំង២នាក់ មកកាន់ទីបញ្ជាការដ្ឋានកងរាជអាវុធហត្ថខេត្ត ដើម្បីចាត់ការសាកសួរកសាងសំណុំរឿង ទៅតាមផ្លូវច្បាប់៕ដោយ៖ វ៉ៃកូ
