អនុប្រធានាធិបតីអាមេរិច លោក Mike Pence បាននិយាយកាលពីថ្ងៃព្រហស្បតិ៍ម្សិលមិញថា គាត់បានសម្រេចកិច្ចព្រមព្រមជាមួយនឹងប្រធានាធិបតីតួកគី Tayyip Erdogan ដើម្បីឲ្យមានបទឈប់បាញ់គ្នានៅក្នុងប្រទេសស៊ីរី។
លោកនិយាយថា នៅក្នុងកិច្ចព្រមព្រៀង រាល់ប្រតិបត្តិការយោធាទាំងអស់ត្រូវតែផ្អាក ដើម្បីឲ្យកងកម្លាំងខឺដ (Kurd) ធ្វើការដកថយក្នុងរយៈពេល ២០ម៉ោង។
នៅក្នុងសន្និសិទសារព័ត៌មាន លោក Mike Pence ថ្លែងថា ប្រតិបត្តិការយោធារបស់តួកគីនឹងត្រូវបញ្ចប់ នៅពេលដែលមានការដកកងកម្លាំងខឺដទាំងស្រុង។
“នៅថ្ងៃនេះ អាមេរិច និងតួកគី បានបង្កើតកិច្ចព្រមព្រៀងឈប់បាញ់គ្នានៅស៊ីរី។ ភាគីតួកគីនឹងត្រូវធ្វើការផ្អាកប្រតិបត្តិការយោធា ដើម្បីកងកម្លាំងខឺដដកខ្លួនចេញពីតំបន់សុវត្ថិភាពក្នុងរយៈពេល ១២០ម៉ោង”។
សូមបញ្ជាក់ថា កិច្ចព្រមព្រៀងឈប់បាញ់គ្នា កើតឡើង ក្រោយពេលកងកម្លាំងរបស់តួកគី បានធ្វើប្រតិបត្តិការយោធាអស់រយៈពេល ៨ថ្ងៃនៅភាគខាងជើងប្រទេសស៊ីរី។
តួកគីបានធ្វើការវាយប្រហារទៅលើកងកម្លាំងខឺដ ក្នុងប្រទេសស៊ីរី ដើម្បីបង្កើតតំបន់សុវត្ថិភាពនៅតំបន់ព្រំដែន។ តួកគីចាត់ទុកកងកម្លាំងខឺដ ដែលជួយអាមេរិចប្រយុទ្ធប្រឆាំងនឹងក្រុមរដ្ឋអ៊ីស្លាម ថាជាក្រុមភេវរករ។
ការផ្តើមវាយប្រហារយោធារបស់តួកគី ប្រឆាំងនឹងក្រុមខាងលើ កើតឡើងក្រោយពេលប្រធានាធិបតីអាមេរិច ដូណាល់ ត្រាំ ប្រកាសដកទ័ពចេញពីស៊ីរី។
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia