ប៉ូលីសឥណ្ឌូណេស៊ីបានចាប់មនុស្សចំនួន ៣៦នាក់ដែលជាជនសង្ស័យភេរវករ ជាប់ពាក់ព័ន្ធទៅនឹងការក្រុមរដ្ឋអ៊ីស្លាម (IS) ក្នុងរយៈពេល១សប្តាហ៍ ក្រោយពេលមានការវាយប្រហារទៅលើប្រធានរដ្ឋមន្រ្តីសន្តិសុខនៅខេត្ត Banten។
ក្នុងចំណោមជនសង្ស័យ មានស្រ្តី ២នាក់ធ្វើជាប៉ូលីស។ ការចាប់ខ្លួនជនសង្ស័យខាងលើកើតឡើងនៅក្នុងទីក្រុង Jakarta ខេត្ត Banten, West Java, Bali, North Sulawesi, Central Sulawesi និងខេត្តផ្សេងៗទៀត។
អាជ្ញាធរកំពុងធ្វើការស៊ើបអង្កេត ដើម្បីបន្តចាប់ខ្លួនជនសង្ស័យដ៏ទៃទៀត។
សូមបញ្ជាក់ថា កាលពីថ្ងៃព្រហស្បតិ៍សប្តាហ៍មុន បុរសម្នាក់ដែលមានទំនាក់ទំនងជាមួយនឹងក្រុមរដ្ឋអ៊ីស្លាម បានធ្វើការចាក់លើពោះរបស់លោករដ្ឋមន្រ្តីឥណ្ឌូណេស៊ីឈ្មោះ Wiranto។ រដ្ឋមន្រ្តីរូបនោះត្រូវគេវាយប្រហារទាំងកណ្តាលថ្ងៃ ក្នុងកំឡុងដំណើរទស្សនកិច្ចរបស់លោក ទៅកាន់សាលាអ៊ីស្លាម ស្ថិតក្នុងខេត្ត Banten។
ក្រុមភេរវករ JAD បានធ្វើការវាយប្រហារជាច្រើនលើកច្រើនសារមកហើយ ក្នុងប្រទេសឥណ្ឌូនេស៊ី រួមមានការវាយប្រហារអត្តឃាតទៅលើខេត្ត East Java និង Riau កាលពីខែឧសភា ឆ្នាំ ២០១៨ និងការវាយប្រហារទៅលើទីស្នាក់ការប៉ូលីស និងហាងកាហ្វេ Starbucks នៅកណ្តាលក្រុងចាការតា បណ្តាលឲ្យមានការស្លាប់មនុស្សជាច្រើនាក់៕
អត្ថបទប្រែសម្រួលដោយ៖ សុភ័ក្រ
ប្រភព៖ Xinhua