ភ្នំពេញ ៖ ទាក់ទងនឹងវិស័យសុខាភិបាល យើងនៅតែទទួលបានការលើកឡើងពីពលរដ្ឋ ថាសេវាកម្មមន្ទីរពេទ្យនៅមានកម្រិតនៅឡើយ យើងមិនដឹងថាគ្រូពេទ្យគាត់នឿយហត់ ឬទទួលសម្ពាធពីអ្នកជំងឺច្រើនពេក ឬយ៉ាងណានោះទេ។
ជាក់ស្ដែងលោក សុខសុវណ្ណ វឌ្ឍនាសាប៊ុង (វិល្លាម) ប្រធានគណបក្សខ្មែរក្រោក និងជាសមាជិកឧត្តមក្រុមប្រឹក្សាពិគ្រោះ និងផ្ដល់យោបល់ ក៏បានក្រើនរំលឹកដល់គ្រូពេទ្យមួយចំនួនតូចដែលកំពុងតែអនុវត្តន៍ការងារប្រាសចាកនឹងវិជ្ជាជីវៈរបស់ខ្លួន ឲ្យមេត្តាយកលោក បេអាត រីចឆ្នឺ ជាគំរូ។
នេះបើតាមលោកថ្លែងនៅលើបណ្ដាញសង្គមរបស់លោក នៅយប់ថ្ងៃទី ១៨ ខែតុលា ឆ្នាំ ២០១៩នេះថា៖ ពលរដ្ឋកម្ពុជាទាំងអស់ចងចាំរូបលោកមិនភ្លេច និងតែងតែអរគុណចំពោះបេសកកម្មមនុស្សធម៌ របស់លោកពេញមួយជីវិត ក្នុងការចូលរួមជួយ សង្គ្រោះកុមារកម្ពុជាជាច្រើននាក់ឲ្យបានរួចផុតពីជំងឺ ។ សង្ឃឹមថាគ្រូពេទ្យរបស់កម្ពុជាមួយចំនួនតូចដែល កំពុងអនុវត្តន៍ការងារប្រាសចាកពីវិជ្ជាជីវៈរបស់ខ្លួន មេត្តាយកលោក បេអាត រីចឆ្នឺ ជាគំរូ ៕ដោយ៖កូឡាប