ប្រទេសជប៉ុនបានប្រកាសពន្យារពេលប្រាព្ធពិធីឡើងសោយរាជ្យជាផ្លូវការរបស់ព្រះចៅអធិរាជ្យណារ៉ូហ៊ីតូ (Naruhito) ក្រោយពេលទើបរួចផុតពីការវាយប្រហាររបស់ព្យុះទីហ្វុង Hagibis ដែលបណ្តាលឲ្យមនុស្សស្លាប់ និងរបួសជាច្រើននាក់។
ការធ្វើពិធីហែរក្បួន ដែលព្រះចៅអធិរាជ្យថ្មីនឹងឈរអើតចេញពីដំបូលឡាន ដើម្បីជួបសាធារណជន ត្រូវបានពន្យារពេល ដើម្បីសម្តែងការគោរពទៅដល់ជនរងគ្រោះ និងក្រុមគ្រួសាររបស់ពួកគេ។
ទោះយ៉ាងណា ពិធីឡើងសោយរាជ្យនោះនឹងប្រារព្ធធ្វើនៅថ្ងៃអង្គារខាងមុខនេះវិញ។
សូមបញ្ជាក់ថា ព្យុះទីហ្វុង Hagibis បានបោកបក់មកលើប្រទេសជប៉ុន កាលពីចុងសប្តាហ៍មុន បណ្តាលឲ្យមនុស្សចំនួនជិត ៨០នាក់ស្លាប់បាត់បង់ជីវិត និងបណ្តាលឲ្យមានការបំផ្លិចបំផ្លាញទ្រព្យសម្បត្តិយ៉ាងច្រើន៕
អត្ថបទប្រែសម្រួលដោយ៖ សុភ័ក្រ
ប្រភព៖ BBC
