តាកែវ ៖ នៅក្នុងឱកាសអញ្ជើញចូលរួមបើកពិព័រណ៍ការងាររបស់សាកលវិទ្យាល័យបៀលប្រាយសាខាខេត្តតាកែវ នៅថ្ងៃទី ១៩ ខែ តុលា ឆ្នាំ ២០១៩ នេះដោយមានក្រុមហ៊ុនឯកជននិងគ្រិះស្ថានមីក្រូហិរញ្ញវត្ថុចំនួន១៧ស្ថាប័នចូលរួម អភិបាលខេត្តតាកែវឯកឧត្តម អ៊ូច ភា បានធ្វើការណែនាំដល់និស្សិតជាពិសេសនិស្សិតដែលទើបប្រឡងជាប់សញ្ញាប័ត្រទុតីយភូមិថ្មីៗនេះ ត្រូវគិតគូពិចារណាឲ្យបានច្បាស់លាស់មុននិងសម្រេចចឹត្តសិក្សាជំនាញណាមួយនៅសកលវិទ្យាល័យ ដោយជៀសវាងការរៀនតាមគ្នាដែលនាំឲ្យពិបាកក្នុងការរកងារធ្វើ ដូច្នេះក្មួយៗដែលជានិសិត្សទាំងអស់ត្រូវសិក្សាអោយច្បាស់ជាមុន លើទីផ្សារការងារក្នុងពេលបច្ចុប្បន្ន ខណៈពេលដែលថ្ងៃអនាគត់ មនុស្សមួយចំនួនធំអាចប្រឈមនិងគ្មានការងារធ្វើច្រើន ដោយសារតែបច្ចេកវិទ្យា វិទ្យាស្តាស្រទំនើប ពោលគឺគេប្រើគ្រឿងចក្រ ម៉ាស៊ីន ដែលគ្រប់ដោយប្រើកុំព្យូទ័រ ជំនួសការប្រើប្រាស់មនុស្ស ហើយបានដឹងហើយថា នូវបណ្តារប្រទេសមួយចំនួននូលើសកលលោក គឺបានតែកំពុងនិងអនុវត្តលើផ្នែកបច្ចេកវិទ្យាទាំងនេះហើយ ។
ឯកឧត្តមអភិបាលខេត្តតាកែវបានថ្លែងបន្តថា បច្ចុប្បន្ននេះយើងឃើញនិស្សិតមួយចំនួនបានរៀនតាមគ្នាលើជំនាញ សេដ្ឋកិច្ច ហិរញ្ញវត្ថុ ធនាគារ ជាដើម។ ការសិក្សាលើផ្នែកនេះច្រើននាំឲ្យមានផលវិបាករកការងារធ្វើព្រោះ ធនាគារ គ្រិះស្ថានមីក្រូហិរញ្ញវត្ថុ នៅកម្ពុជាយើងមិនអាចស្រូបយកនិស្សិតក្នុងមួយឆ្នាំៗរាប់ពាន់រាប់ម៉ឺននាក់បាននោះទេ។ បញ្ហានេះសូមនិស្សិតទាំងអស់ពិចារណាឲ្យបានច្បាស់លាស់មុននិងសម្រេចចឹត្តសិក្សាលើជំនាញណាមួយ ជៀសវាងរៀនបានមួយឆ្នាំឬ២ឆ្នាំប្ដូមកសិក្សាជំនាញផ្សេងដែលនាំឲ្យខាតពេលវេលានិងខាតថវិកា។
ឯកឧត្តមអភិបាលខេត្តតាកែវ អ៊ូច ភា បានមានប្រសាសន៏បន្តទៀតថា ប្រទេសកម្ពុជាជាប្រទេសកសិកម្មនិងជាប្រទេសកំពុងតែអភិវឌ្ឍន៏ដោយក្នុងសំណង់កំពុងតែរីកស្គុះស្គាយពាសពេញប្រទេស ដូច្នោះនិស្សិតទាំងអស់ត្រូវសិក្សាស្វែងយល់ថា តើកម្ពុជាកំពុងតែត្រូវការនិស្សិតដែលមានជំនាញអ្វីដើម្បីធ្វើឲ្យវិស័យយកសិកម្មស្រុកយើងកាន់ល្អប្រសើរឡើងនិងការអភិវឌ្ឍន៏សំណង់របស់ប្រទេសកាន់តែរីកចម្រើនខ្លាំងក្លាថែមទៀត។
បើតាមឯកឧត្តមអភិបាលខេត្តតាកែវ ដើម្បីទទួលបានការងារល្អ និស្សិតទាំងអស់ត្រូវមានសមត្ថភាពពិតប្រាកដនិងមានជំនាញច្បាស់ ព្រោះទីផ្សារការងារគឺមានការប្រកួតប្រជែងស្វិតស្វាញ បើយើងមិនមានជំនាញនិងសមត្ថតភាពច្បាស់លាស់ទេ យើងមិនអាចស្វែងរកការងារល្អបានធ្វើនោះទេ។
និស្សិតសកលវិទ្យាល័យបៀលប្រាយជាច្រើននាក់ បានសំដែងនូវក្ដីសង្ឃឹមថានិងទទួលបានការងារធ្វើនៅក្នុងពិធីតាំងពិណ៏ការងារនេះ ព្រោះខ្លួនមានជំនាញពិតប្រាកដ ហើយម្យ៉ាងទៀតការតាំងពិពណ៏ការងារនេះវានិងធ្វើឲ្យនិស្សិតទាំងអស់មានឱកាស់ដាក់ពាក្យស្វែងរកការងារធ្វើនិងអាចដឹងពីសមត្ថតភាពរបស់ខ្លួនផងដែរ។ តាកែវ