ភ្នំពេញ ៖ អគ្គិភ័យឆេះរោងជាង នៅសាលាបឋមសិក្សាទួលសង្កែ ស្ថិតក្នុងសង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញអស់ទាំងស្រុង ដែលបណ្តាលមកពីទុស្សេចរន្តអគ្គិសនី។
អគ្គិភ័យនេះ កើតឡើងនៅវេលាម៉ោង១៩:៣០នាទីយប់ថ្ងៃអាទិត្យទី២០ ខែតុលាឆ្នាំ២០១៩ នៅសលាបឋមសិក្សាទួលសង្កែ ស្ថិតនៅតាមបណ្ដោយផ្លូវលេខ៩០៧ក្រុមទី៦ ភូមិទួលសង្កែ សង្កាត់ទួលសង្កែ១ខណ្ឌឫស្សីកែវ រាជធានីភ្នំពេញ។
ម្ចាស់ទីតាំងឈ្មោះហង់ ណារិន ភេទប្រុស អាយុ៥៨ឆ្នាំ មុខរបរ នាយករង។ ករណីនេះកើតឡើងដោយមូលហេតុ ឆ្លងចរន្តអគ្គិសនី ។
សំណង់នេះជាប្រភេទ ថ្មបេតុង ប្រក់ស័ង្កសីទំហំ៩ម៉ែត្រគុណនឹង៧ម៉ែត្រ។ ឆេះខូចខាតសម្ភារ ឆេះរោងជាងសាលាបឋមសិក្សាទួលសង្កែចំនួន ០១ខ្នង និងសម្ភារ តុក ទូចាស់ៗអស់មួយចំនួន នឹងពុំបណ្តាលឲ្យឆេះរាលដាលដល់ផ្ទះអ្នកនៅក្បែរខាងឡើយ ។
ប្រតិបត្តិការនេះ ប្រើប្រាស់រថយន្តការិយាល័យអគ្គិភ័យ ចំនួន២គ្រឿង ប្រើប្រាស់ទឹកអស់២ឡនស្មើនឹង៨ម៉ែត្រគូប។ រថយន្តអគ្គិភ័យសាលាខណ្ឌចំនួន ១គ្រឿង ប្រើប្រាស់ទឹកអស់១ឡានស្មើនឹង៤ម៉ែត្រគូប៕ ដោយ៖កូឡាប
