ខេត្តស្វាយរៀង ៖ ជនសង្ស័យ៧នាក់ ក្នុងនោះមុខសញ្ញាឆក់៣នាក់ ត្រូវបានសមត្ថកិច្ចនគរបាល ធ្វើការបង្ក្រាប កាលពីថ្ងៃទី២០ ខែតុលា ឆ្នាំ២០១៩ ស្ថិតក្នុងភូមិតាបិប សង្កាត់បាវិត ក្រុងបាវិត ខេត្តស្វាយរៀង ។
បើតាមសមត្ថកិច្ចនគរបាល បានឲ្យដឹងថា ប្រតិបត្តិការត្រួតពិនិត្យគ្រឿងញៀន ដោយមានការសង្ស័យថា នៅបន្ទប់ផ្ទះជួលឈ្មោះ ហុង អៀង (ហៅវា)ភេទប្រុស ដែលមានទីតាំង ស្ថិតក្នុងភូមិតាបិប សង្កាត់បាវិត ក្រុងបាវិត ខេត្តស្វាយរៀង នឹងមានការសហការពីម្ចាស់ផ្ទះជួលសមត្ថកិច្ច បានឃាត់ខ្លួនមុខសញ្ញ ដែលជាជនសង្ស័យ បានចំនួន ៧នាក់ យកមកប៉ុស្តិ៍នគរបាលរដ្ឋបាលបាវិត ក្នុងចំណោមជនសង្ស័យចំនួន ៧នាក់នោះ មុខសញ្ញាឆក់ ចំនួន ៣នាក់និងមុខសញ្ញាជួញដូរ និងប្រើប្រាស់គ្រឿងញៀនចំនួន ៤នាក់។
ជនសង្ស័យមានឈ្មោះ១. រ៉ន វីរៈ ភេទប្រុស អាយុ១៩ឆ្នាំ មុខរបរមិនពិតប្រាកដ មានទីលំនៅភូមិ តាពៅ សង្កាត់បាវិត ក្រុងបាវិត ខេត្តស្វាយរៀង ២.ឈ្មោះ បុត្រ ចឹកម៉េង ភេទប្រុស អាយុ១៩ មុខរបរមិនពិតប្រាកដ មានទីលំនៅភូមិពោធិ៍ ឃុំមេសថ្ងក ស្រុកចន្រ្ទា ខេត្ត ស្វាយរៀង ៣.ឈ្មោះ ស្វាយ វីរៈ ភេទប្រុស អាយុ២២ឆ្នាំ មុខរបរមិនពិតប្រាកដ មានទីលំនៅ ភូមិតាប៉ ឃុំតាសួស ស្រុកស្វាយជ្រុំ ខេត្តស្វាយរៀង ពាក់ព័ន្ធករណីឆក់ ប្រព្រឹត្តកាលពីថ្ងៃទី១៤ ខែតុលា ឆ្នាំ២០១៩ វេលាម៉ោង៦:០០នាទី នៅចំនុចខាងមុខកាស៊ីណូវីននីស ស្ថិតក្នុងភូមិបាវិតកណ្តាល សង្កាត់បាវិត ក្រុងបាវិត ខេត្ត ស្វាយរៀង ។ ៤.ឈ្មោះ ឡេង ភាព ភេទប្រុស អាយុ២៤ឆ្នាំ មុខរបរពិតប្រាកដ មានទីលំនៅភូមិដូង ឃុំដូង ស្រុករមាសហែក ខេត្តស្វាយរៀង ។៥.ឈ្មោះ វង្ស វិសាល ភេទប្រុស អាយុ១៧ ឆ្នាំមុខរបរពិតប្រាកដ មានទីលំនៅភូមិស្រែសៀម ឃុំជីរ៉ូ២ ស្រុកត្បូងឃ្មុំ ខេត្តកំពង់ចាម ៦.ឈ្មោះ សូ ចាក់ត្រា ភេទប្រុស អាយុ ២៤ ឆ្នាំមុខរបរពិតប្រាកដ មានទីលំនៅភូមិត្រពាំងផ្អាវ ឃុំពងទឹក ស្រុករំដួល ខេត្តស្វាយរៀងនិងទី៧.ឈ្មោះ ញឹម រី ភេទប្រុស អាយុ២០ឆ្នាំ មុខរបរពិតប្រាកដ មានទីលំនៅភូមិកោះអណ្តែត ឃុំកោះអណ្តែត ស្រុកកោះអណ្តែត ខេត្តតាកែវ ។
ប្រភពបន្តថា សមត្ថកិច្ចបាន ដកហូតសម្ភារៈវត្ថុតាងរួមមាន ថ្នាំញៀនគ្រាប់ចំនួន៤៩គ្រាប់ ទូរស័ព្ទដៃចំនួន ២គ្រឿង សម្រាប់ប្រើប្រាស់ថ្នាំញៀនមួយចំនួន ។ បច្ចុប្បន្នជនសង្ស័យទាំង៧នាក់ រួមទាំងវត្ថតាង ត្រូវបានសមត្ថកិច្ចឃាត់ខ្លួន នៅប៉ុស្តិ៍នគរបាលរដ្ឋបាលបាវិត ដើម្បីសាកសួរ និងកសាងសុំណុំរឿង ចាត់ការតាមច្បាប់៕ ដោយ៖វ៉ៃកូ