ខេត្តព្រះសីហនុ៖ កាលពីរសៀលថ្ងៃទី២១ ខែតុលា ឆ្នាំ២០១៩នេះ លោក គួច ចំរើន អភិបាល នៃគណៈអភិបាលខេត្តព្រះសីហនុ បានដឹកនាំមន្ត្រីជំនាញ ចុះពិនិត្យផ្លូវចំនួន៣ខ្សែ ដែលស្ថិតនៅក្នុងគម្រោងផ្លូវត្រូវស្ថាបនា ២៤ខ្សែ ដើម្បីសម្រួលដល់ការធ្វើចរាចរណ៍ និងបញ្ចៀសការកកស្ទះ នាមូលដ្ឋានក្រុងព្រះសីហនុ។
នាឱកាសនោះ លោក គួច ចំរើន អភិបាលខេត្តព្រះសីហនុ ក៏បានបន្តទៅពិនិត្យតូបលក់ដូរ របស់អាជីវករ នៅចុងអូរឈើទាល និងផ្តល់ឱ្យអាជីវករសាងសង់តូប របស់ពួកគាត់ជាថ្មីឡើងវិញ ឲ្យស្របទៅតាមលក្ខណៈស្តង់ដា ដែលធ្វើឱ្យមានសោភ័ណភាព កាន់តែល្អ ដើម្បីឱ្យទាក់ទាញភ្ញៀវទេសចរជាតិ និងអន្តរជាតិ ឲ្យចូលមកកកម្សាន្តខេត្តព្រះសីហនុ ឱ្យបានច្រើន នាបណ្តាឆ្នាំខាងមុខៗទៀត៕ ដោយ៖ ដែន សីមា
