ខេត្តព្រះសីហនុ៖ ថ្នាក់ដឹកនាំរដ្ឋបាលបាល ខេត្តព្រះសីហនុ បានព្រមានក្រុមហ៊ុនកាពីតូល ដែលជាក្រុមហ៊ុនរថយន្តក្រុងដឹកអ្នកដំណើរ ហាមមិនឲ្យយករថយន្តទៅចតលើចិញ្ចើមផ្លូវថ្នល់សាធារណៈ បង្កឲ្យមានការកកស្ទះចរាចរណ៍ និងបាត់បង់សណ្តាប់ធ្នាប់សាធារណៈ ក្នុងក្រុងព្រះសីហនុទៀតទេ។
ផ្តើមពីបញ្ហានេះ រដ្ឋបាលខេត្តព្រះសីហនុ នៅល្ងាចថ្ងៃទី២១ ខែតុលា ឆ្នាំ២០១៩នេះ បានជូនដំណឹងជាថ្មីទៀតទៅ លោក កុសល វាសនា អ្នកគ្រប់គ្រងរថយន្ដក្រុង របស់ក្រុមហ៊ុនកាពីតូល ឲ្យបញ្ឈប់ការយករងយន្តក្រុង របស់ខ្លួន មកចតលើដងផ្លូវ តទៅទៀត ព្រោះបានបង្កការកកស្ទះចរាចរណ៍រាល់ថ្ងៃ។
ចំពោះករណីខាងលើនេះ រដ្ឋបាលក្រុងព្រះសីហនុ ក៏ធ្លាប់បានធ្វើកំណត់ហេតុម្ដងរួចហើយ ដោយបានធ្វើកិច្ចសន្យាថា ប្រសិនបើក្រុមហ៊ុនតាពីតូល នៅបន្ដយករថយន្តម្ចតលើផ្លូវថ្នល់សាធារណៈទៀតនោះ អាជ្ញាធររដ្ឋបាលក្រុង-ខេត្តព្រះសីហនុ នឹងចាត់វិធានការ ដោយគ្មានការលើកលែងឲ្យទៀតឡើយ៕ ដោយ៖ ដែន សីមា