ឆ្នាំជូត
រាសីខ្ពស់ត្រដែត។នៅថ្ងៃនេះផ្តល់ផលល្អសម្រាប់លោកអ្នកដំណើរកិច្ចការងារឬប្រកបការងារតូចធំបំផុត។អ្នកប្រកបរបររកស៊ីជួញដូរវិញបើលោកអ្នកចង់ធ្វើជំនួញតូចធំក៏ប្រសើរដែរព្រោះថាផ្លែផ្កាដែលហុចមកវិញបើទោះបីច្រើនតិចក៏ជួយឱ្យអាចរកផលចំណូលខ្លះៗគ្រាន់ចិញ្ចឹមឆ្នាំងបាយ។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
រីឯមនោសញ្ចេតនាស្នេហាកំលោះក្រមុំបើស្គាល់ចិត្តស្គាល់ថ្លើមគ្នាយូរហើយជាឱកាសល្អបំផុតសម្រាប់លោកអ្នកផ្សំផ្គុំគ្រួសារបំផុត៕
ឆ្នាំឆ្លូវ
រាសីខ្ពស់ត្រដែត។នៅថ្ងៃនេះលោកអ្នកអាចសម្រុកការងារពេញទីបានហើយពីព្រោះថាផលជាផ្លែផ្កាតែងហុចមកវិញជានិច្ច។សម្រាប់អ្នកប្រកបរបររកស៊ីជួញដូរវិញការរកផលចំណូលមានការកម្រើកគួរសមឡើងវិញដូចនេះលោកអ្នកអាចបើកររបរថ្មីឬផ្លាស់ប្តូរមុខរបរក៏តែងផ្តល់ផលល្អៗមកវិញដូចគាប់បំណង។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
រីឯមនោសញ្ចេតនាស្នេហាកំលោះក្រមុំកុំចង់ទុំមុនស្រគាលប្រយ័ត្នកើតរឿងធំគ្មាននរណាអាចជួយកើត៕
ឆ្នាំខាល
រាសីស្រុតចុះ។នៅថ្ងៃនេះលោកអ្នកនឿយទាំងកាយនិងនឿយទាំងចិត្តធ្វើឱ្យជួបនូវបញ្ហាលំបាកច្រើនចំពោះមុខ។សម្រាប់អ្នកប្រកបរបររកស៊ីជួញដូរនៅថ្ងៃនេះវិញជួបការលំបាកក្នុងការរកផលចំណូលបន្តិចហើយបើចង់ប្រកបជំនួញធំៗទាល់តែខិតខំខ្លាំងទើបជោគជ័យទៅរួច។
រីឯមនោសញ្ចេតនា បញ្ហាសម្ព័ន្ធស្នេហាប្រុសស្រីកើតមានការរង្គោះរង្គើច្រើនដូចនេះត្រូវចេះកាត់បន្ថយជម្លោះវិវាទខ្លះទើបគ្មានបញ្ហាចោទមានឡើង៕
ឆ្នាំថោះ
រាសីល្អជាមធ្យម។ក្នុងថ្ងៃនេះដំណើរជីវិតរបស់លោកអ្នកឃើញថាមានការចម្រើនលូតលាស់ទៅមុខសន្សឹមៗតែយ៉ាងណាបញ្ហាសៅហ្មងតែងកើតមានផងដែរ។ សម្រាប់អ្នកប្រកបរបររកស៊ីជួញដូរក្នុងថ្ងៃនេះការចេញធ្វើជំនួញមិនថាផ្លូវគោកផ្លូវទឹកផ្លូវអាកាសក្តីតែងមានភាពសុខដុមហើយផលកម្រៃទៀតសោតបានគ្រាន់សម្រាប់ដោះស្រាយជីវភាពប្រចាំថ្ងៃអញ្ចឹងផង។
រីឯមនោសញ្ចេតនាសម្ព័ន្ធស្នេហាប្រុសស្រីកុំគប្បីយកភាពប្រកែប្រកាន់ដាក់ខ្លួនច្រើននាំតែកើតរឿងសៅហ្មងចំពោះគ្នាប៉ុណ្ណោះ៕
ឆ្នាំរោង
រាសីល្អជាមធ្យម។នៅថ្ងៃនេះទោះបីលោកអ្នកបំពេញកិច្ចការងារអ្វីឃើញថាតែងផ្តល់ផលល្អនិងក្រុមមនុស្សជួយជ្រោមជ្រែងផង។ថ្ងៃនេះដែរលោកអ្នកគប្បីមានការប្រយ័ត្នប្រយែងបន្តិចព្រោះងាយជួបគ្រោះចាញ់បោកគេណាស់ដែរ។ចំពោះអ្នកប្រកបរបររកស៊ីជួញដូរវិញមានភាពលំនឹងល្អហើយទោះជួញទីជិតឆ្ងាយអាចរកផលកម្រៃគ្រាន់ចិញ្ចឹមឆ្នាំងបាយអញ្ចឹងដែរ។
រីឯមនោសញ្ចេតនាបញ្ហាគូស្នេហ៍ប្រុសស្រីកុំយកកំហឹងទល់កំហល់ដាក់ខ្លួនប្រយ័ត្នកើតរឿងធំឈានដល់ការបែកបាក់៕
ឆ្នាំម្សាញ់
រាសីខ្ពស់ត្រដែត។នៅថ្ងៃនេះលោកអ្នកអាចទទួលដំណឹងល្អនិងមានរឿងរាវចូលមកឱ្យសប្បាយចិត្តផង។ការរស់នៅបញ្ហាគ្រួសារឬសេចក្តីស្នេហាមានភាពល្អផូរផង់ប្រពៃនិងកំពុងកើតវាលកាលកុម្ពត្រជាក់ត្រជុំល្អណាស់។ចំពោះអ្នកប្រកបរបររកស៊ីជួញដូរមានការទិញចូលលក់ចេញគ្រាន់បើតែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។
រីឯមនោសញ្ចេតនាបញ្ហាសេចក្តីស្នេហាប្រុសស្រីបើមានការផ្សំផ្គុំគ្រួសារឬចូលស្តីដណ្តឹងជាពេលវេលាល្អប្រពៃផងដែរ៕
ឆ្នាំមមី
រាសីខ្ពស់ត្រដែត។នៅថ្ងៃនេះបើមានកិច្ចការងារអ្វីលោកអ្នកអាចសម្រុកបានហើយ ពីព្រោះថាផ្លែផ្កាល្អៗតែងហុចមកវិញជានិច្ច។អ្នកប្រកបរបររកស៊ីជួញដូរបើលោកអ្នកមិនធ្លាប់ចេញធ្វើជំនួញផ្លូវឆ្ងាយហើយចង់សាកល្បងមើលក៏ជាការល្អប្រសើរដែរព្រោះតែងហុចផ្លែផ្កាដូចសមប្រកប។ការធ្វើដំណើរឆ្ងាយជិតជួបភាពសុខដុមដូចសព្វមួយដង។
រីឯមនោសញ្ចេតនាបញ្ហាសេចក្តីស្នេហាប្រុសស្រីកំពុងមានភាពស្រស់ស្រាយនិងផ្អែមល្ហែមប្រពៃណាស់៕
ឆ្នាំមមែ
រាសីល្អជាមធ្យម។ក្នុងថ្ងៃនេះពុំមានផលអាក្រក់ណាមួយចូលមកអុកឡុកយាយីបង្កជាបញ្ហាអ្វីច្រើនទេហើយបើមាននោះក៏អាចត្រូវឆាប់រលាយរលត់ទៅវិញដែរ។ចំណែកការប្រកបការងារមានការរីកលូតលាស់សន្សឹមៗដូចសព្វមួយដង។សម្រាប់អ្នកប្រកបរបររកស៊ីជួញដូរវិញមិនថាការជួញទីជិតឆ្ងាយជួបសេចក្តីសុខដុមដោយអាចប្រមូលភោគផលចូលផ្ទះវិញគួរជាទីកក់ក្តៅ ។
រីឯមនោសញ្ចេតនាបញ្ហាសម្ព័ន្ធស្នេហាកំលោះក្រមុំកុំគប្បីយកចិត្តខ្លាំងដាក់ខ្លួននាំតែកើតរឿងរាវរកាំរកូសឈានមិនដល់ខ្លោងទ្វារអាពាហ៍ពិពាហ៍៕
ឆ្នាំវក
រាសីល្អជាមធ្យម។នៅថ្ងៃនេះការប្រកបការងារឃើញថាជួបផលលំបាកមួយចំនួនដែលត្រូវរែកពន់ផង។សម្រាប់អ្នកប្រកបរបររកស៊ីជួញដូរវិញមានការជួបស្ថានភាពលំបាកក្នុងការរកប្រាក់ចំណូល ឯការចាយវាយទៀតសោតគ្រប់សារពើធ្វើមិនសូវសុខស្រួលខ្លួនប៉ុន្មានទេ។ការធ្វើដំណើរទៅទិសពាយ័ព្យមិនសូវមានសុវត្តិភាពទេគប្បីមានការប្រយ័ត្នប្រយែងបន្តិចទើបប្រសើរ។
រីឯមនោសញ្ចេតនាសម្ព័ន្ធស្នេហាប្រុសស្រីមានដំណើរថយក្រោយនិងជម្លោះវិវាទច្រើន៕
ឆ្នាំរកា
រាសីស្រុតចុះ។នៅថ្ងៃនេះលោកអ្នកធ្វើអ្វីតែងប្រទាំងប្រទើសនិងជួបបញ្ហាច្រើនផង។សម្រាប់អ្នកប្រកបរបររកស៊ីជួញដូរវិញភាពស៊យនៅតែតាមជាប់ជានិច្ចដូច្នេះឱ្យប្រយ័ត្នជួបគ្រោះបាត់របស់និងគ្រោះចាញ់បោកគេ។ការធ្វើដំណើរឆ្ងាយជិតចូរប្រយ័ត្នក្រុមមនុស្សបៀតបៀនយាយីដោយប្រការណាមួយ។
រីឯមនោសញ្ចេតនាបញ្ហាស្នេហាកំលោះក្រមុំឬពោះម៉ាយមេម៉ាយក្តីក្នុងពេលនេះមានការចាប់កំហុសព្រោះតែភាពចង់ចាញ់ឈ្នះគ្នា ៕
ឆ្នាំចរ
រាសីខ្ពស់ត្រដែត។នៅថ្ងៃនេះបើទោះបីធ្វើអ្វីក៏តែងសម្រេចជោគជ័យនិងហុចផលមកវិញគ្រាន់ជាទីពេញចិត្ត។សម្រាប់អ្នកប្រកបរបររកស៊ីជួញដូរបើលោកអ្នកចង់បើករបរថ្មីឬមានការផ្ទេរទំនិញអ្វីមួយក៏តែងហុចផ្លែផ្កាមកវិញគួរជាទីពេញចិត្ត។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
រីឯមនោសញ្ចេតនាស្នេហាកំលោះក្រមុំមានការជឿនលឿនទៅមុខនិងកំពុងស្រស់ស្រាយប្រសើរណាស់៕
ឆ្នាំកុរ
រាសីស្រុតចុះ។ក្នុងថ្ងៃនេះបើលោកអ្នកចេះគ្រប់គ្រងខ្លួនឯងបានល្អនោះបញ្ហាតូចធំមិនអាចឈានចូលកើតហើយរឿងរាវអាក្រក់ដែលបម្រុងនឹងកើតក៏ចៀសចេញទៅឆ្ងាយដែរ។ចំពោះអ្នកប្រកបរបររកស៊ីជួញដូរវិញចូរប្រយ័ត្នក្រុមមនុស្សអុជអាលអ្វីមួយនាំឱ្យកើតការក្តៅក្រហាយបង្កជាជម្លោះជាមួយអ្នកដទៃឡើង។ការធ្វើដំណើរឆា្ងយជិតឱ្យប្រយ័ត្នក្រុមមនុស្សបន្តិចពីព្រោះគេងាយបង្កបញ្ហាមកដាក់ឱ្យអ្នកផង។
រីឯមនោសញ្ចេតនាស្នេហាប្រុសស្រីចូរប្រយ័ត្នក្រុមមនុស្សទី៣ចូលមកអុកឡុកនាំកើតជម្លោះវិវាទឈានដល់ការបែកបាក់៕