បុរសវ័យ ៨៦ឆ្នាំម្នាក់ ត្រូវបានចាប់ខ្លួនពាក់ព័ន្ធនឹងករណីឃាតកម្មកាលពីជិត ៤០ឆ្នាំមុននៅអាមេរិច។ បុរសជាជនសង្ស័យខាងលើមានឈ្មោះថា Walter James Mason។
លោកត្រូវបានគេប្រទះឃើញនៅក្នុងរដ្ឋតិចសាស សហរដ្ឋអាមេរិច ដោយរស់នៅប្រើឈ្មោះ Walter James Allison។ នេះបើតាមការបញ្ជាក់របស់មន្រ្តីនៅក្នុងតំបន់ Idaho កន្លែងដែលឃាតកម្មបានកើតឡើងជិត ៤០ឆ្នាំមុន។
ឃាតកម្មកើតឡើងកាលពីថ្ងៃទី ២២ ខែកញ្ញា ឆ្នាំ ១៩៨០។ ក្នុងហេតុការណ៍នោះ មានបុរសម្នាក់ត្រូវគេបាញ់ចំក្បាលស្លាប់ និង ២នាក់ផ្សេងទៀតរងរបួស។
លោក Walter James Mason ដែលរស់នៅតំបន់កើតហេតុ គឺជាជនសង្ស័យដំបូងគេដែលពាក់ព័ន្ធនឹងឃាតកម្ម។ នេះបើតាមការបញ្ជាក់របស់ប៉ូលីស៕
អត្ថបទប្រែសម្រួលដោយ៖ សុភ័ក្រ
ប្រភព៖ CNN